Unicode
အခန်း (၁၀၁) - ကိုယ်ဝန်ရှိနေပြီ
စာရေးသူ - NanFangLiZhi Southern Lychee 南方荔枝
ဘာသာပြန်ဆိုသူ - Snowtowel
ကိုးနာရီထိုးသောအခါ လင်းချင်းဟယ်နှင့် ကျိုးချင်းပိုင်တို့သည် ကလေးများကို အိမ်သို့ ပြန်ခေါ်လာကြသည်။
ဒီနှစ် ဆော့ကစားကြသည့်အခါတွင် ကောင်လေးအားလုံးသည် မျောက်ရှုံးအောင် ဆော့ကြသည်။ မနှစ်တုန်းက လောင်စန်းသည် မည်သို့ဆော့ကစားရမည်မှန်း မသိသေးပေ။ ဒီနှစ်မှာတော့ သူသည် သူတို့နောက်က တကောက်ကောက်လိုက်ပြီး အတူတူဆော့ကစားထားသဖြင့် အခုအချိန်တွင် ပင်ပန်းနွမ်းနယ်နေသည်။
အိမ်ပြန်ရောက်သောအခါ ကလေးတွေကို ချက်ချင်း အိပ်ရာဝင်စေသည်။
လင်းချင်းဟယ်နှင့် ကျိုးချင်းပိုင်တို့သည် သူတို့ဘာသာ သူတို့ ကိုယ်လက်သန့်စင်ပြီးနောက် သူတို့သည်လည်း အနွေးကုတင်ပေါ်တွင် အိပ်ရာဝင်ခဲ့ကြသည်။
ကျိုးချင်းပိုင်က ထုတ်ပြောသည်။ "အမေက ဘာလို့ ကိုယ်ဝန်မရသေးတာလဲလို့ မေးနေတယ်"
ဒါကိုပဲ နားထောင်ကြည့်ပါတော့......။ ဒီဆောင်းရာသီမှာ သူတို့အားလုံး ဒါကိုပဲ ဆက်တိုက်ပြောနေခဲ့ကြတယ်။ သူမက သားသုံးယောက် မွေးထားပြီးသားလေ။ ဘာလို့ နောက်ထပ် ကလေးထပ်မွေးရဦးမှာလဲ။ ဒီအကြောင်းအရာနဲ့ ပတ်သက်ပြီး အဆုံးသတ်မရှိတော့ဘူးလား။
"တတိယမရီးက သူမရဲ့ကိုယ်ဝန်ကြောင့် ပင်ပန်းနေရတယ်။ မအီမသာဖြစ်ပြီး ပျို့အန်ချင်လို့ ဘယ်လောက်တောင် မသက်မသာ ခံစားနေရလဲဆိုတာ ကျွန်မ တွေ့ခဲ့တယ်။" လင်းချင်းဟယ်က ပြောသည်။
"မင်းက ကိုယ်ခံအားကောင်းတယ်လို့ အမေက ပြောတယ်။ သားတွေကို ကိုယ်ဝန်ဆောင်တုန်းက မင်း ဘာမှသိပ်မခံစားရဘူးတဲ့။" ကျိုးချင်းပိုင်က ပြန်ဖြေသည်။
"ဘယ်သူက သေချာသိနိုင်လို့လဲ။ တတိယမရီးလည်း အရင်နှစ်ယောက်တုန်းက မခံစားရပေမယ့် အခုတစ်ကြိမ်မှာ ကြုံတွေ့ရတာပဲလေ။" လင်းချင်းဟယ်က ပြန်ခွန်းတုံ့ပြန်လိုက်သည်။ " ရှင်က ကျွန်မကို အဲလို ခံစားစေချင်တာလား "
YOU ARE READING
၁၉၆၀ ခုနှစ်များဆီသို့ (မြန်မာဘာသာပြန်)
RomanceEnglish Name: Back to the Sixties: Farm, Get Wealthy & Raise the Cubs Associated Names:重回六零：种田发家养崽崽 Chinese Author: NanFangLiZhi Southern Lychee 南方荔枝 Status in COO:701 Chapters (Completed) Start Date: 25.Nov.2021 End Date:
