على الساعه 10:30 دخل ياسر البيت و معاه ولده سيف بيبات عنده ، كانت منال تنتظره في الصاله ؛
منال ( ام مايد ) : سيف حبيبي روح فوق
ياسر : روح فوق عند ماما ساره و انا شوي و بيي
( راح سيف فوق )
منال ( ام مايد ) : الحمدالله على سلامة ساره
ياسر : ساره ؟ مافيها شي
منال ( ام مايد ) : موصيه على دوا من الصيدليه
ياسر : كنت في المستشفى اليوم و ما وصوها على اي دوا
منال ( ام مايد ) : لا و موصيه الخدامه اتدس الكيسه و تركض فوق
ياسر : يعني شو بتاخذ ، ادري انج ما تدانينها بس لا تحاولين تشككيني فيها
منال ( ام مايد ) : ما احاول اشكك
ياسر : و رجعه لـ نجود لا تحلمين فيها و لا تحاولين
منال ( ام مايد ) : يعلك ما رجعت
* * *
دخل ياسر الغرفه و على طول دخل الحمام و خذ له شور على السريع و طلع لقى سيف راقد في حضن ساره ، فتح ياسر الدرج الي عداله و حط ساعته فيه و سكره انسدح يتأمل سيف و ساره ؛
ساره : في شي في درجك
ياسر : شو ؟
ساره : ما انتبهت له ؟
رجع فتح الدرج : مافي شي
ساره : ابداً ؟
طلع فحص الحمل : هذا شو ؟
ساره : ما تعرف ؟
ياسر : لا
ساره : نجود ما قد روتك هذا
ياسر : لا هذي زين لو كنت اشوفها اصلاً تضوي بعدي و انا الصبح اقوم قبلها و طول اليوم هايته
ساره : زين ابحث هذا شو
فتح تلفونه و دخل قوقل صوره : فحص حمل
ساره : هيه
ياسر : و خطين يعني حامل
ساره : هيه حامل
* * *
ما عرف ياسر كيف يعبر عن فرحته كل الي سواه انه ضمها و باس خدها ، و بعد سوالف و ضحك و مخططات حق المستقبل حط راسه و رقد لان باجر وراه رحله مع سيف ، قاموا الساعه 10 و دخلة ساره و العامله يسبحون سيف ( سبوح يوم الجمعه ) ؛
سيف : I Jody today I will go with my dad
Jody : where ?
سيف : far away with the falcons
Jody : take me with you
سيف : no we will go far away only me and dad
Jody : aha
سيف : I want to smell good
Jody : your smell is always good
ساره : يلا يا جودي
سيف : daddy is waiting
* * *
مر فارس بيت زايد و شل معاه حمد و سيف و شمسه و راحوا لـ كوفي قريب من البيت يتريقون ، و صلوا و كل واحد طلب الي في خاطره ، طلب فارس كوفي و طلب منهم اييبونه الحين ، و صل الكوفي و عقدت عليه شمسه تشرب منه و كان عاجبها لانه بارد ، فتح فارس تلفونه و صور حق سلمى في السناب يغايضها ، و فتح على الخريطه بالغلط شاف مريم في نفس الكوفي الي هو فيه ، التفت يدورها على وصف سلمى لها ، و فعلاً لقى وحده بنفس الوصف الي سلمى وصفته و مافي غيرها قاعده مع واحد و طايحه ضحك و سوالف ، حاول انه ما يسيء الضن و قال اكيد قاعده مع اخوها ، عطاها ظهره و انشغل مع شمسه و الشباب ( سيف و حمد ) ، عشر دقايق بس ما كان فارس لاهي هلى تلفونه سحبت وحده الكرسي و يلست معاهم على نفس الطاوله ، رفع راسه فارس شوي شوي و ارتاح يوم شاف انها سلمى ؛
سلمى : بعض ناس هني
فارس : منو ؟
سلمى : مريم منو غيرها
فارس : هيييه
سلمى : اصلاً ما ادري كيف ما قد شفتها
فارس : يعني بكذب عليج
سلمى : ما قلت تكذب بس قصدي انه مستحيل ما تتصور لك اذا هي تتصور حق اللسته كلها
فارس : سلمى بس
سلمى : شوفها قاعده مع واحد
فارس : يمكن اخوها ولا ولد عمها خالها شو يخصنا ؟
سلمى : هب اخوها و بعدين بخصوص تطلع مع ولد عمها ولا خالها
فارس : حلال عليج و حرام عليها ؟
سلمى : ليش ان شاء الله شايفني طالعه مع منو ؟
فارس : و نادر ؟
سلمى : خطيبي
فارس : قبل لا يخطبج
* * *
كان فارس طول الوقت منفس و هب عاجبه الوضع ، بعد ما تريقوا و شبعوا دفع فارس الحساب و ردهم البيت ، ركبوا السياره و شبكت سلمى تلفونها على السياره و حطت عنيه تتصور عليها ، في نص التصوير بند فارس الاغاني ؛
فارس ( بعصبيه ) : مابا ازعاج
سلمى : شو فيك خلنا نستانس
فارس : مابا اسمع صوتج
سلمى : زين
* * *
نزل سيف و تريق مع هل البيت في غرفة الطعام ، كانوا الكل قاعدين يتريقون فوق طاولة الطعام إلا ساره مش موجوده ؛
منال ( ام مايد ) : ساره وين ؟
ياسر : بتنزل
( كتب ياسر لـ ساره انزل و تتريق معاهم ، خمس دقايق و نزلت )
سيف : يلا بابا
ياسر : لا بنصلي الجمعه و بنتعدل في الميلس عقب بنحرك
سيف : اوك انا خلصت ريوق و بروح ميلس الرياييل
ياسر : اوك ، انا بتسبح و بييك هناك
* * *
نزلوا سيف و حمد إلا سلمى كانت قاعده تشوف فارس و شمسه كانت فوقه تلعب في الطربوشه ؛
فارس : شو هب نازله ؟
سلمى : شو فيك عليه ؟
فارس : بس تراج لوعه قسم بالله
( نزلت سلمى و شلت شمسه )
سلمى : شو هب نازل ؟
فارس : لا رايح الحلبه
سلمى : زين روحه بلا رده
فارس : اميييين ، صدقيني برتاح و بفتك
سلمى : لا والله انا الي برتاح
* * *
راحت ساره فوق مع ياسر ، دخل ياسر الحمام يتسبح اما ساره يلست تتعدل ( عدالة يوم الجمعه ) ، طلع ياسر و بخرت له ساره كندورته و بخرته و عطرته ، وقف ياسر عند المنظره الطويله الي في صالة القسم يتغتر ؛
ياسر : ساره
ساره : يا عيون ساره
ياسر : شو هالرومنسيه من الصبح
ساره ( تضحك ) : المود اليوم حلو
ياسر : تعالي بنتصور عند المنظره دامنا كاشخين
* * *
وقفوا قدام المنظره يتصورون ، حط ياسر يده على بطنها و حطت ساره يدها فوق يده ؛
ساره : اذا بنت شو بتسميها ؟
ياسر : بسميها طيف اودانه
ساره : و اذا ولد ؟
ياسر : لا بسميها نوف و اذا ولد سيف
ساره : عندك سيف
ياسر : ما ادري ، عادي يصير لان امه غير
ساره : شو قصتك مع اسم سيف ؟
ياسر : احبه اذكر عندي ربيع يوم انا في الروضه اسمه سيف فيه مرض غريب ما اعرف شو اسمه و توفى
ساره : الله يرحمه
ياسر : والله ما اعرف اذا ولد شو يسميه بس لي هاك اليوم ان شاء الله بنلقى له اسم
ساره : انا بسير بيت خوالي
ياسر : هيه اشوا اقول بتنزلين العزا جي
ساره : لا عاد اتخيل
ياسر : زين تبيني اوصلج ؟
ساره : اوك بلبس عباتي و بيي
ياسر : انا بنزل اشغل السياره
* * *
نزل ياسر شغل السياره و شافه سيف لان الميلس زجاجي ، طلع من الميلس يركض و راح لأبوه ، فتح باب السياره و ركب قدام :
سيف : كنت بتروح و تخليني ؟
ياسر : لا ابويه بودي امك ساره بيت خوالها
سيف : انا وايد احب ماما ساره بس ماما نجود تقول ممنوع اقول ماما لازم اقول عمو ساره
ياسر : هب على كيفها امك
* * *
ركبت ساره السياره و حطت سيف فوقها ؛
ياسر : سيف يقول انت وايد يحبج
ساره و هي تبوسه : و انا وايد احبه ، احبه اكثر شي في الدنيا
وهي تمث الزوج الي علم على خده: بس شوي خيسناك
ياسر : و انا مالي بوسه
ساره : تباني اخيسك ؟
ياسر : ماشي مشكله
ساره : تعال قربك
( قرب ياسر و باست ساره خدع بقوه )
* * *
مر ياسر كوفي و نزل و نزل معاه سيف ، اطلبوا الي يبونه و استلموا طلبهم و ركبوا السياره ، وصلوا لـ بيت خال ساره نزلت ساره و وقفت عند دريشة ياسر ؛
ساره : شكلي حلو ؟
ياسر : اتجننين
ساره : صدق ؟
ياسر : هي والله ، سيف غمض عيونك
( باس ياسر ساره )
ساره : لو حد يشوفنا ؟
سيف و هو مسكر عيونه قوي و اسنانه طالعه : خلصتوا
ياسر : لا اصبر
( باسها مره ثانيه بس طول هالمره )
ياسر : خلاص الحين افتح عينك
سيف : حبيتها حبة سندريلا
ياسر : هيه يوم بتعرس حب حرمتك
سيف : عيب
* * *
على الغدا كان يالس راشد عدال سيف و ياسر ، و شاف ريل سيف مقشره و قاله له انه بييب له كريم يحطه على ريله ؛
سيف : لا هب لازم ما بتلقاني
راشد : ليش وين بتروح
سيف : انا و ابويه بنروح بعيد هناك عند الطيور
ياسر : حاشرنيه يبا يروح المدعى
راشد : هيهه ، قول عند الصقور
سيف : هيه عند ال falcon
* * *
على الساعه 4 ، دخلت حرمه و فزتهم كلهم اول ما قالت " ان لله و ان إليه لراجعون " عظم الله اجركم في ولدكم.
* * *
< < يتبع > >
شو توقعاتكم للبارت الياي ؟ ؟ عظم الله اجرهم في منو ؟ ؟ 🤔❤️🔥 كتبولي كلكم تحت في الكومنت عن توقعاتكم للبارت الياي اذا ما شفت حماسكم و توقعاتكم بتأخر عليكم 😴🫶🏻🫶🏻
