" ရှောင်းကျန့် ကျောင်းမသွားသေးဘူးလား "" ဒီနေ့အတန်းမတက်တော့ဘူးးး ရိပေါ်ကျောင်းမှာ ကပွဲရှိလို့....."
" အော်.....ညီလေးကို ငါကအားပေးနေမယ် ပြောလိုက်ဦးးး "
" အင်းး "
ရှောင်းကျန့် ခေါင်းတစ်ချက်ငြိမ့်ပြပြီး လုပ်လက်စအလုပ်ကို အာရုံအပြည့်စိုက်လိုက်သည်။
Boarded အဖြူပေါ် အစိမ်းရောင်စကားလုံးများက ချစ်ဖို့ကောင်းနေသည်။လွယ်အိတ်ထဲက အနီရဲရဲ အသည်းပုံ Sticker များကို ဘေးတစ်ဖက်စီမှာ ကပ်လိုက်သောကြောင့် ချစ်ဖို့ကောင်းနေသော စာတန်းကြီးမှာ အသည်းကိုတကျိကျိ ဖြစ်သွားစေသည်။
ဝမ်ရိပေါ် ကျားယို့!!!
ဝမ်ရိပေါ် ကျားယို့!!!"ဝေ့...ရှောင်းကျန့် မင်းဟာ ဒါပဲလားးး
တစ်ခြားဟာ မရေးတော့ဘူးလား "" ဒါက ပြည့်စုံနေပြီမလားးးငါမြင်ရသလောက် ဒါက တကယ် အဆင်ပြေနေပြီ..."
" ငါလုပ်ပေးမယ်..."
ကျန်းချန်က သူ့ဘောပင်အိတ်ကြီးတစ်ခုလုံး ရှောင်ကျန့်အနား ဆွဲလာကာ အဖြူရောင် Board အပါးပေါ် အဖြူရောင်ယုန်တစ်ကောင်နှင့် အပန်းရောင်ဝက်တစ်ကောင်ကို စိတ်ရှည်စွာ ဆွဲလို့နေသည်။ဆွဲနေသူက စိတ်ရှည်သလောက် စောင့်နေရတဲ့ ရှောင်းကျန့်က စိတ်လုံးဝမရှည်။
" မင်းဟာက မပြီးသေးဘူးလားး "
" ပြီးတော့မှာ ခဏ... "
" ရော့.. ဒီမှာ ပြီးပြီ.... "
အဖြူရောင် Board အပါးပေါ် ထင်းနေသော စကားလုံးမည်းမည်းများမှာ " DiDi Zhan Ge Aini "။ထိုဘေးတွင်တော့ ယုန်ကလေးရယ်မောနေသည်ကို နှုတ်ခမ်းကြီးထော်ပြီး ကြည့်နေသည့် ဝက်ပေါက်ကလေး။
ဒါက အားပေးစာနဲ့မတူတော့ဘဲ ရည်းစားစာနဲ့ တူလွန်းသည်ဟု ရှောင်းကျန့်ထင်သည်။ဒါ့ကြောင့် ထို Board ပြားကို ယူသွားဖို့ရာ တွန့်ဆုတ်နေမိသည်။သူ့ဘာသာ " ဝမ်ရိပေါ် ကျားယို့ " ဆိုတာလေးကပဲ ကောင်းနေပြီကို ကျန်းချန်က သိပ်လျှာရှည်တာပဲ။
" ဟေ့ ရှောင်းကျန့် စူပုတ်မနေနဲ့...မင်းညီလေးက ဒါကို သဘောကျမှာ သေချာတယ်.... "