( بعد مرور سنه و نص )
اختصار احداث السنه ، ربت روضه و يابت أمل لكن تعبت وايد اثناء الولاده و اصرت الدكتوره على روضه انها تكمل الاربعين في المستشفى عشان اذا صار اي شي لها او لـ أمل يتدخلون بسرعه ، تعالجت شمسه و فازت الحرب و رجعت علاقتها بـ زايد احسن لكن مش نفس قبل ، تخرج نادر من الجامعه و وظفه زايد عنده في الشركه ، بعد عناء و محاولات اقناع وافقت عايشه تحمل ، حملت و هي الحين في الشهر السادس و الي في بطنها بنت و يا فرحة مايد الي ما تنوصف ، أحمد للحين مسافر و مافي اي خبر عنه ولا حد اصلا تذكره او حتى فكر فيه الكل كان مشغول في حياته .
* * *
الساعه تسع قامت شيخه و تجهزت عشان تروح حضانة محمد عندهم مسيرة الأباء و لازم كل طفل اييب امه و ابوه معاه ، تجهزت و خلصت فتحت تلفونه بتدق على حد من اخوانها يروح معاها و للاسف سرعان ما ادركت ان ما عندها اخوان ، دقت على ابوها عشان يسيير معاها لكن ما رد لانه كان في اجتماع و اخر خيار لها فيصل ( عم محمد ) ، دقت عليه و هي كلها يقين انه بيرد و بيوافق يروح معاها و فعلاً رد ؛
شيخه : صباح الخير فيصل
فيصل : هلا شيخه صباح النور
شيخه : اسف اذا قومتك من الرقاد
فيصل : لا عادي في شي ؟
شيخه : الصراحه اليوم محمد عنده مسيرة اباء في الحضانه و لان تعرف ابوه محد و الصراحه ماودي يحس بنقص و هو يشوف كل الي حوله اباهاتهم موجودين و هو محد عنده و دقيت على ابوي عشان يروح معاي و مارد ، و محد طرى في بالي غيرك لانك عمه و هو وايد يحبك و متعلق فيك ، يعني اذا عادي تروح
فيصل : اكيد عادي
شيخه : شكراً فيصل
فيصل : ولو كل شي عشان محمد يتأجل ، انتي وين الحين ؟
شيخه : في البيت اتريا الدريول
فيصل : لا انا بوديج بس عطيني خمس دقايق
شيخه : تمام اترياك
* * *
قام فيصل و بدا على السريع و تعطر بـ العطر الي يحبه محمد و نزل تحت مستعيل وقف قدام المنظره يلف الحمدانية و طلع بسرعه شغل السياره و وقف قدام بيت عمه عبيد ( بو ساره ) ، و طلعت له شيخه بسرعه ركبت معاه و راحوا لـ الحضانه ، طول الطريق كانت شيخه سرحانه في فيصل و هو مستغرب ؛
فيصل : اشبه أحمد وايد ؟
شيخه ( بـ ابتسامه ) : نسخه منه و انت لابس النظارات
فيصل : بعد اخوه
* * *
( في الميلس )
دخل سالم و في يده ولده صقر كان شالنه بدون ما يحط يده ورا ظهره و تهندقت عليه ام خليفه ؛
ام خليفه : يوم انت ما تعرف تشل بيبي ليش تشله ؟
سالم : ولديه بعد ليش اشله ؟
ام خليفه : ولدك تبا تذبحه شو ؟
سالم : اصلاً محد يخاف ع الولد كثري
ام خليفه : صحيح ، ( بصوت عالي و عصبيه ) ؛ حط يدك ورا ظهره
سالم : حاط حاط
قامت ام خليفه تشل صقر من سالم : يعلني ما احلمك ان شاء الله
( ضحك سالم و طلع )
* * *
استانس محمد يوم شاف عمه فيصل ، بس كان يتمنى ابوه يكون موجود نفس باقي الاطفال ، راحوا محمد و فيصل لـ نقطة التجمع اما شيخه راحت تيب اهم طرمبات ماي ؛
محمد : عمي لازم تكون هذا اسوي رياضه
فيصل : يعني رياضي ؟
محمد : هيه
فيصل : و العضلات على الفاضي ؟
محمد : لا بس امشي بسرعه
فيصل : هيه امشي
محمد : that's grate
فيصل : الحمدالله
محمد : بس all my friends with their dad
فيصل : و انا و ماما شيخه ما نسد ؟
محمد : انت عمي
فيصل : عمك بحسبة ابوك
محمد : بس انا محمد أحمد not فيصل
* * *
بدوا في المسيره و مشوا و لان محمد و فيصل سريعين سبقوا شيخه و شيخه كانت ورا مع الامهات البطيئات ، بعد عشر دقايق من المشي ، شافت شيخه واحد من ورا كنه فيصل لكن بدون طفل يمشي ، يتها غصه تتحرا محمد ضاع ، قعد شيخه تنادي فيصل فيصل لكن مافي رد و كانت تحاول تسرع خطواتها عشان تمسكه لكن كان اسرع منها و ما قدرت تلحقه ، و الصدمه يوم صارخت ( فيصل ) و التفت لها .
* * *
قامت روضه الساعه 2 الظهر و نزلت تحت لقت راشد فاتح الستاره و حاط زوليه قدام باب البلكونه و لابس شورت منسدح يتشمس و عداله أمل بدون ثياب ؛
روضه : كم صار لكم قاعدين تتشمسون ؟
راشد : خمس دقايق و لنكمل نص ساعه ، لا تحاتين حاط منبه
روضه : معاك ما احاتيها
* * *
دخلت روضه المطبخ تسوي لها اي شي تاكله عشان ترضع أمل ، قطعت لها صحن فروت و راحت قعدت في الصاله تاكله ؛
راشد : بتسبحينها ؟
روضه : لا صدري يعورني برضعها
راشد : صح الي سويته يوم حطيتها عند الشمس
روضه : هيه بس الافضل شمس الساعه تسع عشر جي يعني
راشد : مادري طلعت لي المعلومه في تيك توك
* * *
خلصت روضه صحنها و شلت أمل و راحت فوق عشان ترضعها في غرفتها ، بعد عشر دقايق دخل راشد بيتسبع و لقى روضه تحاول ترضع أمل لكن أمل ما نبا ترضع و روضه تصيح من ألم صدرها تحتاج ترضع ، حاولت روضه تغصب أمل لكن مافي فايده ، الساعه 11 الليل دخل راشد الغرفة و لقى روضه ترضع أمل ؛
راشد : الحمدالله رضعت
روضه : بس شبعت و انا بموت من الويع و الحليب متروس
راشد : و انا ابحث لقيت لج طريقه
روضه : شو ؟
راشد : دخلي الحمام و و شغلي ماي دافي شوي و خليه على صدرج ، الحليب بيطلع بروحه
روضه : ما شاء الله ، و من وين لك المعلومه
راشد : طلعتها من احدى المنتديات
روضه : ما شاء الله عليك
* * *
<< يتبع >>
شو توقعاتكم البارتات اليايه ؟ 🤔❤️🔥❤️🔥
