ကောင်းကင်ပေါ်ကနေ ဆင်းသက်လာပြီးတာတောင် နန်ဟွိုင်လင် နှလုံးသားက ဆက်လက်ခုန်ပေါက်နေဆဲဖြစ်သည်။ ဥတွေမွေးဖွားမိတာကို ထည့်မတွက်ရင် အခုအဖြစ်အပျက်က သူ့ဘဝရဲ့ အံ့အားသင့်စရာအကောင်းဆုံး အတွေ့အကြုံတစ်ခုဖြစ်ပြီး ဖြစ်ရပ်မှန်တစ်ခုလို့ပြောရင်တောင် ချဲ့ကားပြောရာကျနေ၏။ ဒါကြောင့် သူ့ရင်ဘက်ထဲက ပြည့်ကျပ်နေတဲ့ ခံစားချက်တွေကို လျော့ချဖို့ ဖြေရှင်းရမဲ့နည်းလမ်းတစ်ခုကို ပြင်းပြင်းထန်ထန်လိုအပ်နေပြီ။ အဲ့လိုမှမဟုတ်ရင် သူ့ရင်ဘက်က ပေါက်ကွဲထွက်ဖို့ပဲရှိတော့တယ်။
ဖေ့ချန်က ကားမောင်းတဲ့နေရာမှာ ထိုင်ကာ အင်္ကျီဝတ်နေစဥ် နန်ဟွိုင်လင် မျက်နှာပြောင်စွာ ထိုနေရာသို့ကူးသွားပြီး ဖေ့ချန်ပေါင်ပေါ် တက်ထိုင်လိုက်သည်။
ထိုအခါ ဖေ့ချန်က သူ့ခါးသိမ်သိမ်လေးတွေကို ဖက်တွယ်လာရင်း ပြုံးကာမေးလာ၏။ " ဘာဖြစ်လို့လဲ? "
နန်ဟွိုင်လင် မျက်နှာကို ဖေ့ချန်လည်ပင်းထဲ ဝှက်ထားလိုက်သည်။ ထို့နောက် သူ့ရဲ့ ရှက်ရွံ့နေမှုကို ထိန်းချုပ်ကာ လေးသံဖွဖွဖြင့် ပြောလိုက်၏။ " ယောက်ျား ကားပေါ်မှာ ဟိုဟာလုပ်ရင်ရော....ခင်ဗျားအဲ့အကြောင်းကို ပိုမသိချင်ဘူးလား ဟမ်? "
တစ်နေ့နေ့ကြရင် ထိုကဲ့သို တစ်တစ်ခွခွပြောရမယ်လို့ နန်ဟွိုင်လင် တစ်ခါမှ မတွေးခဲ့ဖူးတာကြောင့် အခုလိုပြောလည်း ပြီးသွားရော သူ့တစ်ကိုယ်လုံးက ချက်ချင်းပူလောင်လာပြီး ရှက်ရွံ့နေမှုကို ခံစားလိုက်ရသည်။ သို့ပေမယ့် သူ့ရဲ့မသိစိတ်ထဲမှာလည်း အနည်းစိတ်လှုပ်ရှားနေမိသည်။
ဒီညက ရူးရူးမိုက်မိုက်တွေ လုပ်ဖို့ ကံတရားက စီရင်ပြီးသားထင်တယ်...ဒါကြောင့် နှစ်ယောက်အတူ အဆုံးထိ ရူးမိုက်ကြည့်လိုက်တာ ပိုမကောင်းဘူးလား..
" ကိုယ် အဲ့အကြောင်း ပိုသိလာရမှာကို ကြိုက်တယ် " ဖေ့ချန်က ပြုံးရင်းဆိုလာသည်။ " ကိုယ်က အဆင်သင့်ပဲ...မင်း စလုပ်လို့ရပြီ "
နန်ဟွိုင်လင် အမူအရာများ ရပ်တန့်သွားရသည်။ ဖေ့ချန်ပြောချင်တာက သူ့ဘာသာထိုင်ပြီး သူ့ဘာသာတက်လှုပ်ရမယ်ဆိုတဲ့ အဓိပ္ပါယ်လား?
YOU ARE READING
ကျတော့်ရဲ့ နဂါးကောင်လေး(MM trans)
Romanceကျတော့ရဲ့ gongက အမြီးအကြီးကြီးနဲ့ နဂါးကြီး
