على الساعه 3 الظهر كان الجو جميل ، طلعت سلمى بـ كوب الشاي و انسدحت في الحديقه بعد ما خلصت كوب الشاي خذت غفوه مدتها تقريباً 10 دقايق ، فجأه فتحت عينها و صارخت بكل قوتها حتى عيال عمها طلعوا من البيت خايفين ، اول من وصلها حمد كان يردد و يقول ( سلمى ماتت ) ، زايد في المستشفى عند شمسه و فارس هب موجود ، طلعوا عمر و سعود اول ما سمعوا صرخة سلمى بس رد الهدوء و ردوا دخلوا البيت ، راح حمد يركض عند الشباب ؛
عمر : حمد منو الي صارخ ؟
حمد : سلمى ماتت
سعود : شو ؟
حمد : سلمى ما تتحرك
* * *
طلعوا يركضون حاولوا يصحونها لكن مافي فايده :
سعود : بنشلها نوديها المستشفى
عمر : ازقر الخدامه تشلها
سعود : متفيج انا بشلها
عمر : سعود لا تدقها ، انت مالك خص فيها
سعود : ما عليه منك ولا من نادر
عمر : زين برايك
* * *
ركبها سعود سيارته و ركب عمر معاه ، و هم طالعين كان نادر توه راجع من الدوام و داخل ، شحف سعود سيارة نادر من العيله و نادر حس ان في شي صاير و لحقهم ، كان سعود يسوق بسرعه و يتجاوز السيايير و تعدى كذا إشاره حمرا وصل نادر المستشفى قبل سعود و وقف عند الطواري ثواني و صل سعود وقف عند باب الطواري فتح نادر الباب الخلفي و شاف سلمى ، تمالك نفسه و شلها فتح باب الطواري و دخل يصارخ يابوا له السرير و حطها عليه و طاح على الارض ، كانوا سعود و عمر واقفين برا قدام باب الطواري و يشوفونه من بعيد ، دخل سعود و سنده عليه و قعدوا على الكراسي ؛
نادر : ليش نبضها ضعيف ؟ شو فيها ؟
سعود : والله ما ندري
نادر : شو صار ؟
( دخل عمر و ويهه مثل اللوح خذ من سعود مفتاح السياره و رد البيت )
نادر : سعود شو صار فيها ؟
سعود : قلت لك ماندري ، فجأه سمعنا صوت صرخه يينا بنطلع عم الهدوء و ردينا دخلنا البيت
نادر : اوك ؟ ؟
سعود : يانا حمد يركض يقول سلمى ماتت طلعنا و لقيناها طايحه
نادر : بس ؟
سعود : هيه هذا الي صار
* * *
نزل هزاع( بو حصه ) و لقى حصه جاهزه ، ركبوا السياره و اتجهوا للاسطبل ، عندهم تدريب لـ مسابقة قفز الحواجز ، و كان هزاع سايب امه عشان تشوف التدريب ، دخلت حصه غرفة التحضير تشوف هزاع قبل اخر تدريب له ، و كانت امه معاه في الغرفه ؛
حصه : اووه
هزاع : عادي عادي ادخلي هاي امي
حصه : هلا خالوه شحالج ؟
ام هزاع : هلا حبيبتي بخير الحمدالله
حصه : شو هزاع جاهز ؟
هزاع : هيه جاهز وانتي ؟
( رفعت ايديها ترويه الجروح و التزلقات ) : جاهزه
ام هزاع : سلامات
حصه : الله يسلمج
هزاع : طايحه ؟
حصه : محد بقى ما ضحك على الي صار لي
هزاع : اخ ليتني كنت موجود
حصه : الحمدالله ما كنت موجود
هزاع : نادر و سلمى مشتركين ؟
حصه : هيه بس للحين مايوو يمكن يتأخرون
ام هزاع: زين يا هزاع ما عرفتنا على البنت
هزاع : هذي حصه كانت معايه في الفرسان و ابوها الي سجلني هني
ام هزاع : تدرين اسمج مثل اسمي
حصه : يعني اسمج حصه
ام هزاع : هيه اسمي حصه
حصه : بس انا مسميني ابوي على حبيبته
ام هزاع : صدق
حصه : والله دوم يقولي انه مسميني على حبيبته
ام هزاع : و امج ؟
حصه : ابوي وايد يحب امي واصلاً هاي حصه الي يحبها تزوجت و عاشت حياتها
* * *
طلع حصه من الغرفه و راحت الميلس المخصص حق اصحاب الاسطبل و كانوا الاهل قاعدين ؛
عبيد ( بو ساره ) : حصوه جاهزه ؟
حصه : هيه
عبيد ( بو ساره ) : اباج تاخذين الاول
حصه : ان شاء الله
خليفه ( بو هزاع ) : تعالي كلي لج شي قبل اخر تدريب
حصه : اوك ، بس كلكم بتطلعون اتشوفونا ؟
هزاع ( بو حصه ) : هيه باباه كلنا بنطلع نشوفكم
خليفه ( بو هزاع ) : انا باب مخصوص عشان اشوف اخر تدريب لج
* * *
طلع الدكتور و لقى سعود و نادر قدام باب الغرفه ؛
نادر : دكتور طمنا
الدكتور : الحمدالله انكم لحأتو عليها ولا كانت بتموت
نادر : ليش شو فيها ؟
الدكتور : اجتها سكته قلبيه
سعود : سكته قلبيه ؟
الدكتور : اي بس الحمدالله عدت مرحلة الخطر بتكون تحت المراقبه لمدة 24 ساعه
نادر : انزين شو سبب السكته القلبيه ؟ ؟
الدكتور : والله ما اعرف انا راجعت ملفها البنت مريضة سكر فقط
نادر : السكر ندري به
سعود : ابوها مريض قلب
الدكتور : نحن بننتظر حتى تصحى بعدها بنشوف شو ممكن نسوي
نادر : و متى بتقوم ان شاء الله ؟
الدكتور : الله اعلم
نادر : شو الله اعلم ؟ انت دكتور على الفاضي ؟
سعود ( بعصبيه ) : نادر استغفر ربك ، تراه دكتور هب على كيفه متى يقومها
نادر : لا تيننوني
سعود : امسحها في ويهي دكتور ، و اذا صار اي تطور بلغنا
الدكتور : لا عادي مروا علي الي اسوء منه ، و اذا صار اي شي ببلغكم
سعود : نادر قم بنروح البيت
نادر : هب راد
سعود : انت واعي من الصبح و مداوم لازم ترتاح
نادر : بترجع ارجع انا هب راجع
سعود : وين تباني ارجع و اخليك
نادر : قلت حق عمي ؟
سعود : لا
نادر : هيه زين لا تقولون له و وص عمر ما يقول له
سعود : تستهبل تراه ابوها
نادر : مريض قلب و سلمى اغلى بناته تباه يموت ؟
سعود : لازم يدري
نادر : قول حق عمي مايد و عمي ياسر هب بيتصرفون
* * *
طلعوا كلهم من الميلس للمدرجات ، إلا هزاع ( بو حصه ) تأخر شوي في الحمام ، حصه شافتهم كلهم قاعدين في اول المدرجات إلا ابوها و قامت اشوف وينه ، دخلت الميلس :
حصه ( بصوت عالي ) : ابويه ، ابويه
هزاع ( بو حصه ) : في الحمام
حصه : يلا بنبدا
هزاع ( بو حصه ) : ياي ياي
حصه : بسرعه لا تتأخر
هزاع ( بو حصه ) : انتي روحي و انا الحين ياي
* * *
طلع هزاع من الحمام و غسل ويهه عشان مايبين انه تعبان او كان يزاوع في الحمام ، طلع من الميلس و سمع هذاك الصوت الي سمعت قبل عشرين سنه و يردد نفس الاسم ( هزاع ، هزاع ) ، رفع راسه و قال لنفسه ( لا مستحيل يا هزاع انت قاعد تتوهم مستحيل تكون هي شو بتسوي هني ؟ ) طرد الافكار الي في راسه و راح قعد عدال ابوه في الدرجات ، تابع الاستعراض و هو كل شوي يسرح و يفكر في الصوت و يرده ابوه للواقع و هزاع يسلك له و يسوي نفسه يشوف لكن هو باله هب معاه .
* * *
<< يتبع >>
شو توقعاتكم للبارتات اليايه ؟ ؟ سلمى شو شافت عشان توصل الحاله الي هي فيها ؟ ؟ بيدسون الي صار عن زايد ولا بيضطرون يقولوله ؟ ؟
شو موضوع هزاع ؟ ؟ معقوله هذا الصوت الي سمعه مثل الصوت الي سمعت قبل 15 سنه ؟ ؟ 🤔❤️🔥❤️🔥
