နန်ဟွိုင်လင် အမြန်ပြေးကာ ဘေးနံရံဖြင့်တိုက်မိပြီး ပြန်ထဖို့ ရုန်းကန်နေရတဲ့ နဂါးပေါက်လေးဆီသွားပြီး ရေထဲကနေ ဆယ်ယူပေးလိုက်သည်။ ထို့နောက် ထိုအကောင်ပေါက်လေး အဆင်ပြေရဲ့လား သိချင်လာ၍ အနီးကပ်ဆွဲယူကြည့်လိုက်ချိန်မှာ လုံးဝမထင်မှတ်ထားဘဲ သူ့မျက်နှာတစ်ခုလုံးကို ရေစက်အများကြီး စင်သွားတာကို ခံလိုက်ရတော့သည်။
တကယ်ကို ဒီအကောင်ပေါက်လေးက အရမ်းဆိုးတာပဲ...
သူ့မျက်နှာက ရေတွေကို သုတ်လိုက်ပြီး ခါးကုန်းကာ နဂါးပေါက်လေးကို ရေကန်ထဲ ပြန်ချလိုက်ပြီး သူ့ရဲ့ အပေါ်ကထပ်ဝတ်ထားတဲ့ ဘောင်းဘီတိုနဲ့တီရှပ်ကိုချွတ်ကာ ရေထဲကို ဆင်းလာခဲ့လိုက်သည်။ ရေအပူချိန်က အနည်းငယ်နွေးနေတာကြောင့် ရေထဲသို့ တဖြေးဖြေးနှစ်ဝင်သွားတဲ့အချိန်မှာ အရမ်းကို နေလို့ကောင်းနေပြီး ရေအမြင့်ကလည်း အရမ်းမနက်ဘဲ သူ့ရင်ဘတ်လောက်သာရှိ၏။
ထိုစဥ် အဖြူရောင်နဂါးကြီးက အမြှီးကိုလှုပ်ယမ်းရင်း ရေကူးကာ သူ့ဘေးသို့ရောက်လာပြီးနောက် ပါးစပ်ဖွင့်ကာ ရေတံခွန်သဖွယ် သူ့ပေါ်ကို ရေတွေ ထပ်မံလောင်းချလိုက်ပြန်၏။
နန်ဟွိုင်လင်, "......."
ဒီအကြီးက ခုနကပေါက်စလေးထက် ပိုဆိုးတာပဲ....
အဖြူရောင်နဂါးကြီးက သူ့မျက်နှာကို ရေစက်တွေနဲ့ ထပ်မံပက်ဖြန်းလိုက်ပြီး ခေါင်းငုံ့ကာ သူ့မျက်နှာကို ကျေနပ်စွာဖြင့် ပွတ်သက်လာခဲ့သည်။ ထို့နောက် ခေါင်းကိုစောင်းကာ နန်ဟွိုင်လင်ကို သူ့ကျောပေါ်တက်ဖို့ အချက်ပြလာ၏။
ထို့ကြောင့် နဂါးကြီး၏လည်ဆံမွှေးကိုဆွဲကာ နန်ဟွိုင်လင် အပေါ်သို့ တက်ထိုင်လိုက်သည်။ ထိုအရာကို နဂါးပေါက်စလေးတွေက မြင်သွားပြီး သူတို့၏အတောင်ပံများကို တစ်ဖျပ်ဖျပ်ခပ်ကာ ပျံသန်းလာပြီး အဖြူရောင်နဂါးကြီး၏ကျောပေါ်သို့ အတန်းလိုက် ဆင်းသက်လာကြသည်။ သူတို့က နန်ဟွိုင်လင်ရှေ့မှာ ခေါင်းလေးတွေ အမြှီးလေးတွေပေးကာ အတူတူထိုင်နေတော့ အဖြူရောင်ငုံးပေါက်လေး လေးကောင်ထိုင်နေသလို ဆင်တူနေတော့သည်။
YOU ARE READING
ကျတော့်ရဲ့ နဂါးကောင်လေး(MM trans)
Romanceကျတော့ရဲ့ gongက အမြီးအကြီးကြီးနဲ့ နဂါးကြီး
