ပေါင့်ကွေးချန်က နန်ဟွိုင်လင်ထက် အသက်တစ်နှစ်သာ ပိုကြီးတာဖြစ်သည်။ ငယ်ငယ်လေးတည်းက အတူတူဆော့ကြီး ကြီးပြင်းလာတာကြောင့် သူတို့ရဲ့ ဆက်ဆံရေးက ညီအကိုအရင်းတွေထက်တောင် ပိုကောင်းနေသေး၏။
ဟိုရင်အချိန်က နန်ဟွိုင်လင် ရှစ်ယန်နဲ့ ပေကျင်းကို လိုက်သွားချင်ခဲ့တုန်းက သူ့အဖေက လုံးဝသဘောမတူခဲ့ဘဲ သူ့ကို အိမ်ထဲမှာ တစ်ပတ်လောက်ထိ ပိတ်ထားခဲ့သည်။ နောက်ဆုံး ပေါင့်ကွေးချန်က သော့ကိုခိုးပြီး သူ့ကိုထုတ်ပေးမှသာ လွတ်မြောက်ခဲ့တာဖြစ်သည်။
သူ့နာမည်ကို အော်ခေါ်လိုက်တဲ့ နန်ဟွိုင်လင့်အသံကိုကြားတော့ ပေါင့်ကွေးချန်က ခေါင်းလှည့်ကြည့်လာပြီး ပြုံးပြရင်း လက်ယမ်းပြလာသည်။ ထို့နောက် ဆေးလိပ်ကို မီးငြှိမ်းသတ်ပြီး သူ့နားမှာရှိတဲ့ အမိုက်ပုံးထဲသို့ လွင့်ပစ်လိုက်သည်။
နန်ဟွိုင်လင် ဖေ့ချန်လက်ကို ကိုင်ကာ မြန်မြန်လျှောက်သွားလိုက်ရင်း ပေါင့်ကွေးချန်နားရောက်တော့ သူ့အကိုကို တင်းကျင်းစွာ ဖက်ပစ်လိုက်သည်။ ထို့နောက် ပြုံးကာ နှုတ်ဆက်လိုက်သည်။
" အကို...မတွေ့ရတာ တော်တော်ကြာပြီ "
" ဟုတ်တယ်..တော်တော်ကြာပြီ...တစ်နှစ်တောင်ကျော်နေပြီမလား..ဟမ်? " ပေါင့်ကွေးချန်က သူ့ဘေးမှာရပ်နေတဲ့ ဖေ့ချန်ကို တစ်ချက်ကြည့်လာပြီး ပြုံးကာဆိုလာ၏။ " လုပ်ပါဦး...မင်းကိုယ်မင်း မိတ်ဆက်စမ်းပါဦး "
ဖေ့ချန်က နန်ဟွိုင်လင်ကူပြောပေးမှာကို စောင့်မနေပေ။ သူက ပေါင့်ကွေးချန်ဆီ လက်ဆန့်တန်းလိုက်ပြီး မပြုံးခင်အရင် " အကို "လို့ ခေါ်ဆိုလာ၏။
" ကျတော့်နာမည်က ဖေ့ချန်ပါ...နန်ဟွိုင်လင်ရဲ့ ကောင်လေးပေါ့ "
ထို့နောက် ပေါင့်ကွေးချန်ကလည်း လက်ဆန့်တန်းလာပြီး အချင်းချင်း ဆက်ဆွဲနှုတ်ဆက်လိုက်ကြသည်။
ပေါင့်ကွေးချန်, " ဟုတ်ပြီ..ကားထဲအရင်ဝင်ရအောင် "
ဖေ့ချန် ကားနောက်ဖုံးထဲကို ပစ္စည်းတွေထည့်ပြီးတော့ သူ့ကို နန်ဟွိုင်လင်က ကားနောက်ခန်းထဲကို တွန်းပို့သွားပြီး သူကိုယ်တိုင်ကတော့ ကားရှေ့ခန်းမှာ သွားထိုင်ကာ မျက်နှာအုပ်တွေ မျက်မှန်တွေ ချွတ်နေတော့၏။
YOU ARE READING
ကျတော့်ရဲ့ နဂါးကောင်လေး(MM trans)
Romanceကျတော့ရဲ့ gongက အမြီးအကြီးကြီးနဲ့ နဂါးကြီး
