🍁Daffodils:အပိုင်း(၂၉)ကျွန်တော်နဲ့ခင်ဗျားချစ်သူတွေမှဟုတ်ရဲ့လား
မိုးပင်လယ် အဆက်မပြတ်ဝင်နေတဲ့မတ်ဆေ့ချ်တွေနဲ့ Miss callတွေကိုစိတ်ပျက်လက်ပျက်ထိုင်ကြည့်နေမိတယ်။သူ့ဖုန်းရဲ့Call Logတစ်ခုလုံးလဲနီရဲနေပြီ။သူ့အမေဇွဲကောင်းမှန်းသူသိပေမဲ့ ဒီလောက်လုပ်နေမယ်လို့မမျှော်လင့်ထားဘူး...သူနံပါတ်တစ်ခုကိုဘလော့ခ်လိုက်ရင် အခြားနံပါတ်တစ်ခု ..နောက်ထပ်ဘလော့ခ်ရင် နောက်ထပ်နံပါတ်တစ်ခု။
သူလောလောဆယ် သူ့အမေနဲ့စကားမပြောချင်သေးဘူး...ပြောလိုက်ရင်လဲ သေချာပေါက်သူနဲ့နွေဦး စိတ်ချမ်းသာစေမဲ့အကြောင်းမဟုတ်လောက်ဘူးဆိုတာ သူခံစားမိနေတယ်။ခုဆို သူဘလော့ခ်ပစ်ရတဲ့ ဖုန်းနံပါတ်ပေါင်း အခုနှစ်ဆယ်ကျော်နေပြီ...ခေါ်နေတဲ့ရက်ပေါင်းကလဲ နှစ်ပါတ်ကျော်နေပြီ။
ဒါတောင် ခေမီကနေတစ်ဆင့် ခေါ်ခိုင်းတာတွေမပါသေးဘူး။မိုးပင်လယ် အသစ်ဝင်လာတဲ့နံပါတ်ကို Blacklistထဲထည့်ပစ်လိုက်ပြီး စိတ်ထဲကပဲသူ့မေမေကိုတောင်းပန်လိုက်တယ်။သူ့မွေးနေ့မှာ နွေဦးနဲ့စိတ်လွတ်ကိုယ်လွတ် ပေါ့ပေါ့ပါးပါးလေးနေချင်တယ်။သူ့မွေးနေ့ရောက်ဖို့ ငါးရက်လောက်ပဲလိုတော့တာဆိုတော့။
ငါးရက်လောက်ပါပဲမေမေ ကျွန်တော့ကိုပျော်ခွင့်ပေးပါဦး။
ဖုန်းကိုကြည့်ပြီးငိုင်နေတဲ့ မိုးပင်လယ်ကို နားနေခန်းရဲ့ပြတင်းပေါက်ကနေနွေဦးတွေ့နေရတယ်။အခုတလောအဲ့လိုငိုင်ငိုင်နေတာကြာနေပြီ။သူ့ကိုတစ်ချိန်ချိန်မှာပြောပြလာမလားစောင့်နေရင်းနေ့ရက်တွေသာကြာသွားတယ် သူ့ကိုမပြောပြလာဘူး။
သူ့ရှေ့ရောက်ရင်တော့ ပုံမှန်အတိုင်းနေနေပေမဲ့ ကွယ်ရာရောက်တာနဲ့ ငိုင်နေတတ်တာ။မိုးပင်လယ်ကိုငိုင်သွားပြီး စိတ်ဝိညာဥ်ပျောက်သလိုလုပ်နိုင်တာတစ်ယောက်ပဲရှိတယ်။မေမေချစ်သားလေး ကိုကြည့်ပြီးနွေဦး မသက်မသာနဲ့သက်ပြင်းချမိပြီး သူ့အပေါ်ပွင့်လင်းတာရဲ့တစ်ဝက်လောက်မိုးပင်လယ် သူ့အမေအပေါ်ပွင့်လင်းရင်တောင် သားအမိဆက်ဆံရေးကပိုအဆင်ပြေလိမ့်မယ်လို့တွေးမိတယ်။
YOU ARE READING
?Daffodils[Complete]
Romanceတောင်ပေါ်ဒေသဆေးရုံတစ်ခုမှာတာဝန်ကျကြတဲ့ခွဲစိတ်ဆရာဝန်လေး၂ယောက်ရဲ့Love story ရိုးရိုးလေးပါပဲ... ဖြေးဖြေးငြိမ့်ငြိမ့်drama ဇာတ်လမ်းလေးတွေကြိုက်သူတွေအတွက်ပိုအဆင်ပြေမှာပါ...