Unicode
အခန်း(၂၅) - ရွာထဲမှာ အကောင်းဆုံးအမေ
စာရေးသူ - NanFangLiZhi Southern Lychee 南方荔枝
ဘာသာပြန်ဆိုသူ - Snowtowelအကြီးဆုံးမရီးသည် ဆန်းစစ်ပြီး စိတ်ထဲ တွက်ချက်လိုက်သည်။ သူမ၏နှစ်နှစ်အရွယ် သားလေးအတွက် အနွေးထည် နှစ်ထည် ပြုလုပ်ပေးရန် လုံလောက်သည်ဟု ယူဆလိုက်ပြီး အနည်းငယ် ရှည်လို့ရသေးသောကြောင့် နောက်နှစ်အထိ ဝတ်နိုင်သည်။
" ပြီးတဲ့တစ်ခေါက် တတိယမရီးကို အကူအညီတောင်းတုန်းက ကျွန်မမှာ သကြားညို အတော်အသင့် ရှိနေလို့ သကြားညို နှစ်ဂျင်း ပေးခဲ့တယ်။ အခု အိမ်မှာ သကြားညို သိပ်မကျန်တော့ဘူး။ ဒီသကြားခဲ အိတ်သေးလေးကို အကြီးဆုံးမရီး ယူသွားပြီး တနီနှင့် အာ့နီ တို့ကို ကျွေးလိုက်ပါ " လင်းချင်းဟယ်သည် သကြားခဲအိတ်လေးကို ထုတ်ပိုးရန် ဆီစိမ်စက္ကူကို အသုံးပြုရင်း ဆိုသည်။
" လောင်တနဲ့ သူ့ညီတွေ စားဖို့အတွက် ထား,ထားလိုက်ပါ " အကြီးဆုံးမရီးက ယဉ်ကျေးသိမ်မွေ့စွာ ပြောသည်။
" အိမ်မှာ နည်းနည်းကျန်သေးတယ်။ ယူသွားလိုက်ပါ " လင်းချင်းဟယ်က သူမလက်ထဲ ထည့်ပေးလိုက်သည်။
အကြီးဆုံးမရီးသည် လက်ခံလိုက်ပြီးနောက် အလုပ်စလုပ်ရန် ပိတ်စများနှင့်အတူ ပြန်သွားလိုက်သည်။
ထို့နောက် လင်းချင်းဟယ်သည် မေးမြန်းရန် လှည့်လိုက်သည် " အမေ…… ဒီတစ်ခါ မှောင်ခိုဈေးထဲမှာ မီးဖိုချောင်းသုံး ဓားအသစ် တွေ့ခဲ့တယ်။ ကျွန်မရဲ့မီးဖိုချောင်မှာ သုံးတဲ့ဓားနဲ့ တပုံစံတည်းပဲ။ ကျိုးအိမ်ရှိ ဓားဟောင်းက ပဲ့ရာတွေရှိနေပြီး သုံးလို့ အဆင်မပြေလောက်တော့ဘူး။ ဒါကြောင့် ကျွန်မ ဝယ်လာခဲ့တယ်။ ငါးယွမ် ကျသင့်ပြီး ကူပွန်လက်မှတ် မလိုဘူး။ အမေ လိုချင်လား။ အမေဆီကနေ တစ်ပြားမှ အမြတ်မယူပါဘူး "
" ငါ့ကို ပြကြည့် " ကျိုးအမေသည် ခဏတွန့်ဆုတ်နေပြီးမှ ပြောသည်။
အိမ်ရှိ မီးဖိုချောင်သုံးဓားသည် အမှန်တကယ်ပင် ပဲ့ရာ အနည်းငယ် ရှိနေသည်။ မနက်ခင်းမှာ လောင်တတို့ မနက်စာအတွက် အသားလှီးချိန်တွင် လင်းချင်းဟယ်၏ဓားကို သုံးရတာက သူမအတွက် အမှန်တကယ်ပင် လွယ်ကူလှသည်။
YOU ARE READING
၁၉၆၀ ခုနှစ်များဆီသို့ (မြန်မာဘာသာပြန်)
RomanceEnglish Name: Back to the Sixties: Farm, Get Wealthy & Raise the Cubs Associated Names:重回六零:种田发家养崽崽 Chinese Author: NanFangLiZhi Southern Lychee 南方荔枝 Status in COO:701 Chapters (Completed) Start Date: 25.Nov.2021 End Date: