Unicode
အပိုင်း (၁၀၄) - မင်းအဖေက ငါ့ကို ဘယ်တုန်းက ရိုက်တာလဲ။
စာရေးသူ - NanFangLiZhi Southern Lychee 南方荔枝
ဘာသာပြန်ဆိုသူ - Snowtowel
လင်းချင်းဟယ်သည် သူမ ဝက်သားရောင်းရန် မြို့သို့ သွားချိန်တွင် သူမဘာသာ သေချာပေါက် ဆေးရုံသို့သွားရန် ဆုံးဖြတ်ချက်ချလိုက်သည်။
လက်ရှိအချိန်မှာတော့ ပြဿနာမရှိဘူးလို့ သူမ ယုံကြည်သည်။ အဆုံးတော့ ဒီလောက် အချိန်ကြာသည့်တိုင်အောင် ဘာသတင်းမှ မရှိတာ ဟုတ်တယ်မလား။
ဒါမှမဟုတ် သူမမှာ ပြဿနာတစ်ခုခု ရှိမရှိ နောက်တစ်ခေါက်မှာ ဆေးရုံသွားပြီး စစ်ဆေးကြည့်သင့်လား။
နောက်တစ်နေ့မနက်ခင်းတွင် သူမအပေါ်၌ အနားယူနေသော ဝံပုလွေကြီး ကျိုးချင်းပိုင်က နောက်တစ်ဖန် ပြန်စလာသဖြင့် လင်းချင်းဟယ်သည် အိပ်ပျော်သွားခဲ့သည်။
ဒါကြောင့် သူ ပြောတဲ့ ပိတ်ဆို့ခြင်းက ဆင်ခြင်တစ်ခုပင်။
ဒါ့အပြင် သူမက ကလေးမမွေးပေးဘူးဟု မပြောခဲ့ပေ။ အကယ်၍ သူမ ကိုယ်ဝန်မရနိုင်ရင် ဘာလုပ်နိုင်မှာလဲ။
ဇာတ်လမ်းဇာတ်ကွက်၏ တည်ရှိမှုကြောင့်များ ဖြစ်နိုင်မလား။ အဘယ်ကြောင့်ဆိုသော် ဝတ္ထုထဲတွင် ဤဗီလိန်သားသုံးယောက်၌ ညီမလေး မရှိသောကြောင့် ဖြစ်သည်။
ပထမလ၏ နေ့ရက်များသည် အလွန် သာယာလှသည်။
လင်းချင်းဟယ်သည် ဘာမှလုပ်စရာ မရှိသဖြင့် ကောင်လေးတွေအတွက် ပဲနီပေါက်စီကဲ့သို့သော စားချင့်စဖွယ် စားစရာတချို့ကို ပြုလုပ်ခဲ့သည်။
ပဲနီများကို ရေစိမ်ထားပြီးနောက် ၎င်းကို သကြားခဲနှင့် ရောမွှေကာ ကြေမွေသည့်အထိ ချက်လိုက်သည်။ ပဲနီအချိုကို အဆာအဖြစ် မန်ထိုပေါက်စီထဲ သိပ်ထည့်လိုက်သည်။ ထိုအရာသည် အထူးအရသာရှိသော ပဲနီပေါက်စီပင်။
ပဲနီကိတ်ပွ၏ အရိပ်အငွေ့ကို ခံစားမိသည်။
လင်းချင်းဟယ်က ၎င်းကို တော်တော် သဘောကျခဲ့သည်။
ပထမလ၏ ၁၅ရက်မြောက်နေ့တွင် မီးပုံးပွဲတော်အတွက် ဖက်ထုပ်များကို စားကြသည်။ ထို့အပြင် သူမသည် တောင်ပိုင်းလက်ရာပုံစံ ကောက်ညှင်းလုံးများကို ပြုလုပ်ခဲ့သည်။
YOU ARE READING
၁၉၆၀ ခုနှစ်များဆီသို့ (မြန်မာဘာသာပြန်)
RomanceEnglish Name: Back to the Sixties: Farm, Get Wealthy & Raise the Cubs Associated Names:重回六零：种田发家养崽崽 Chinese Author: NanFangLiZhi Southern Lychee 南方荔枝 Status in COO:701 Chapters (Completed) Start Date: 25.Nov.2021 End Date:
