( بعد مرور شهر )
في حديقة بيت زايد ، كانت سلمى تسوي يوقا مع المدربه و حاطين موسيقى هاديه ، طلع سعود ركب سيارته و راح و ماقصر في الصوت الي ازعج المدربه و بعد عشر دقايق طلع نادر و نادر صوت سيارته ازعج من سعود ، خلى المدربه تتنرفز و تكنسل كلاس اليوم ، شات سلمى المات مالها و دخلت داخل ، كان زايد قاعد في الصاله يشتغل ؛
زايد : في جيم في البيت حق شو ؟
سلمى : عشان نلعب رياضه
رايد : هيه عيل ليش طالعين في الحديقه
سلمى : نسوي يوقا
زايد : و الجيم حق شو ؟
سلمى : الرياضه
زايد : فرقت يعني
سلمى : هيه في فرق
* * *
دق هزاع على سلامه و قال لها انه راجع من الدوام الحين و يباها ضروري يبا يصارحها في موضوع ، تركت سلامه كل شي في يدها و يليت في الصاله تنتظر هزاع ، حست ان الموضوع له خص في الزواج ، و صل هزاع و راحوا لـ قسمهم ، يلست سلامه على الكرسي و هزاع دخل المطبخ سوى كوبين شاي اخضر واحد لها و واحد له و يلس ؛
هزاع : اول شي اشربي و روقي
سلامه شرب يقمه : شربنا ، شو الموضوع ؟
هزاع : روقني ؟
سلامه : هيه
هزاع : الموضوع هو ترا انا صادق يوم اقول اني مسمي حصه على حبيبتي
سلامه : كنت حاسه
هزاع : و ترا من فتره التقيت بها
سلامه : كنت حاسه و عشان جي فتحت موضوع الزواج
هزاع : هيه لانها مطلقه
سلامه : اوك ؟
هزاع : بس عشان ما يوصلج هالخبر من غيريه
سلامه : خطبتها و تبا تتزوجها بالسر
هزاع : كانت هاي النيه
سلامه و هي مخنوقه و احس بألم في حلجها : اوك عيل بتتزوجها بالعلن ، المهم مبروك مقدماً و زين اني سمعت هالكلام منك مش من غيرك ، و في الاخير هذي حياتك تتهنى فيها
* * *
دخلت سلمى الغرفه و لقت زاوية الـ gaming فاضيه و اغراضها مشلوله ، طلعت من غرفتها معصبه و راحت عند مربيتها في توها راجعه من الإجازه و يايه تفرض قوانينها و تمشيهم على كيفها ، خذت نفس و دخلت بكل احترام تكلمها ، علت صوتها المربيه و صارت تهدد سلمى بأبوها و و زايد في الصاله يسمع كل شي ؛
سلمى : كلميني باحترام مثل ما انا اكلمج
المربيه : غصباً عنج تكلميني باحترام
سلمى : لا هب غصب ها ادباً مني ولا انتي هب كفو احترام
المربيه : اقسم بالله العظيم اني اكلم ابوج
سلمى : و بتكذبين عليه مثل كل مره ؟
المربيه : و مثل كل مره انا الصادقه و انتي الكذابه
سلمى : ما اقول غير حسبي الله و نعم الوكيل فيج
المربيه : لا غرفتج لا توفين شي ما بيعجبج
سلمى : الي تقدرين تسوينه سويه
* * *
طلعت سلمى ، و شلت الخدامه معاها و نزلوا الستور تحت شلت اغراض الـ gaming و راحت الغرفه رتبت المكان و يلست تلعب ، بعد نص ساعه قامت بتنزل تكلم ابوها لانها متنرفزه من الموضوع و هب قادره تطلعه من راسها بس للاسف الباب مقفول و منو قفله ؟ المربيه ، دقت على ابوها و ابوها في اجتماع ما رد عليها ، دقت على نادر و يا نادر البيت ما طاعت المربيه تعطيه المفتاح دور شمسه و دق عليها ما لقاها ولا ردت عليه ، ما كان في حل في انه يكسر الباب ، كسر الباب و طلعت سلمى ، دقت شمسه على سلمى ؛
شمسه : هلا سلمى سوري ماماه كنت في الحمام و توني اوف التلفون
سلمى : الحماره قافله علي الباب
شمسه : عيب لا تتلفظين بـ هذي الالفاظ
سلمى : والله تشوف ما بسكت لها
* * *
نزلت سلمى و دخلت مكتب ابوها ، وقف زايد الاجتماعه لان بالنسبه له عياله اهم من الشغل ؛
سلمى : ادق ليش ماترد ؟
زايد : في اجتماع و تلفوني صامت اصلا في الصاله
سلمى : المربيه ما باها و بعدين نحن هب في حاية مربيات
زايد : بنتكلم بعدين في هذا الموضوع
سلمى : لا الحين بنتكلم ، انت و امي هب ناقصين لا عقل و ايد ولا ريل تقدرون تربونا هب محتايين حق مربيات
* * *
حس زايد انه لا ان يتصرف الحين ولا ما بيقدر يكمل الاجتماع على خير ، طلع و راح عند المربيه و قالها ان سمع كل الي صار بينها و بين سلمى و درى ان كل الي كانت تقوله كذب في كذب و طردها بأسلوب محترم سلمها معاشها و زياده و رجع مكتبه يكمل اجتماعه.
* * *
على الساعه ثلاث و نص الظهر خلص هزاع دوام و طلع راح بيت راشد و روضه يتغدى عندهم مثل كل يوم ، و بعد الغدى رجع البيت و ما لقى سلامه طلع و راح بيت ام خليفه و على طوق فوق لـ غرفة سلامه ، دق الباب و حاول يفتحه لكن مقفول ؛
سلامه : حصوه هب فاضيه لج ابا ارتاح شوي
هزاع : بس انا هزاع هب حصه و ابا ارتاح شوي معاج
سلامه : خير ليش ياي ؟
هزاع : شوفي من الاخر في مافتحتي الباب و تفاهمنا والله اكسره
سلامه : بفتحه اصبر
هزاع : افتحيه الحين ما بصبر
* * *
قامت سلامه و قبل ما تفتح الباب شافت نفسها في المنظره و حزنت على منظرها ؛
سلامه : تعال العصر خلني ارتاح شوي
هزاع : و انا ابا اشوفج عشان ارتاح
سلامه : انا بخير
هزاع : انزين بشوفج بـ عيوني
* * *
فتحت سلامه الباب و رجعت انسدحت على السرير و غطت نفسها باللحاف ، قرب هزاع عندها و نزل على ركبه شل اللحاف عن وييها و باس راسها و هي تشوفه و عيونها مليانه دموع ؛
هزاع : لا ينزلن دموعنج ، والله العظيم ما يهونن علي
سلامه : اذا انا هنت دموعي ما هانن ؟
هزاع : و منو قال انج هنتي ؟
سلامه : انت
هزاع : انتي فهمتيني غلط و ما عطيتيني مجال اكمل كلامي لاني ما خلصته
سلامه : ليش ما وقفتني و وضحت
هزاع : لان على طول دقوا الشغل و طلعت
سلامه : وضح لي الحين
هزاع : انا كنت ناوي ، بس راجعت نفسي و اكتشفت اني احبج انتي و ما ابا غيرج
سلامه : صدق ولا خايف من هلك ؟
هزاع : صدق ، و لو صدق اياها كان ما خليتها تضيع من يديه من البدايه
* * *
انسدح هزاع عدال سلامه ببدلة الشرطه و حضنها و رقد ، على الساعه ست و نص المغرب قاموا على صوت ازعاج و تصفيق ، قام هزاع غسل ويهه و نزل ، كانت ام خليفه قاعده تتابع المركاض و عندها مطر و حمدان و سالم ، سلم هزاع عليهم و قعد عدال ام خليفه ؛
مسك هزاع الدلع بيصب له فنيال قهوه : منو سبق ؟
ام خليفه : سالم صب حق هزاع بتحتاي واسطه عقب
هزاع : سالم روحه واسطه
حمدان يأشر على مطر : هذا الي في حاية الواسطات
ام خليفه : معليه اصبروا عليه مطر بتشوفونه فوقكم كلكم
مطر : راح العمر و بعدني تحت
ام خليفه : علومك هزاع ؟
هزاع : والله علومي طيبه تسرج
ام خليفه : مقيل عندي عسى ماشر
هزاع : مريوغ من البيت
ام خليفه : مزعل سلامه ؟
سلامه نازله من الدري ( هزاع ) : لا هذي ها سأليها
ام خليفه : لا دامك راقد عندها باينه اموركم طيبه
* * *
قام هزاع لبس نظاراته فتح الباب بيطلع لكنه وقف و كأنه نسى شي ، لف لـ سلامه ؛
هزاع : ببدل تجهزي بنطلع
سلامه : ان شاء الله
ام خليفه : نزل النظاره ماشي شمس
هزاع : لا بس الوالد اذا شاف عيوني كلام ثاني
ام خليفه : صدقه لين ست راقد
* * *
بعد صلاة العشا ، طلعت ام خليفه و امرت على العامل يطلع زوليه من الستور و يحطها قدام بيتها و يطلع الجلسه الارضيه بعد و امرت على الخدامات يرتبن المكان و دقت على حريم عيالها و بلغتهم ام ام يارب بتي مع بناتها و كتبت حق البنات في القروب ، طبعاً اقلب البنات تحججن ،،، في قروب سناب الي فيه الشباب و البنات ؛
ساره :⚠️ نداء للشباب ⚠️
( تواجدوا كلهم في القروب يوايقون )
ساره : ما نبا نشوف حد منكم في البيت لين الساعه 11
فطيم : شو عندكم ؟ ما تعزمون
ساره : ما عندنا شي بس لو يشردونا معاهم
فيصل : انا بشردكم بس شو السبب ؟
مايد : السبب من عشر سنين ما تغير
فطيم : بنات بو يابر 🤣🤣
زايد : والله انهن مسكينات
شمسه : سكنوا العدو الينانوه
فطيم : زايد إلا شمسه من زود الحب ما دعت عليك
شيخه : لا حبيبتي فطيم دعوات اوقات تضرب
ساره : زين زايد بنشوف بنيب فيصل و بنشوف شو بيسون
فيصل : ما عرسن للحين شو ؟
فطيم : الي اعرفه ان وحده بس الي عرست
فيصل : انزين
ساره : بنات عادي الي ريلها ما بيطلعها انا بطلعها بس انزل الحين
* * *
دقت ساره على الدريول و قالت له اييب سيارة البيت و يوقفها قدام البيت لان سيارتها ما بتكفيهن ، نزلت و كتبت في القروب ( يلا انا في السياره ) ، نزلن الي رياييلهن هب فاضيين و ركبوا مع ساره ، شاقتهم ام خليفه و سجلت لهن فويس طويل مدة ثلاث دياي و شوي في القروب بالمختصر كان تهزبهن كيف يطلعن و ضيوف يايين .
* * *
( اليوم الثاني )
الكل كان متواجد على الغدا إلا هزاع لانه في الدوام و يرجع يتغدى عند روضه ، فتحت ام الخليفه موضوع الي صار امس و هزبت الشباب بعد عن تصرف حريمهم ؛
مطر : انا شو يخصني
ام خليفه : انت ما يخصك ، انا اقصد الرياييل
مطر : وانا و فيصل هب رياييل
ام خليفه : انتوا اريد عنهم
محمد : افا
ام خليفه : يوم تدرون ان في ضيوف ليش تسمحون لهن يطلعن ؟
* * *
دافعوا الشباب عن حريمهم و كلهم قالوا اقتراح الطلعه كان من طرفهم و ما كانوا يدرون ان في ضيوف ؛
ام خليفه : هيه ما شاء الله امس كان يوم الازواج العالمي
فيصل : هي والله 10 فبراير يوم الزواج العالمي كان ترند في تويتر امس
ساره : هي نيتنا طالعين نتعشى هب شاردين
ام خليفه : اخ انسانه تتكلمين عن النوايا
مطر : اووووففف
ساره ( بكل براءه ) و هي تضحك : شو قصدج ؟
ياسر : ما تقصد شي
ساره : اتمنى
* * *
<< يتبع >>
شو توقعاتكم للبارت الياي ؟ وايد مبالغين في موضوع بنات بو يابر صح ؟؟ 🤔🤔 ، تتوقعون زايد خلاص ما بيرجع اييب مربيات ؟ ؟
انتظر كومنتاتكم الحلوه 👀❤️🔥❤️🔥
