هزاع : سلامه
سلامه : لبيه ؟
هزاع : تخيلي اييج في يوم من الايام و اقولج ابا اخذ الثانيه
سلامه : السوآل ما ايي من فراق ، ودك تاخذ الثانيه ؟
هزاع : انا اقول تخيلي
سلامه : في حياتك ما يبت طاري شو معنى الحين ؟
هزاع : اقولج تخيلي تخيلي ، يا رمسه ردي محلج
سلامه : هد هد
* * *
كتبوا خروج حق سلمي و دقت على فارس ايي ياخذها ، خلص فارس كل الإجراءات و طلعوا ، ركبوا السياره و حركوا للبيت ؛
سلمى : فارس لا تردني البيت ابا اغير جو
فارس : وين تبين ؟
سلمى : ما ادري ابا اي مكان اتمشى فيه
فارس : زين ابراج الاتحاد ولا الغاليريا
سلمى : امم الغاليريا
فارس : الغاليريا الغاليريا ، بـ المره باخذ حق سيف بوك من كارتير
سلمى : و حمد ؟
فارس : سيف طالبنيه
سلمى : بس مايصير تاخذ حق سيف و حمد لا
فارس : فاله طيب بناخذ له
سلمى : و اختك حبيبتك
فارس : اختي حبيبتي عيوني لها هي بس تامر و تتدل و نحن ما نقول غير تم و على هالخشم
سلمى : امم ابا
فارس : مالج غير ثلاث آلاف مافي غيرهن
سلمى : ماييبن شي
فارس : قاعد على بنك انا
سلمى : خلهن خمس
فارس : والله ما عندي بتبقى لي ألف لين اخر الشهر
سلمى : ماشاءالله ابوي كم يعطيك كل شهر
فارس : ما يخرج
سلمى : اصبر و خالي راشد بعد يعطيك وابوك أحمد
فارس : ابوي راشد هيه ممشي لي معاش بس أحمد لا
سلمى : علاقتك في أحمد كييف ؟
فارس : ما ادري اصلا ما اشوفه ولا ادري عنه و اذا التقينا بالصدفه احس بينا حاجز ، اصلا هم كانوا سبيل عن الحلال و الحرام
