Unicode
အခန်း (၇၃) - အနမ်းတစ်ပွင့် တောင်းခံခြင်း
စာရေးသူ: NanFangLiZhi Southern Lychee 南方荔枝
ဘာသာပြန်ဆိုသူ: No Noe (Miracle_Phyu97)
လင်းချင်းဟယ်သည် ကျိုးချင်းပိုင်ရဲ့ လက်မောင်းကြားတွင် မှီနွဲ့နေသည်။ အမြဲတမ်း တည်ငြိမ်နေသော သူမသည် အနည်းငယ် ရှက်သွေးဖြာနေခဲ့သည်။ သူမ ဒီလိုမျိုး မနေချင်ပေမယ့် ကျိုးချင်းပိုင်က သူမကို ချုပ်နှောင်ထားခဲ့ပါသည်။
“ရှင် ဘာလုပ်နေတာလဲ။ နေ့ခင်းကြောင်တောင်ကြီး ဖြစ်နေသေးတယ်လေ။ သူများတွေ ဝင်လာနိုင်တယ်။” လင်းချင်းဟယ်က ပြောလိုက်သည်။
“ကလေးတွေကို သူတို့ဖာသာသူတို့ အိပ်တတ်အောင် လွှတ်ထားလိုက်ပါလား၊ ဟမ်” ကျိုးချင်းပိုင်က သူမပြောတာကို မကြားချင်ယောင်ဆောင်ပြီး သူမကို စိုက်ကြည့်နေခဲ့သည်။
အနည်းငယ် အလေးပေးထားသော “ဟမ်” သည် လင်းချင်းဟယ်အား လွှမ်းမိုးချုပ်ကိုင်လိုသော CEOတစ်ယောက်ကို ကြုံတွေ့ရသည့် ခံစားချက်မျိုး ခံစားရစေခဲ့သည်။
“သူတို့ ကြီးပြင်းလာကြပြီ၊ သူတို့သီးသန့်အိပ်စက်ရမှာ သဘာဝပဲ။ အဲ့တာ အမှန်ပဲ။ ရှင် သူတို့နဲ့ အတူအိပ်ပေးလိုက်လေ။” လင်းချင်းဟယ်သည် သူမပါးစပ်မှ သူမနှလုံးသားနှင့် ဆန့်ကျင်သော စကားလုံးကို ထုတ်ပြောလိုက်သည်။
“မိန်းမ ကိုယ် မင်းကိုလိုချင်တယ်” ကျိုးချင်းပိုင်က သူမလည်တိုင်က အနမ်းခြွေရင်း အသံအက်အက်ဖြင့် ပြောလိုက်သည်။
“ရှင် ထိန်းထားသင့်တယ်၊ အပြင်မှာ မမှောင်သေးဘူး” လင်းချင်းဟယ်သည် နှုတ်မှ လွှတ်ခနဲ ထုတ်ပြောလိုက်မိသည်။
သူ့ရင်ခွင်ထဲတွင် ထိုင်နေရင်း သူမသည် ထိုအမျိုးသား၏ စိတ်အားထက်သန်မှုကို အလွန်ရှင်းလင်းပြတ်သားစွာ ခံစားနေရသည်။ ဒါပေမယ့် ဘယ်အချိန် ရှိသေးလို့လဲ။ ဘေးခန်းတွင် ကလေးသုံးယောက် ရှိနေပြီး ဘယ်သူမဆို အချိန်မရွေး ဝင်လာနိုင်သည်။
ကျိုးချင်းပိုင်က ဘာမှ ပြန်မပြောပေမယ့် သူ့လက်တွေက သူမခါးလေးကို တင်းကြပ်စွာ ပွေ့ဖက်ထားသည်။
YOU ARE READING
၁၉၆၀ ခုနှစ်များဆီသို့ (မြန်မာဘာသာပြန်)
RomanceEnglish Name: Back to the Sixties: Farm, Get Wealthy & Raise the Cubs Associated Names:重回六零：种田发家养崽崽 Chinese Author: NanFangLiZhi Southern Lychee 南方荔枝 Status in COO:701 Chapters (Completed) Start Date: 25.Nov.2021 End Date:
