بعد ساعتين من الحواطه رجعوا البيت ، دخلت سلمى البيت و هي مستانسه و شاقه الابتسامه و مجرد ما انتبهت ان ابوها قاعد في الصاله انعفس ويها ؛
زايد : وين هايته لين الحين ؟
* * *
ماردت عليه سلمى و راحت غرفتها بدلت و هي نازله لقت ابوها واقف اخر الدري حاولت تتجاهله و كملت وقفت جدامه و عينها في عينه تباه يتحرك ؛
زايد : ارمسج ليش تحقرين ؟
سلمى : ما عندي لك جواب
زايد : و وين رايحه الحين ؟
سلمى : بطلع الحديقه اشم هوا ، ممنوع ؟
زايد : انا ابوج
سلمى : اوك
* * *
خذ نفس زايد و راح فوق ، طلعت سلمى و يلست شوي في الحديقه اما زايد دخل الغرفه و يلس يتشكى عند شمسه عن تصرفات سلمى و قعدوا يلومون بعض و كل واحد شكك في تقصير الطرف الثاني سببوا لهم مشكله من ولا شي ، انتهى النقاش زايد و طلع من الغرفه و صفق الباب وراه .
* * *
دخلت سلمى غرفة نادر و قفلت الباب وراها ، كان نادر منسدح على السرير و مندمج في السوني قربت منه سلمى رفعت يديه خشت راسها و انسدحت على بطنها فوقه ، كان نادر مندمج في القيم و سلمى كل شوي تبوسه و تشتت انتباهه ، خلص القيم و خسر نادر ؛
نادر : سلمى قومي
سلمى : شو فييك
نادر : لا تسوي شي نندم عليه
سلمى : مافي شي بنندم عليه
نادر : سلمىىىىى
( قامت و يلست عليه +18 و هو يشوفها بذهول )
سلمى : يخي تعبت انا كل ما احاول اقرب انت ما ادري شو فيك
نادر : انا احاول اكون عاقل و امسك نفسي عن الغلط عشان ما يصير شي نندم عليه
سلمى : انزين انا احبك
نادر : و انا بعد احبج ، و ترا مردي لج و مردج لي
سلمى : انزين
نادر : لاحقين
سلمى : خلاص اخطبني رسمي
نادر : تم باجر بمر على يديه و بقول له ، بس الحين قومي عني لو سمحتي
سلمى : اوك
* * *
دخل مطر على امه و عقد يسولف و يلف و يدور يبا يفتح معاها موضوع شما لكن ماعرف كيف يفتح الموضوع و ليلى اسوي عمرها هب فاهمه ؛
ليلى : مطر تراك صرت وايد تخرط علوم
مطر : انزييين
ليلى : علوم انا هب لازم اعرفها
مطر : انزين و شما ؟
ليلى : بلاها
مطر : الله يبلا العدو ولا يبلاها
ليلى : وييي شما اصبر ما مر شهر
مطر : يعني كيف اقنعج اني جاد
ليلى : لا تعب عمرك
مطر : هذا هو مستحيل اقنعج
ليلى : لان بو طبيع ماييوز عن طبعه
مطر : امييييههه
ليلى : لا تقعد تحن مثل اليهال
مطر : افففف
* * *
طلع نادر في نص الدوام و راح يكلم يده عن الموضوع و انه يبا يخطب سلمى رسمي ، وافق بو مايد بدون اي تردد و دق على عاشه و قال لها اتيه ضروري ، ماشي عشر دقايق و وصلت ؛
عاشه : هلا عمي قلت تباني ضروري آمر
حمد ( بو مايد ) : بوكلج بالترتيب حق خطوبة نادر
عاشه : وييي مبرووك منو بتخطب ؟
حمد ( بو مايد ) : سلمى بنت زايد
عاشه : عالبركه عالبركه
نادر : الله يبارك لج
طلع بو مايد البطاقه : هذي كل شي الرصيد مفتوح
نادر : لا يا يديه عنديه
حمد ( بو مايد ) : الي عندك يوده في جيبك بنت زايد بتخسرك
نادر : عيوني لها بنت زايد
حمد ( بو مايد ) : زين عاشه متى بتخلصين كل شي
عاشه : دام الفلوس جاهزه باخذ ذهب الخطوبه مره وحده و التجهيزات ما يبالها بكلم مصممه و بتخلص لي كل شي
حمد ( بو مايد ) : خلاص عيل وكلتج على كل شي
عاشه : زين اي تاريخ ؟
حمد ( مايد ) : خليها على الاسبوع الياي
عاشه : تمام
حمد ( بو مايد ) : نادر عطي رقم حساب سعود ما قالي انه عزم يخطب رسمي
نادر : والله كل شي صار سرعه سرعه
* * *
رجع نادر للدوام و ركبت عاشه مع عمها حمد و راحوا محل مجوهرات سالم الشعيبي ياخذون ذهب الخطوبه مره وحده ، بعد ما انتهى نادر من دوامه مر على مطعم في طريقه للجامعه دق على سلمى و حطها سبيكر ؛
نادر ( بضحكه ) : ههللاااااا
سلمى : اهلين ، و الله دقيت في وقتك
نادر ( يضحك ) : ليش ؟
سلمى : ين بنتين و يلسن عدالي اونهن يبن يتعرفن
نادر : هييييههه ، ثواني ، ( يكلم راعي المطعم ) عطني ثنين عكاوي و واحد عصير ميلكو برتقال ، انزيييييننن حبيبتي علومها ؟
سلمى : والله طيبه
نادر : شو للحين في الجامعه ؟
سلمى : هيه توني طالعه من الكلاس
نادر : زين انا ياي اخذج
سلمى : اوك
* * *
غيرت سلمى مكانها وراحت تيلست على الكراسي الي عدال الباب ، وحده من البنات الي يت تبا تتعرف يتها لكن هالمره مع بنت ثانيه ، يلست عدال سلمى تحاول تفتح موضوع و سلمى ابداً هب معاهن لابسه سماعاتها و مطوله على الاخر ، لاحظة البنت ان سلمى ما تسمعها ؛
البنت ( ١ ) : ما تسمعني
البنت ( ٢ ) : لانها لابسه سماعات
( حطت البنت يدها على ريل سلمى في نفس الوقت الي دق عليها نادر و بالغلط حطته سبيكر )
نادر : حبيبي انا برا
سلمى ( متفشله ) : يايه يايه
* * *
قامت بدون ما تقول شي و طلعت و هن قامت و طلعت وراها ؛
البنت ( ١ ) : عندها حبيب
البنت ( ٢ ) : يمكن متزوجه
البنت ( ١ ) : لا مسكينه احسها صغيره ، خلنا نلحقها و نشوف
* * *
بحثوها البنات لين السياره ، كان حاط نادر النظارات فوق الحمدانية و ضحكته شاقه الويه ( الضحكه الي تذوب سلمى ) ، و يت علينه على البنتين و ضحك لهن لا و رفع يده يسلم ( يتحراهن ربيعات سلمى لان كانن يلحقنها و عيونهن عليها و هي تركب السياره ) ؛
البنت ( ٢ ) : الله يلع*ه محلاه
البنت ( ١ ) : حتى سلمى جمييييلهههه
البنت ( ٢ ) : لااااا ، عيل جي الموضوع ، والله العظيم حسيييت
البنت ( ١ ) : كنسل كنسل
* * *
مد يده نادر و فتح حق سلمى الباب لانه معلق ؛
سلمى : متى بتصلح بابك
نادر : الشهر الياي ان شاء الله
( قرب نادر من سلمى و باس خدها شافته سلمى و ابتسم بنظره استغراب )
نادر : شو ؟
سلمى : لا ، ماشي
نادر : البيت على طول ولا ؟
سلمى : هي والله عيزانه ابا انا
نادر : زين
سلمى : تعال ، شفتك مصور ستريك عند يديه شو ماشي دوام ؟
نادر : شيي ، رحت له عشان موضوع الخطيبه
سلمى ( مستانسه ) : صدق و شو صار ؟
نادر : وكل عاشه في كل شي
سلمى : و اخيراً
نادر : هييهه
سلمى : زين عقبها بأسبوع بنملج
نادر : و انتي ليش مستعيله
سلمى : لان تعبت من ممنوع و القيل و القال
نادر : زين و انا مابا اعرس الحين
سلمى : عادي العرس عقب ما اتخرج مافيها شي
نادر : يصير خير
* * *
ردت البيت سلمى و حطت راسها و نامت لها ساعتين و قامت على باقة كبيره فيها ألف حبة روز احمر و عليها بطاقة مكتوب فيها ( انا آسف و الي يرضيج تم ) .
* * *
شو توقعاتكم للبارت الياي ؟ سلمى تبالغ في تصرفها مع ابوها ؟ ولا شو رايكم في تصرفاتها مع نادر ؟ ؟ و ام مطر بتخطب حق مطر ولا ؟ انزين تحسون مطر ممكن يهون في اي وقت ؟ ؟ و الألف ورده من منو ؟ ؟ 🤔❤️🔥❤️🔥
