Unicode
အခန်း (၇၂) - ဘေးအခန်းမှာ အိပ်စက်ခြင်း
စာရေးသူ - NanFangLiZhi Southern Lychee 南方荔枝
ဘာသာပြန်ဆိုသူ - Snowtowel
သူမက သူ့ကို တစ်သက်လုံး ကိလေသာကင်းတဲ့ ဘုန်းကြီးလို ကျင့်ကြံစေချင်နေတာလား။
ထိုအကြောင်းကို စဉ်းစားရင်း ကျိုးချင်းပိုင်သည် မျက်မှောင်ကြုတ်သွားသည်။ ဒါကို လုံးဝလက်မခံနိုင်ဘူး။ လင်မယားချင်း ထိတွေ့ဆက်ဆံမှု မရှိတာက လုံးဝ ပုံမှန်မဟုတ်ဘူး။
သံသယဖြစ်စရာ မလိုဘူး။ ဒါက ပုံမှန်မဟုတ်တာပဲ။
ဒါပေမယ့် သူ့ဇနီးဖြစ်သူ၏ ခွင့်ပြုချက်ကို သူ မရသေးဘူး။
ကျိုးချင်းပိုင်သည် ကောင်းစွာ ကြီးထွားဖွံ့ဖြိုးနေသော ဝက်နှစ်ကောင်ကို ငေးကြည့်ရင်း အနည်းငယ် စိုးရိမ်လာသည်။
ကျိုးချင်းပိုင်တစ်ယောက်တည်း စိုးရိမ်ပူပန်နေတာ မဟုတ်ပေ။ လင်းချင်းဟယ်က ပိုလို့တောင် စိုးရိမ်သောက ရောက်နေခဲ့သည်။ အခုတော့ အားလုံး ပြန်လည်လန်းဆန်းစိုပြေလာသည့် ရာသီအချိန်ခါကို ရောက်ရှိလာပြီ။ တမြန်နေ့က အသားသွားဝယ်ချိန်တွင် မိန်ကျဲက အသားကို ဘယ်အချိန် စပြီးယူမှာလဲလို့ သူမကို မေးမြန်းလာသည်။ အဲဒီဘက်က အဆင်သင့် ဖြစ်နေပေမယ့် ကျိုးချင်းပိုင်က သူမကို စီးပွားရေးလုပ်ခွင့်မပြုသေးဘူး။
ပြောရရင်တော့ လင်းချင်းဟယ်သည် ကျိုးချင်းပိုင်ကို ဒီအကြောင်းနဲ့ ပတ်သက်ပြီး အရမ်းသဘောကျနှစ်သက်သည်။ သူသည် ဤဒုက္ခအားလုံးကို ကြံ့ကြံ့ခံပြီး သူ့သဘောထားကို ဆက်လက် ထိန်းသိမ်းထားသေးသည်။ ဒါကလည်း အရည်အချင်းတစ်ခုပါပဲ။
သို့သော်လည်း သူမမှာ သူနဲ့ အချိန် ထပ်ဖြုန်းရန် အချိန်မရှိသောကြောင့် လင်းချင်းဟယ်သည် ဒီညမှာ သူ့အား ချိုမြိန်မှုအရသာ အနည်းငယ်ကို ခံစားစေပြီး သဘောတူခေါင်းညိတ်ခိုင်းရန် ကြံရွယ်ထားသည်။
ဟုတ်တာပေါ့… ရှေးခေတ်ကတည်းက ကာမဂုဏ်အာရုံသည် သူရဲကောင်း၏ သင်္ချိုင်းမြေပုံဆီသို့ ဦးတည်စေသလို ပျားရည်ထောင်ချောက် အကြံအစည်ကလည်း ဘယ်တော့မှ မကျရှုံးဘူး။ သူမက သူ့ကို အကျိုးတစ်စုံတစ်ရာ ပေးပြီး သူက သဘောတူဖို့ ငြင်းဆန်နေရင် စိတ်ပါလာအောင် မြူဆွယ်လိုက်မည်။
YOU ARE READING
၁၉၆၀ ခုနှစ်များဆီသို့ (မြန်မာဘာသာပြန်)
RomanceEnglish Name: Back to the Sixties: Farm, Get Wealthy & Raise the Cubs Associated Names:重回六零：种田发家养崽崽 Chinese Author: NanFangLiZhi Southern Lychee 南方荔枝 Status in COO:701 Chapters (Completed) Start Date: 25.Nov.2021 End Date:
