Married Life Story:ပွဲကြိုက်တဲ့ကလေးတို့မေမေ
"တွေ့ရတာဝမ်းသာပါတယ် နွေဦးဧရာ...ကိုယ့်နာမည် သွန်းအလင်္ကာ...အမြွှာလေးတွေအမေရင်း...ဒီလောက်ဆို ကိုယ့်ကိုသိလောက်ပါပြီနော်"
နွေဦးတောင့်ခဲခံရသလိုဖြစ်သွားပြီးခဏတာလောက်ကြောင်အသွားရတယ်။သွန်းအလင်္ကာကတော့အသံလွင်လွင်နဲ့ ရယ်နေရင်း...
"ကိုယ့်ကိုမမှတ်မိတာတော့ လွန်တာပေါ့...ကိုယ့်ပုံစံကအဲ့လောက်တောင်သာမာန်ဆန်တာလား!ဟင်!..သြော်..ဟုတ်သားပဲ ကိုယ်မေ့နေတာ အဲ့တုန်းကကိုယ် Maskတပ်ထားတာကို"
သွန်းအလင်္ကာကတော့ သူ့ဟာသူမေး သူ့ဟာသူဖြေနဲ့ ဟန်ကျနေပေမယ့် နွေဦးကတော့ဘယ်လိုမှကိုအဆင်ပြေမနေဘူးဖြစ်နေတာကြောင့် စကားရောဖောရောတောင်မလုပ်မိဘူး။နွေဦး ချောင်းတစ်ချက်ဟန့်လိုက်ပြီး...ကမ်းထားတဲ့လက်ကိုဆုတ်ကိုင်လိုက်တယ်။ပြီးတော့ တည်ငြိမ်အောင် အတင်းလုပ်ယူလိုက်ရတဲ့အသံနဲ့ ...
"တွေ့ရတာဝမ်းသာပါတယ် သွန်းအလင်္ကာ အမြဲတမ်းတွေ့ချင်နေခဲ့တာပါ"
လိမ်တာတစ်ဝက် အမှန်တရား တစ်ဝက်ပါတဲ့စကားကိုနွေဦး ပြောလိုက်တယ်။အမြဲတမ်းတွေ့ချင်နေတာက အမှန်တရားဖြစ်ပြီး တွေ့ရတာကိုတော့ သူတကယ်ကိုဝမ်းမသာနိုင်ဘူး။
စိတ်လှုပ်ရှားသွားတဲ့ မျက်နှာအနေအထားကိုတော့ အတတ်နိုင်ဆုံး ထိန်းချုပ်ထားပေမယ့် သွန်းအလင်္ကာရဲ့လက်ကိုကိုင်လိုက်တဲ့ သူ့လက်တွေအေးစက်မနေဖို့တော့ သူ မထိန်းချုပ်နိုင်လိုက်တော့ သွန်းအလင်္ကာရဲ့မျက်နှာမှာ အံ့ြသတဲ့အရိပ်လေးခပ်ပါးပါးဖြတ်ပြေးသွားတယ်။
"နွေဦး...လက်တွေအေးစက်နေပါလား!ကိုယ်ရောက်လာတာကိုလန့်သွားတာလား"
နွေဦးခေါင်းညိတ်လိုက်ပြီး လက်ကိုပြန်ရုတ်ယူလိုက်တော့ သွန်းအင်္လကာ ကပြန်ဆွဲထားပြီး...
"လန့်သွားတာလားလို့ ပြောဦးလေ"
"နည်းနည်း!ရုတ်တရက်ကြီးဆိုတော့"
"အင်း...ကိုယ်ထင်ပါတယ်...မလန့်ပါနဲ့ ကိုယ်ကကိုက်မစားပါဘူး ဟင်းဟင်း"
VOUS LISEZ
?Daffodils[Complete]
Roman d'amourတောင်ပေါ်ဒေသဆေးရုံတစ်ခုမှာတာဝန်ကျကြတဲ့ခွဲစိတ်ဆရာဝန်လေး၂ယောက်ရဲ့Love story ရိုးရိုးလေးပါပဲ... ဖြေးဖြေးငြိမ့်ငြိမ့်drama ဇာတ်လမ်းလေးတွေကြိုက်သူတွေအတွက်ပိုအဆင်ပြေမှာပါ...
![?Daffodils[Complete]](https://img.wattpad.com/cover/266924640-64-k177497.jpg)