The Misadventures of Finding Mr. Right 3

November 9, 2005

Dear Diary,

Ilang Sabado nang hindi pumupunta ng simbahan si Robbie para tumulong sa pag-aayos ng altar para sa misa kinabukasan. Hindi na rin sya nagsisimba tuwing hapon kasi inihahatid nya 'yong nililigawan nya. Tapos, ilang beses syang napagalitan ni Sister kasi hindi sya prepared sa lessons. Mainit kasi ang mata sa kanya ni Sister kaya nakailang surprise observation sa pagtuturo nya. 

Ang ending, tinanggal sya sa pagiging catechist. So ayun, balik sya sa TLE. Mukhang gusto rin naman nya.

Medyo hindi na masaya kasi tatlo na lang kaming palaging magkakasama nina Lotlot. Lagi akong third wheel. Minsan nga hindi na lang din ako sumasama sa kanila para makapag-date silang dalawa.

Sabi ni Lotlot, next year nya raw sasagutin si Derrick, pagka-graduate namin. Tapos kapag sila pa rin daw after college, 'yon na raw 'yon. Si Derrick na 'yong pakakasalan nya.

Grabe, diary, ang bata-bata nya pa pero hanggang kasalan na ang nasa isip nya. 

Hindi maimagine ang future,

Ylona