Dumiretso muna ako kila Kinah at kasalukuyan kong tinutupi ang mga damit ko at nilalagay iyon sa maleta ko. Maglalagay na ko ng mga damit doon sa condo ko.
"Thank you Kins ah? Nakakahiya na kay Tita na nandito ako. Tsaka, binigyan naman ako ni Daddy ng condo kaya dun na lang ako. Kesa naman hindi ko gamitin diba? Kahit galit ako sakanya o hindi, gagamitin ko pa din 'yun kasi bigay niya." Sabi ko at tinignan siya saglit at nginitian siya bago ko ulit itupi ang mga damit ko.
"Nako wala 'yun! Kung pwede nga lang 'wag ka ng umalis. Wala na kong makakakulitan dito e." Reklamo niya.
Tumawa naman ako at sinara ang maleta ko, "Baliw. Hindi pwede. Hindi naman pwedeng forever ako dito. Walang forever!"
"Bwisit. Akala ko seryoso." Sabi niya at binato ako ng chips.
"Hahahaha! 'De seryoso, hindi pwedeng dito ako ng matagal. Nakakahiya kay Tita no."
"Sus! Tinuturing kana nga niyang anak e. Kaya dito kana lang pleaaaaaseeee." Sabi niya at niyugyog pa ako.
Bumuntong hininga ako at umupo sa tabi niya. Pinaglaruan ko ang mga paa ko.
"As much as I want to, hindi pwede Kins e. Nahihiya na ko kay Tita. Tyaka ano ka ba! Magkakasama pa din naman tayo. OA ka ah." Sabi ko at tumawa.
"Mamimiss lang naman kasi kita. Grabe ka,"
Napatingin ako sakaniya nagp-pout siya. Ngumiti ako at niyakap siya.
"I will miss you too. 'Yung kada umaga magseselfie muna tayo bago magunahan maligo? Tas 'yung sabay tayong gagawa ng assignment. Sabay tayong kakain, manonood ng TV at kung ano pa. Pero pwede pa naman natin gawin 'yun. Kapag nagsleep over ka samin o kaya kapag dito ako natulog."
"Oo nga no? Basta ha, alam mo na kapag nandun kami."
Tumawa ako, "Oo." At tumayo ako. "Sige na. Punta na ko sa ospital."
Tumango siya, "Sige. Pahatid pa ba kita?"
"'Wag na. Magt-taxi na lang ako."
"Sige. Tara hatid na kita sa baba."
Hinila ko na ang maleta ko. Jusme! Para namang magiibang bansa ako. Si Kinah naman hinatak ang isa ko pang maleta.
"Maam kami na po." Sabi nila Yaya Melinda.
"Sige po." Sabi namin ni Kinah at bumaba na kami.
Pagkababa namin ay kinuha ko na kila Yaya 'yung maleta ko at nagpasalamat.
"Asan si Tita?" Tanong ko kay Kinah.
"Ay wala e, nasa Cebu para sa meeting niya."
"Aww. Text ko na lang siya." Sabi ko at hinila ang maleta ko.
Lumabas kami ni Kinah at naghintay ng taxi. Nang may makuha kami nilagay ko na sa likod ang maleta ko at niyakap si Kinah.
"Bye. Text mo ko ha?" Sabi niya.
"I will." Sabi ko at sumakay na sa taxi.
Tinext ko na si Tita. Nagpaalam at nagpasalamat lang ako sakaniya.
Nang makadating kami sa St. Lukes ay binayaran ko na si Manong at bumaba na ako. Umakyat na ako sa 5th floor at pumasok sa room ni Daddy. Pagpasok ko ay nakita ko siyang kumakain ng apple.
"How are you, Dad?" Tanong ko sakaniya at umupo sa upuan na nasa tapat ng kama niya.
"I'm fine. I'll have my biopsy tomorrow."
Lumapit ako sakaniya at hinawakan ang kamay niya, "You can do it, Dad. Just fight okay? Please."
"I will. Para sainyo ni Vanessa." Sabi niya kaya niyakap ko siya.
