ကျတော့်ရဲ့ နဂါးကောင်လေး(MM trans)

chapter 7

Uni

Fei Zhengရဲ့အိမ်ကနေ Nan HuaiLin ည 8နာရီ မထိုးခင်ထွက်လာခဲ့တယ်။ လရောင်နှင့် နီယွန်မီးရောင်ရဲ့အောက်မှာ မြေအောက်ရထားဘူတာရုံဆီကို လမ်းလျှောက်လာခဲ့တယ်။

Fei Zhengရဲ့အိမ်က အနောက်ဘက်ဒုတိယမြောက် မြို့ပတ်လမ်းမှာရှိပြီး Nan HuaiLin ငှားနေတဲ့အိမ်က အရှေ့ဘက် ငါးခုမြောက်မြို့ပတ်လမ်းမှာရှိတယ်။

Nan HuaiLinက တစ်လွှာမှာ ဆယ်ခန်းကျော်ပါတဲ့ ငါးထပ်အဆောက်အဦးမှာ တစ်ယောက်အခန်း တိုက်ခန်းတစ်ခု ငှားနေတယ်။ အဲ့ဒီနေရာက ဝေးလံတယ်ဆိုပေမယ့် တိုက်ခန်းကသန့်သန့်ရှင်းရှင်းသပ်သပ်ရပ်ရပ် ရှိတယ်။ စတုရန်းပေ 20လောက် ကျယ်တယ်။ မီးဖိုချောင်တစ်ခု၊ ရေချိုးခန်း၊ အဲယားကွန်းနှင့် အပူပေးစက်လည်းပါတယ်။ တစ်လငှားခက 1,800ပေးရတယ်။

သူ ပထမထပ်ကိုဖြတ်လာပြီး မန်နေဂျာဆီကို အခန်းငှားခပေးဖို့ သွားလိုက်တယ်။ ပြီးတော့ သူ့ရဲ့ပင်ပန်းနေတဲ့ခန္ဓာကိုယ်ကို လေးထပ်မြောက်အလွှာအထိ တရွတ်တိုက်ဆွဲလာခဲ့တယ်။ အခု သူ့ရဲ့အသိုက်အိမ်လေးကို ပြန်ရောက်ပြီ။

သူ အသင့်စားခေါက်ဆွဲတစ်ပန်းကန် ချက်လိုက်တယ်။ ပြီးတော့ သူ့လက်တော့ကို ဖွင့်ပြီး 'အိမ်သန့်ရှင်းရေးအလုပ်အတွက် ပါဝင်သည့်အကြောင်းအရာများနှင့် မှတ်စုများ'ဆိုတဲ့ Ruan Xin ပို့ထားတဲ့ အီးမေးကို ဖတ်ကြည့်နေရင်းပဲ ခေါက်ဆွဲစားလိုက်တယ်။

အဲ့ဒါက စာမျက်နှာငါးဆယ်ကျော်အထိရှည်တယ်။

Nan HuaiLin အချက်အလက်တစ်ခုချင်းစီကို ဖတ်ကြည့်လိုက်တယ်။ သူမနက်ဖြန် အဲ့ဒါတွေကို စာရွက်ထုတ်ဖို့ မိတ္တူကူးတဲ့ဆိုင်ကို သွားမှရမယ်လို့ ဆုံးဖြတ်လိုက်တယ်။

ခေါက်ဆွဲစားပြီးတော့ ချက်ပြုတ်အိုးနှင့်ပန်းကန်တွေကို ဆေးကြောသန့်စင်လိုက်တယ်။

အလုပ်ပိုင်သွားတော့ Nan HuaiLin သူ့ဘေးနားကို တစ်ချက်လှည့်ကြည့်ပြီး Shi Yanရဲ့ ပစ္စည်းတွေကို စုလိုက်တယ်။

Shi Yanက သူ့နေရာကို ညအိပ်ဖို့တစ်ခါတစ်ရံလာတတ်တယ်။ အကြိမ်အများကြီးလာဖူးတာတော့ မဟုတ်ပေမယ့် သူပြန်သွားတော့ သူ့ပစ္စည်းတစ်ချို့က ဒီမှာ ကျန်နေခဲ့တာ။