الساعه عشر الصبح كان حمد ( بو مايد ) قاعد في عريش بيته ، دخل سالم بـ سيارته و نزلن منها البنات ، اول ما سمع بو مايد صوت سياره طلع يشوف منو ياي من صباح الله خير ، نزلن البنات و سلمت على يدهن اما سالم كان بيطلع لكن يوم شاف ابوه وقف و نزل يسلم عليه ؛
حمد ( بو مايد ) : شو هب نازل تسلم
سالم : لا ما توقعت انك واعي
حمد ( بو مايد ) : ليش في حد يرقد للحين ؟
سالم يغير الموضوع : البنات شافنيه و قالت إلا تودينا صوب يدنا
حمد ( بو مايد ) : زين والله ان شاء الله يطلعون خير عنكم ولا يقطعون صلة الرحم
سالم : والله يالغالي مشغولين
حمد ( بو مايد ) : هيه تراكم مأجزين و ساري ماشفته من ييت ليوا غير مره
سالم : انا علي من نفسي ما يخصني في حد
حمد ( بو مايد ) : الي يسمعك يقول انك خير عنهم و انت ازق
سالم : شي في خاطرك ؟
حمد ( بو مايد ) : كلام الصدق صار يزعل
* * *
طلع سالم ركب سيارته و راح ، دخلت سلمى العريش و لقت البنات قاعدات ، سلمت على يدها و حبته فوق راسه و كان واضح عليها الانزعاج ، كتبت حق نادر ( ياويلك اذا يبت العريش ) ، دخل مايد و هو شال محمد ، قامن البنات يسلمن عليه و شلت شما محمد منه ؛
حمد ( بو مايد ) : عاشه وين ؟
مايد : دخلت البيت بتعق عباتها و بتيي
حمد ( بو مايد ) : هيييهه
مايد : ابويه انا اسم انك تحب حريم عيالك اكثر من عيالك
حمد ( بو مايد ) : صحيح تحذر في يوم من الايام تزعل عاشه
مايد : ازعل عمري ولا ازعلها
* * *
( ريم و طيف بصوت ابداً ماينسمع ) ؛
ريم : ابا اشوفها هالعاشه
طيف : سييييممم احس بنجلط لو ما تطلع جميله مثله
ريم : بطر ثيابي يارب تطلع صاروخ ارض جوو
طيف : اخخخ يااارب
شما : يقولون انها شقق
ريم : بسم الله لا يكون اصواتنا عاليه
شما : لا عادي
طيف : يعني عمي مايد اجملهم لو اطلع عاشه من جميله عادي اصيح
ريم : لا والله عمي زايد اجملهم
شما : لا لان بنته سلمى
طيف : صحح زايد مزيووون و شمسه بعد جميييلللههه يستاهلون بعض
شما : مالت و نحن الي عندنا خسفين
طيف : تصدقين حتى عيال عمامهم جمييليين مافي حد هب جميل عندهم
شما : في وحده عندهم اسمها شيخه جمييييللهه
طيف : حتى روضه قد شفتها عند سلمى
شما : معليه اليوم بنشوفهم كلهم ان شاء الله
* * *
( بيت خليفه ( بو هزاع ) )
في الصاله كان قاعد أحمد مع ولده و زايد ولد هزاع قدام التفزيون و الالعاب مفرره قدامهم ، و بو هزاع قاعد و قدامه دلة القهوه يتقهوى منها ؛
أحمد : ابويه
خليفه ( بو هزاع ) : لبيه
أحمد : لبيت في منى ، ودي اطلب من طلب
خليفه ( بو هزاع ) : ان كان مقدور عليه اعتبره تم
أحمد : ابا وظيفه في الشركه و بأي مبلغ ما عندي مشكله
خليفه ( بو هزاع ) : لا يا أحمد ما يصير جي تقول ، عقب معاشك هذاك المفروض ما ارضى بالقليل
أحمد : حالياً انا محتاج
خليفه ( بو هزاع ) : معاشك الشهري اكثر من معاشي مع فلوس العماير
أحمد : عاد هذاك اول ، وين كنا و وين صرنا
خليفة ( بو هزاع ) : رد للطيران
أحمد : صعبه
خليفه ( بو هزاع) : ليش ؟
أحمد : ما اقدر
خليفه ( بو هزاع ) : معليه بشوف عمامك ، بس ليش ما تقدر
أحمد : سيرتي الصحيه ما تساعد
خليفه ( بو هزاع ) : الحادث صار له اكثر من عشر سنوات
أحمد : ابويه ما يخص الحادث تراني داومت عقب الحادث
خليفه ( بو هزاع ) : عيل ؟
أحمد : كنت مدمن
( لحظة استيعاب )
خليفه ( بو هزاع ) : شو ؟ مدمن ؟
أحمد : و اللهم لك الحمد تبت
( كانت شيخه نازله )
خليفه ( بو هزاع ) : شو مدمن مخد*ات ؟ تتعاطى مخد*ات ؟ ؟
أحمد : لااا
خليفه ( بو هزاع ) : عيل ؟ !
أحمد : كنت اشرب
شيخه : و تعالج سافر و دخل مصحه
خليفه ( بو هزاع ) : و انتي تدرين ؟
شيخه : هيه
خليفه ( بو هزاع ) : و للحين مستمره معاه ؟ وين عقلج ؟
شيخه : و معاه طول العمر باذن الله
خليفه ( بو هزاع ) : يارب صبرك
أحمد : ابويه والله العظيم اني تايب
خليفه ( بو هزاع ) : أحمد انت مستوعب ؟ ؟
أحمد : كلنا نغلط
شيخه : يا عميه ما في شخص معصوم عن الغلط
أحمد : و انا الي اغتصبت شيخه قبل الزواج
( من الصدمه رفع يده خليفه و ضرب أحمد كف على ويهه ما يبا غيره )
أحمد : حقك و لو تذبحني بعد
خليفه ( بو هزاع ) : فارج ويهك مابا اشوفه
شيخه : عمي
خليفه ( بو هزاع ) بعصبيه : و انتي بعد الحقيه
* * *
شلت شيخه محمد و راحوا فوق لـ غرفتهم ؛
شيخه : نحن هب سكرنا هالموضيع ؟ ليش ترجع تتكلم و تقول كل شي ؟
أحمد : لين متى بتتسترين علي ؟ ؟ و لين متى بتتحملين كل شي بروحج ؟
شيخه : الموضوع يخصني
أحمد : يخي كان هم و انزاح
شيخه : انت بتجلطني
أحمد : انا برد كم يوم بوظبي لين ما الوالد يهدا
* * *
بعد الغدا كان نادر منسدح في العريش و كتب حق سلمى تسوي له شاي احمر و ريله العريش ، سوت كوبين شاي و طلعت و عيون شما عليها ، كان نادر منسدح و يتعبث في الراديو قعدة سلمى عداله و حطت الموال قدامها ، قام و اعتدل ؛
نادر : الشاي لذيييذ
سلمى : ما شربته تراك
نادر : واضح من شكله
سلمى : نادر شرايك تطلعني
نادر : وين تبين ؟
سلمى : مرعب
نادر : و تبين به مرعب
رن تلفون نادر و المتصل عمه سالم : يا صبر الارض
سلمى : رد
نادر : هب ارد ما فيني
* * *
طلعت شما مع البنات بيقعدون في العريش ، كانت شما المتقدمه دخلت و سوت عمرها منصدمه ؛
شما : ويييي انتوا مني ؟
( سلمى تاخذ نفس عميق )
نادر : لا مناك
سلمى بصوت ما يسمعه غير نادر : و يقولي نحن متحفظين و هاي قدامه بكشتها
نادر : ها ؟
سلمى : ماشي
نادر : ترا هاي بس قدامي جي ولا الباقي تتحجب منهم
سلمى : يعني شو هاي ما تشوفك ريال ؟
نادر : شدخل
سلمى : فكر فيها تتحجب من الكل إلا انت لا
نادر : مثلج
سلمى : انا شو دخلني ؟ ؟
شما : نادر شو رايك تطلعنا
نادر : هب فاضي
سلمى : شموه بس تراج لوعه
شما : شو سويت ؟
سلمى : مره نشبه تراه ما يباج
شما : عاميتنه ولا مسويه له سوى
سلمى : هب لهاذي الدرجه
شما : ما رده لي
نادر : ايييييههه بلاكن
سلمى : تراها تقصدك
نادر : في شو ؟
ريم : تقول مردك لها
نادر : انا لعبه و انا ما ادري
* * *
قام نادر و قال حق سلمى تقوم و تركب السياره عشان تروح معاه ، كانت بتنجلط شما ، دخل فارس و انصدم من عدد البنات الي في العريش ؛
فارس : بسم الله
طيف : ما ادري نحن ينون ولا شو
فارس : يدي وين ؟
شما : و نحن شو درانا ؟
فارس : لا قومي كفخوني بعد
ريم : بسم الله شموه مره انتي يوم تتكلمين
* * *
<< يتبع >>
شو توقعاتكم للبارتات اليايه ؟ ؟ شو رأيكم بـ اعتراف أحمد ؟ ؟ و شما لين وين تتوقعون توصل ؟ ؟ و سلمى لين متى بتسكت و تتحمل ؟ ؟🤔❤️🔥❤️🔥
