ကျတော့်ရဲ့ နဂါးကောင်လေး(MM trans)

Chapter 29 (part 1)

နန်ဟွိုင်လင် စနေ၊ တနင်္ဂနွေပိတ်ရက် နှစ်ရက်လုံးကို 'ကြယ်နိုင်ငံ'ရဲ့ ဇာတ်ညွှန်းဖတ်နေရင်းနဲ့ပဲ ကုန်ဆုံးလိုက်တယ်။

ဇာတ်ညွှမ်းကို အစကနေ အဆုံးထိ နှစ်ခေါက် သေသေချာချာဖတ်ပြီးပြီမို့လို့ Lu JinQinဇာတ်ကောင်ရဲ့ စရိုက်ကို တော်တော်လေး ကျေညပ်သွားပြီလို့ ခံစားရတယ်။ စေ့စေ့စပ်စပ်ပြောရမယ်ဆိုရင် ဘယ်ဇာတ်ကွက်ကိုမဆို ပထမဆုံး စကားပြောရမဲ့စာကြောင်းကို အစသိလိုက်ရုံနဲ့ သူ ကောင်းကောင်း သရုပ်ဆောင်နိုင်မယ်လို့ကို ယုံကြည်ချက်အပြည့်ရှိနေပြီ။ ပြီးတော့ ဒီဇာတ်လမ်းက ရှေးခတ်ရဲ့ မသေမျိုး နတ်ဘုရားပုံစံမျိုးဖြစ်တာကြောင့် ပြောရမဲ့စာသားတွေက မှတ်မိဖို့ တော်တော်လေးခက်တယ်။ ဒါပေမယ့် နန်ဟွိုင်လင်ရဲ့ စာကြောင်းတွေကို မှတ်နိုင်တဲ့စကေးက ထိအ်ဆုံးအဆင့်မှာရှိတယ်။ ရှုတင်မစခင် 10မိနစ်လောက်ပဲ သူ့ကို အချိန်ပေးလိုက်...စာကြောင်းအများကြီးပါတဲ့ စာပိုဒ်အရှည်ကြီးကို proတစ်ယောက်လိုပဲ တစ်လုံးမကျန်မှတ်မိအောင် လုပ်နိုင်တယ်။

တနင်္လာနေ့ မနက်စောစော 7နာရီ မထိုးခင် နန်ဟွိုင်လင် ထလာလိုက်တယ်။

ဒီနေ့က ကြယ်နိုင်ငံရဲ့မိတ်ဆက်ပွဲကို တက်ရမဲ့နေ့ဖြစ်သလို သူ့ရဲ့ဘဝမှာ ဒါမျိုးဖွင့်ပွဲမျိုးကို ပထမဆုံးတက်ဖူးမဲ့ နေ့လည်းဖြစ်တယ်။

မညက စိတ်တွေ အရမ်းလှုပ်ရှားနေတာကြောင့် မျက်စိကြောင်ပြီး အိပ်လို့လဲမပျော်ဘူး။ အိပ်ယာပေါ် ဟိုလှိမ့် ဒီလှိမ့်လုပ်နေရင်း မနက်2နာရီထိုးပြီးမှပဲ အိပ်ပျော်သွားတာ...စုစုပေါင်း သူအိပ်ခဲ့တဲ့နာရီက ငါးနာရီတောင် မပြည့်ဘူး။

ရေချိုးခန်းထဲက မှန်ရှေ့မှာရပ်ပြီး သူ့ကိုယ်သူ ပြန်ကြည့်လိုက်တော့ ထင်ထားသလို မျက်လုံးအောက်မှာ မဲမဲအဝိုင်းနှစ်ဝိုင်းလဲ ရှိမနေဘူးရော်...မျက်လုံးကလည်း နီဘူး...အရမ်းထူးဆန်းတာပဲ..

နန်ဟွိုင်လင် ရေသွတ်သွတ်ချိုးနေတုန်းတန်းလန်း ရုတ်တရက် ဖေ့ချန်က တံခါးကို တွန်းဖွင့်ပြီး ဝင်လာတယ်။ ပြီးတော့ နုံးခွေနေတဲ့ပုံစံနဲ့ "Good morning"လို့ ပြောပြီး ရေအိမ်ရှေ့ရပ်ကာ သူ့ရဲ့ တစ်စုံတစ်ခုကိုဆွဲထုတ်ပြီး သေးပေါက်နေတယ်။