في حديقة بيتنا كنا قاعدين انا و ابوي و ابر ( المرافق ) و حمد و سيف قدامنا يلعبون مع الارانب ، دخلن اربع سيايير الاول فتك ابيض و وراه فتك اسود و فتك ازرق و نيسان نيسمو اسود ، قام يابر يشوف منو هذيل لكن ابوي تذكر كلام يدي امس و عرفهم ؛
زايد : يابر قربهم ميلس الرياييل
سلمى : ليش الجو وايد حلو هني
زايد : بينا كلام خاص
سلمي : اها خاص
***
دخلت البيت و امي كانت قاعده في الصاله يلست عدالها اوايق في تلفونها و كانت تكلم خالي راشد عن دراسة فارس و خالي راشد مابيده شي جرب كل طرق التشجيع مع فارس لكن فارس على هواه ، انا ما اقول انه غبي هو ماشاءالله من الله ذكي ما يحتاج يدرس بس لو يشد حيله شوي ، دقيت على فارس و قلت له يمر علي نطلع ، قالي فارس انه اصلاً ياي بيسلم على اميه و ابويه ، نزل فارس و دخل البيت ؛
فارس : اميه
شمسه : هلا
سلمى : ماماه
شمسه : خير ؟
سلمى ( تشوف فارس و هي منصدمه ) : سمعت الي انا سمعته ؟
فارس : طبعاً انا غيير
شمسه : اشهد انك غير ، وانتي روحي عند ابوج
سلمى : معليه ، انا زعلت
***
ركبت مع فارس و نحن طالعين صادفنا نادر نزل الدريشه و يشوفنا و هو رافع حاجب ؛
نادر. : منو الي معاج ؟
سلمي : فارس اخوي بالرضاعه ، فارس هذا نادر ولد عمي
نادر : وين رايحين ؟
( وانا عيوني عليه )
فارس : رايحين نتقهوى ، حياك
نادر : لا تعزم ترا انا اقلط
فارس : انزين تراني صدق ارمس حياك
نادر : عيل الحقنيه في كوفي توه فاتح و يمدحونه
***
دخل راشد على روضه و قال لها تلم اغراضها حق اسبوع رايحين لندن اول شي فكرت فيه روضه فارس ؛
روضه : و فارس ؟
راشد : روضه فارس ريال ، ونحن رايحين اسبوع و رادين هب مطولين
![](https://img.wattpad.com/cover/325064517-288-k586668.jpg)