The Misadventures of Finding Mr. Right 3

July 8, 2003

Dear Diary,

Sorry hindi na ulit kita nasulatan nang ilang araw. Nagri-review kasi ako para wala na akong masyadong iisipin sa exam.

Sinabi ko nga pala kay Lotlot na marunong kumanta si Robbie. Kaya tuwing mawawala si Robbie, hinihila ako ni Lotlot para hanapin namin sya. Kaso, hindi namin naaabutan na kumakanta si Robbie.

Hindi ko alam kung bakit sobrang big deal kay Lotlot na marunong kumanta si Robbie. Samantalang tuwing kumakanta ako, hindi naman natutuwa ang best friend ko. Hindi naman daw ako boses palaka. Boses mahinhing ipis lang. 

Kahapon, nawala si Robbie nang MAPEH namin. Nasa labas kami, naglalaro ng badminton. Biglang nawala si Robbie. Kaya si Lotlot, nag-excuse kay Miss. Pupunta raw ng CR. Tapos hinila ako. 

Hinanap namin si Robbie. Nakita namin sya sa area ng St. Matthew. Natutulog.

Dismayado na naman si Lotlot.

Pagod na kalalakad,

Ylona