Unicode
အခန်း (၉၂) - အသားဝေစုကို လက်ခံရရှိပြီး စားသောက်မယ်
စာရေးသူ - NanFangLiZhi Southern Lychee 南方荔枝
ဘာသာပြန်ဆိုသူ - No Noe (Miracle_Phyu97)
နောက်ဆုံးစပါးကို ရိတ်သိမ်းပြီး အများပြည်သူပိုင် စားနပ်ရိက္ခာ ခွဲဝေရေးအဖွဲ့သို့ လွှဲပြောင်းပေးပြီးနောက် နောက်ဆုံးရိက္ခာ ဖြန့်ဝေမှု စတင်ခဲ့သည်။
ထို့နောက် ဆောင်းစပါးကို ထပ်မံ စိုက်ပျိုးပြီးနောက် ထုတ်လုပ်ဖြန့်ချိရေးအဖွဲ့မှ လုပ်ငန်း ပြီးဆုံးကြောင်း ကြော်ငြာခဲ့သည်။
ထိုအချိန်တွင် ဝက်များကို အမဲပေါ်ပြီးနောက် အသားများကို ဝေငှပေးအပ်ခဲ့သည်။ တစ်ချိန်တည်းမှာပင် ရွာမှ ဝက်မွေးမြူသူတိုင်းသည် ဝက်များကို ခြံထဲမှ ထုတ်ကာ လွှဲပြောင်းပေးအပ်ရန် တာဝန်ရှိသည်။
အခြားမိသားစုများမှ ဝက်များသည် ကျင်းခုနစ်ဆယ်မှ ကျင်းရှစ်ဆယ်အထိ ရလျှင်ပင် အကောင်းဆုံး ဖြစ်သည်။ သို့သော် လင်းချင်းဟယ်နှင့် ကျိုးချင်းပိုင်တို့ မိသားစုမှ မွေးမြူထားသော ဝက်နှစ်ကောင်သည် တစ်ကောင်လျှင် အနည်းဆုံး ကျင်းနှစ်ရာခန့်ရှိသည်။
ဝက်နှစ်ကောင်သည် ကျင်းလေးရာကျော်အထိ အလေးချိန် တက်လာခဲ့သည်။
ဒီဝက်နှစ်ကောင်ရဲ့ အလေးချိန်အား ကြော်ငြာလိုက်သောအခါ ကျိုးရှားတစ်ရွာလုံး ထိတ်လန့်သွားခဲ့ကြသည်။
ဒီတော့ သူတို့အားလုံးဟာ ကျိုးချင်းပိုင်ကို ဝက်တွေကို ဘယ်လိုကျွေးမွေးပြုစုပျိုးထောင် ရမလဲ ဆိုတာကို မေးမြန်းဖို့ အမြန်ရှာဖွေခဲ့ကြသည်။ ဘယ်လိုလုပ်ပြီး ဒီဝက်တွေက အရမ်းဝဖြိုးနေရတာလဲ။
ကျိုးချင်းပိုင်က ဘာမှ ဖုံးကွယ်ထားခြင်း မရှိပဲ ဝက်စာမြက်၊ ပဲအနှစ်ဖတ်၊ ပဲမှော်နဲ့ ပြောင်းစေ့တွေ ရောစပ်ကျွေးကြောင်း ပြောပြခဲ့သည်။
ပထမ အမျိုးအမည်တွေကတော့ အဆင်ပြေပေမယ့် နောက်ဆုံး ပြောင်းစေ့တွေကတော့ ထိတ်လန့်စရာပင်။
ဝက်တွေကို ဘယ်လိုလုပ်ပြီး ပြောင်းစေ့တွေ ကျွေးနိုင်မှာလဲ။
ပြောင်းဖူးစေ့တွေကို သူတို့တွေတောင် နပ်မှန်အောင် မစားနိုင်တာ ပြောင်းစေ့တွေကို ဝက်စာကျွေးဖို့ ဘယ်လိုလုပ်ပြီး အသုံးပြုနိုင်မှာလဲ။
YOU ARE READING
၁၉၆၀ ခုနှစ်များဆီသို့ (မြန်မာဘာသာပြန်)
RomanceEnglish Name: Back to the Sixties: Farm, Get Wealthy & Raise the Cubs Associated Names:重回六零：种田发家养崽崽 Chinese Author: NanFangLiZhi Southern Lychee 南方荔枝 Status in COO:701 Chapters (Completed) Start Date: 25.Nov.2021 End Date:
