Unicode
အခန်း(၈) - ကြက်ဥအနှစ်နဲ့ ဝက်သားဆန်ပြုတ်
စာရေးသူ: NanFangLiZhi Southern Lychee 南方荔枝
ဘာသာပြန်ဆိုသူ: No Noe (Miracle_Phyu97)
လင်းချင်းဟယ်သည် ညီအစ်ကိုသုံးယောက်စလုံးကိုခေါ်ကာ သူတို့ရဲ့မျက်နှာကို သုတ်ပေးပြီး သူတို့ရဲ့ခြေလက်များကို ဆေးပေးပြီးမှ ပြန်လွှတ်လိုက်သည်။
“မေမေ ချက်ပြုတ်ချိန်ရောက်ပြီလေ။” ကျိုးလောင်တက သူမကို သတိပေးသည်။
ကလေးတွေဟာ ဗိုက်ဆာမြန်ကြသည်။ ဒီအချိန်တွင် သူတို့ဗိုက်ပြန်ဆာလာကြသည်။
လင်းချင်းဟယ်သည် ဒီညီအစ်ကိုတွေ သူမ ဝယ်ယူလာသည့် အထုပ်အကြီးကြီးတွင် ဘာပါလာမှန်း မသိတဲ့အချက်ကို အမှီပြု၍ သူမအခန်းထဲသို့ပြန်ဝင်သွားကာ ပန်းသီးတစ်လုံး ယူလာခဲ့သည်။ ပန်းသီးကို အခွံမခွာပဲ ရေဆေးကာ လေးခြမ်းခြမ်း၍ ကျိုးလောင်တနဲ့ ကျိုးလောင်အာ့တို့အား တစ်ယောက်တစ်စိတ်စီ ပေးခဲ့သည်။
ကျိုးလောင်စန်းလေးအတွက်မူ လင်းချင်းဟယ်သည် ဇွန်းတစ်ချောင်းယူကာ ဆေးထားသောပန်းသီးအား ခြစ်ကျွေးလိုက်သည်။
ကျိုးလောင်တနှင့် ကျိုးလောင်အာ့တို့သည် ဒီလိုအရသာရှိတဲ့ အသီးအနှံတွေ စားသုံးရလိမ့်မယ်လို့ ဘယ်တုန်းကမှ မမျှော်လင့်ထားခဲ့ဘူး။ တစ်ယောက်တစ်စိတ်စီသာရရှိခဲ့သော်လည်း နှစ်ယောက်သား စိတ်ကျေနပ်သွားကြသည်။
လင်းချင်းဟယ်က ဒါတွေကို ကျွေးရခြင်းအား စိုးရိမ်ပူပန်ခြင်းမရှိပေ။ ဒီဒေသမှာ ပန်းသီးနဲ့ သစ်တော်သီးတွေ ရှိပေမယ့် စပျစ်သီးတော့ မရှိကြပေ။ သူမသည် စပျစ်သီးကို သူမတစ်ယောက်တည်း တိတ်တိတ်လေးစားရန် ရည်ရွယ်ထားသည်။ ရံဖန်ရံခါတွင် အကြီးနှစ်ယောက် အိမ်မှာမရှိတာကို အခွင့်ကောင်းယူပြီး စကားမပြောနိုင်သေးသော ကလေးငယ်အား ကျွေးမွေးနိုင်သည်။
ကျိုးလောင်အာ့က ထက်မြက်လွန်းတယ်။ သူ့ကို စပျစ်သီးအား ကျွေးလို့မဖြစ်ပေ။ ဒါမှ သူမ စားသောက်ခြင်းမှ ရလာတဲ့ဒုက္ခတွေကို ကယ်တင်နိုင်လိမ့်မည်။
လောင်စန်းကို တစ်စိတ်ကျွေးပြီးနောက် လင်းချင်းဟယ်သည် ကျန်တစ်စိတ်ကို သူမဖာသာသူမ စားလိုက်သည်။ ကျိုးလောင်တနှင့် ကျိုးလောင်အာ့တို့သည် သူတို့ထဲမှတစ်ယောက်ယောက်အား ထိုတစ်စိတ်အားကျွေးလျှင် သူမ၏ဘက်လိုက်မှုအပေါ် ကန့်ကွက်ရန် ပြင်ဆင်နေခဲ့ကြပြီး သူမ၏လုပ်ရပ်ကြောင့် သူတို့ပါးစပ်များ ပိတ်သွားကြသည်။
YOU ARE READING
၁၉၆၀ ခုနှစ်များဆီသို့ (မြန်မာဘာသာပြန်)
RomanceEnglish Name: Back to the Sixties: Farm, Get Wealthy & Raise the Cubs Associated Names:重回六零：种田发家养崽崽 Chinese Author: NanFangLiZhi Southern Lychee 南方荔枝 Status in COO:701 Chapters (Completed) Start Date: 25.Nov.2021 End Date:
