🍁Daffodils:အပိုင်း(၇)အသဲကွဲတယ်ဆိုတာ...
မိုးပင်လယ် တစ်နေကုန်မနားရသေးပေမဲ့ ညရောက်တော့လဲ ပညာပေးအစီအစဥ်အတွက်လိုအပ်တာတွေထည့်နေရတယ်။ပညာပေးခရီးဆိုပေမယ့် ဆေးရုံဆေးခန်းဝေးကြတဲ့ဒေသတွေဖြစ်တာမို့ဆေးဝါးတွေလဲလှူကြဖို့လဲပါသေးတယ်။နားကျပ်၊သွေးပေါင်ချိန်စက်၊သွေးချို ဆီးချို စစ်ဖို့အတွက်ပါအကုန်ယူသွားရမယ်။အဝတ်အစားကတော့ပေါ့ပေါ့ပါးပါးနဲ့နွေးစေမယ့်အင်္ကျီ၂ထည်လောက်ဆိုရလောက်ပြီ။
သူဗီရိုထဲကအနွေးအင်္ကျီထုတ်လိုက်တော့ မှ နွေဦးရဲ့မာဖလာလေးပြန်မပေးရသေးတာကိုသတိရတယ်။ သေချာလျော်ဖွတ်မီးပူတိုက်ထားတဲ့ဖာဖလာလေးကိုမွှေးကြူလိုက်တော့ဆပ်ပြာနံ့လေးနဲ့အတူနွေဦးရဲ့အငွေ့အသက်လေး ရလိုက်သလိုမို့နှလုံးသားထဲနွေးထွေးသွားရတယ်။ မာဖလာကိုမွှေးကြူရင်းမှ ကိုကျော်ဇင်ထွဋ်ပြောတာကို သတိရသွားတယ်။
အဲ့နေ့က နွေဦး နဲ့ခေမီ ကော်ရစ်ဒါမှာ စကားများနေကြတာကို ကိုကျော်ဇင်ထွဋ်က အမှတ်မထင်ကြားသွားတယ်။
ကိုထွဋ်ကနားနေခန်းဝကနေခေါင်းကိုပြူကြည့်ကာ သူ့စားပွဲကိုပြန်လာပြီး...
"ငါထင်သားပဲ ခေမီနဲ့နွေဦးက တစ်ခုခုပါပဲဆိုတာ"
"ဘာလို့လဲဗျ"
"ကော်ရစ်ဒါမှာ စကားများနေကြတယ်...ကြည့်ရတာ မင့် နွေဦးက ခဲမှန်ဖူးတဲ့စာသူငယ်ထပ်မဖြစ်ချင်ဘူးထင်တယ်"
"စာသူငယ်!!???သူတို့ကတွဲဖူးတာလား"
"ဟုတ်မှာပေါ့..ငါလဲ ဖျတ်ခနဲပဲကြားလိုက်ရတာ..နွေဦးကတော့လုံးဝကိုကြောက်နေပုံပဲ"
ကိုထွဋ်စကားကြောင့် မိုးပင်လယ် မျက်လုံးထဲမှာတစ်ခါတစ်လေအသက်မဲ့နေတတ်တဲ့ နွေဦးရဲ့မျက်လုံးနဲ့မျက်နှာကိုမြင်ယောင်လာမိတယ်။
"ဟုတ်လား..."
မိုးပင်လယ်စကားထောက်ပေးတော့ ကိုကျော်ဇင်ထွဋ်က ခေါင်းညိတ်တယ်။
"ငါဒီတစ်ခါတော့ နွေဦးကိုသနားသလိုလိုဖြစ်သွားပြီ...ခေမီလဲ ဇနဲ့ပဲထင်တယ်ကွ...ငါထင်ပါတယ် ဒီလိုတောင်ပေါ်က ဆေးရုံကိုလာဖို့ဆိုတာ အသဲကွဲ နေတဲ့လူတွေပဲလာကြမှာ"
YOU ARE READING
?Daffodils[Complete]
Romanceတောင်ပေါ်ဒေသဆေးရုံတစ်ခုမှာတာဝန်ကျကြတဲ့ခွဲစိတ်ဆရာဝန်လေး၂ယောက်ရဲ့Love story ရိုးရိုးလေးပါပဲ... ဖြေးဖြေးငြိမ့်ငြိမ့်drama ဇာတ်လမ်းလေးတွေကြိုက်သူတွေအတွက်ပိုအဆင်ပြေမှာပါ...
![?Daffodils[Complete]](https://img.wattpad.com/cover/266924640-64-k177497.jpg)