Unicode
အခန်း (၉၃) - ပခုံးပေါ်မှ ကိုင်ပေါက်ချခြင်း
စာရေးသူ - NanFangLiZhi Southern Lychee 南方荔枝
ဘာသာပြန်ဆိုသူ - No Noe (Miracle_Phyu97)
ဒီတစ်ကြိမ် ကျိုးရှောက်မိန် အိမ်ပြန်လာတာက စုတာ့လင်းရဲ့ ပိုးပန်းမှုကို သူမ လက်ခံလိုက်ပြီး သူရဲ့ သဘောဆန္ဒအရ သူမမိဘတွေနဲ့ ဆွေးနွေးတိုင်ပင်ဖို့ ပြန်လာခဲ့ခြင်း ဖြစ်သည်။
ထို့နောက် အိမ်ထောင်ပြုဖို့အတွက် နေ့ကောင်းရက်သာကို ရှာဖွေပြီး လက်ထပ်ပွဲ ကျင်းပရပေလိမ့်မည်။
အခုခေတ် လက်ထပ်ထိမ်းမြားဖို့ စီစဥ်တာက အလွန်မြန်ဆန်သည်။
နှစ်ဖက်မိသားစု ဆက်ဆံရေး အဆင်ပြေလျှင် နောက်နေ့တွင်ပင် လက်ထပ်ပွဲ ကျင်းပနိုင်သလို ကျန်တာတွေအားလုံးက ရိုးရှင်းပါသည်။
ဒါပေါ့၊ လက်ထပ်ပွဲ ကျင်းပဖို့ ကိစ္စရပ်တွေက ရှုပ်ထွေးမှု မရှိပေ။
မကြာသေးမီက ကျိုးအိမ်တော်ဟောင်းမှ အိမ်ထောင်စုခွဲဖို့ ပြင်ဆင်နေသည့် ကိစ္စရပ်တွေကြောင့် အလုပ်ရှုပ်နေသည့်အချိန်တွင် လင်းချင်းဟယ်ကတော့ အိမ်ထောင်စုခွဲပြီးနှင့်ပြီ ဖြစ်သည်။
ကျိုးရှောင်မိန်ရဲ့ ကိစ္စရပ်က တိုက်ဆိုင်မှုတစ်ခုကြောင့် ဖြစ်သွားခဲ့တာပင်။
အဖေကျိုးနှင့် အမေကျိုးဟာ သူတို့ရဲ့ အငယ်ဆုံးသမီးလေး လက်ထပ်ပွဲ ပြီးမှ အိမ်ထောင်စုခွဲပေးဖို့ ဆုံးဖြတ်ချက် ချလိုက်သည်။
နောက်နေ့တွင် စုတာ့လင်းသည် သူ့ဦးလေးနှင့် အဒေါ်တို့ကို ခေါ်ဆောင်ပြီး အလည်ပတ် ရောက်ရှိလာခဲ့သည်။ သူတို့သည် တင်တောင်းပစ္စည်းများ ပြင်ဆင်လာခဲ့ကြသည်။
သကြားလုံးနှင့် မုန့်ပဲသရေစာတို့လည်း ပါရှိသည်။ အတိုချုပ်ပြောရရင် ဒါတွေက ဒီတွေ့ဆုံမှုအတွက် သင့်လျော်ပြီး အထင်ကောင်း အမြင်ကောင်းတွေ ရှိသည့်ပုံပေါ်သည်။ မဟုတ်ရင် သူတို့က လက်ဆောင်ကောင်းတွေ ပြင်ဆင်ပေးလိမ့်မှာ မဟုတ်ဘူး။
အဖေကျိုးနှင့် အမေကျိုးတို့က စုတာ့လင်းရဲ့ စကားထစ်သည့်အချက်အပေါ် သိပ်သဘောမကျသော်လည်း ဒီအားနည်းချက်ကြောင့်သာ မဟုတ်ရင် သူတို့သမီးက ဒီလိုကောင်းမွန်တဲ့ မိသားစုမျိုးနဲ့ ဘယ်လိုလုပ်ပြီး လက်ထပ်နိုင်မှာလဲ ဆိုတာကိုတော့ သူတို့ နားလည်သဘောပေါက်ကြပါသည်။
YOU ARE READING
၁၉၆၀ ခုနှစ်များဆီသို့ (မြန်မာဘာသာပြန်)
RomanceEnglish Name: Back to the Sixties: Farm, Get Wealthy & Raise the Cubs Associated Names:重回六零：种田发家养崽崽 Chinese Author: NanFangLiZhi Southern Lychee 南方荔枝 Status in COO:701 Chapters (Completed) Start Date: 25.Nov.2021 End Date:
