( بيت بو هزاع )
دخلت العامله و في يدها بدلة سباقات فيصل يايبها الدريول من الدوبي ، شلتها العنود ( ام هزاع ) من العامله و راحت غرفة فيصل ، فتحت الباب بقوه و واضحه عليها العصبيه ؛
فيصل : شفيج اميه ؟
العنود ( ام هزاع ) و هي تفر البدله في ويه فيصل : و شو فيني ؟ ؟ هذا شو ؟ ؟
فيصل : بدلة دراجه
العنود ( ام هزاع ) : و نحن كم مره متكلمين في هذا الموضوع و ابوك كم مره رمسك
فيصل : لا شو رايكم تتحكمون فيني بعد
العنود ( ام هزاع ) : انت متى بتعقل و بتفهم انك كبرت على هذي السوالف ؟
فيصل : شدخل ؟ الي يسوق دراجه يعني ياهل ؟
العنود ( ام فيصل ) : نحن هب ناقصين حوادث
فيصل : انا الي انصاب ولا انتوا ؟
العنود ( ام هزاع ) : و نحن نشل همك
فيصل : يعلني اتكسر و اترقد ان شاء الله بعد بتسليم همي
العنود ( ام هزاع ) : عنبوه انا هب يايبتنك من الشارع ، العام حادثين و الي قبله بعد منجلب ، تبا تذبح عمرك انت ؟
فيصل : لو عشر حوادث خلونيه ع راحتيه و لا تتدخلون في حياتيه ، منكسر لكم ضلع ؟
العنود ( ام هزاع ) : والله يا فيصل ان ما عقلت بيوزك
فيصل : يعني العرس الي بيعقلني
* * *
كانت شيخه طالعه من الغرفه بتروح بيت ابوها لكن عورها قلبها على عمتها و فيصل يعلي صوته عليها و يبا يسوي الي في راسه ، طلعت العنود من غرفة فيصل و هي معصبه و تقول ( هب فالح غير في طولة اللسان الله يصبرني عليك ) ؛
شيخه : معليه يا عمتيه هدي شوي
العنود ( ام هزاع ) : حسبي الله ونعم الوكيل في اللي علمك على السباقات
شيخه : معليه هاي هوايته الي يفرغ فيها طاقته
العنود ( ام هزاع ) : من قلة الهوايات
* * *
راحت شيخه تكلم فيصل ، و صلت عند غرفته لقت الباب مفتوح ، كان فيصل لابس بدلة السباق و جاهز بس قاعد على حافة السرير يلبس جواتيه ، دقت الباب و رفع راسه يشوفها ؛
فيصل : هلا، شيخه
شيخه : اذا انت مصر انك تروح السباق اطلع من الباب الخلفي لان امك في الصاله
فيصل : انزين ؟
شيخه : فيصل حرام الي تسويه في امك
فيصل : الحرام الي هم يسوونه فيه
شيخه : ادري انك تحب السيارات و الدراجات و حب السباقات و الحلبات يجري في دمك ، بس ترا رضى والديك اهم
* * *
كان فيصل يشوف شيخه بنظره صارمه و يحاول انه يثبت ليه ولا تتحول نظرته الي نظرة اعجاب ، صاح بيبي فيصل طلعت شيخه و راحت له تركض ، قام فيصل و دخل الحمام يغير ثيابه ، طلع من الغرفه بكندوره و كانت شيخه بعد طالعه من قسمها و في يدها بيبي فيصل ؛
فيصل : هاتيه عنج
شيخه وهي تعطيه فيصل : شوي شوي و انت نازل
* * *
نزل شوي شوي و هي نازله وراه ، فتح هزاع الباب و شافهم نازلين من فوق ، على طول تغيرت ملامحه و بحده قال ( السلام عليكم ، فيصل تعال شوي اباك ) ، دخلوا الميلس و رجع هزاع فتح موضوع شيخه و تعالت اصواتهم و سمعت امهم كل الكلام الي دار بينهم.
* * *
سلمى : فارس عندك مواد تسجلها خارج الدوله
فارس : هيه ماده وحده بس
سلمى : انزين سجلها في امريكا
فارس : ما بسجلها عندي مادتين هني
سلمى : دخيلك سجل معاي
فارس : يعني اقلع المادتين الي هني و اسجل وحده
سلمى : هيه عادي
فارس : لا ما ينفع و عقب السنه اليايه يبقليه مادتين برا و اداوم بس يومين
سلمى ( بنظرات ترجي ) : فاارسس
فارس : اطلبي غير هذا
سلمى : بليييز
فارس : لا تحاولين فيني
* * *
الساعه 4 العصر نزلت ساره الصاله و يلست مع عمتها و سلفاتها الموجودات ؛
عمتها : شفت حد الضحى وقف برا و شل سيف
ساره : هيه عمي يا يشله
عمتها : هييه و للحين ما رد ؟
ساره : انا بعد صلاة المغرب بروح اخذه
عمتها : هيه زين ، عيب جي تخلين ولدج عند الناس هالكثر
ساره : تراه عند يده و في بيت ابوه
عمتها : يده ولا غيره عيب
ساره : ان شاء الله ما عاد اخليه هالكثر
* * *
حست ساره بتعب و صداع قامت و طلعت لقسمها ، دخل أحمد ؛
أحمد ؛ عيل ساره وين ما نزلت ؟
امه : نزلت اقل من عشر دقايق و رجعت فوق
( دخل أحمد القسم و دخل الغرفه ما لقاها ، دق باب الحمام )
أحمد : ساره ، ساره
فتحت الباب ساره : لبيه
أحمد : فيج شي ؟ صاير معاج شي ؟
ساره : لا بس شوية صداع
أحمد : اوديج المستشفى ؟
ساره : اتوقع اني حامل
أحمد ( مستانس ) : صدق ؟ انزين قومي بوديج المستشفى تفحصين
ساره ( بابتسامه ) : ان شاء الله
* * *
( بيت راشد )
نزل فارس بسرعه عشان ما تنتبه له أمل لكن مسكته من كندورته و هو طالع ، تقول له ( كوفي ، كوفييي) نزل لها فارس و باس يديها و خدها ؛
فارس : أمل حبيبي انا بروح عند الشباب يوم برجع بوديج الكوفي
أمل و هي تمط كندورته : كوفي ، كوفي
فارس : ان شاء الله اول شي قولي حق ماما
( دق فارس على روضه )
روضه : هلا فارس ؟
فارس : شيخة البنات بتكلمج
روضه : هلا ماماه
أمل : مام كوفي كوفي
فارس : ماسكتينه تبا الكوفي
روضه : انزين شو عندك من شغله ؟ ، ودها الكوفي
فارس : اميه بروح عند الشباب ، اخاف عليها
* * *
الساعه 7 طلعت سلمى قدا البيت و شافت بس سيارة نادر في القراج و استنتجت ان محد في البيت غير نادر و راحت له ركض ، كان الهدوء مسيطر على المكان ، دخلت سلمى غرفة نادر و قفلت الباب و راها ، كان نادر في الحمام عقلت الهودي و البنطلون الي كانت لابسته لان لابسه تحت شورت ضيق و كروب توب ضيق و يلست على الكرسي شغلت التلفزيون ، طلع نادر من الحمام و وقف شاف سلمى بانبهار ؛
نادر : شو تسوين هني ؟
سلمى : تولهت على ريلي و بيت أشوفه
نادر : و ليش جي لابسه ؟ لبسي الهودي و البنطلون
سلمى : شو فيك تراني حلالك
دخل الحمام و طلع ، قرب منها : هيييه عيل حلالي
سلمى : هيه حلالك
( سحبها و سدحها على السرير +18 )
* * *
ست الساعه 8:30 و فارس مارد أمل و روضه كل شوي تدق تطمن تخاف راشد يرجع و ما يلاقي أمل ، تدري اذا رجع و ما لقاها بتصير مصيبه و بيعصب ، و فارس قاعد في الكوفي و الشباب مستانسين على أمل و هي بعد مستانسه. بعد سادس اتصال من روضه طلع فارس من الكوفي و رد أمل ؛
فارس : يعني تدرين اني اذا رحت الكوفي بطول ليش تخليني اشلها معاي
روضه : و ليش ان شاء الله لين متى ناوي تقعد ؟
فارس : 11 ولا 12
روضه : لا والله انت صاحي تقعد لين هالوقت
فارس : قاعدين مستانسين و مبسطين
روضه : زقاير و ارقيله و بنات
فارس : هيه بس بدون بنات
روضه : تبا تسهر عندك الميلس مسواي حقك
فارس : ترانا كل يوم فيه اونه ما تشوفينا من الكيمره
روضه : اشوفكم ، حب و شاي و زقاير ورفع و سوني 24 ساعه
* * *
شو توقعاتكم للبارت الياي ؟ ؟ هل فيصل على حق ؟ ؟ امه و ابوه المفروض ما يتدخلون في حياته و هواياته ؟ ؟ و بخصوص انه غير رايه بعد كلام شيخه ؟ ؟ تتوقعون العنود ( ام هزاع ) درت بحب فيصل لـ شيخه ؟ ؟ و شو تحسون بتكون ردت فعلها اذا عرفت ؟ ؟ و فارس ممكن يغير رايه و يسجل الماده و يسافر مع سلمى ؟ تتوقعون ساره حامل ؟ تحسون سلمى تعدت حدودها ولا عادي ؟ ؟ و الي يسويه فارس صح كل يومين مودي أمل عند الشباب ؟؟ 🤔❤️🔥❤️🔥
