نزلت فطيم السياره و دخلت الميلس ، بصوتها الي يرن في الاذن ( السلام عليكم ) ، الكل رد عليها السلام و الي يسلم قام يسلم ؛
فطيم : عنبوو ما تسمعون ؟
فيصل : شو هاللون الي اييب العله
فطيم : ما لقيت غيرها
فيصل : حد يعق فلوسه ع
فطست ( مقاطعه ) : اجار اجار انا من وين لي فلوس ؟ والله لو عندي قيمتها ماشفتني عندكم
هزاع : ربي راحمج هذا و انتي ما عندج فلوس ما توصلين ارحامج
أحمد : او عندها نستنا اصلاً
مكتوم : mom's bag worth more than a million
فطيم : اص اص
أحمد : هي والله هيرمز
فطيم : عيل إلا انت تاخذها حق شيخوه ؟
أحمد : ايام البطره
* * *
بوجود فطيم انتعشت الجواء و صار الميلس فيه حياه و استانست ام خليفه على لمتهم ، فجأه دخلت مطر مضروب ضرب و كندورته كلها دم قام سالم مسكه بيشوف شو فيه رفع ايده ( لا تدقني ) ، و يلس قدام الطاوله الي عليها القهوه ؛
فطيم : شحالك مطر ؟
مطر : هلا هلا بـ فطيم والله صرت بخير يوم شفتج
فطيم : هيييه فيوزات ضاربه
مطر : لا والله بس صرت بخير يوم شفتج من زمان عنج زين ذكرتي ان عندج اهل
فطيم : انا ما ايي إلا حق يدتيه يعني كبيره في السن عيب ما اوصلها ولا الي يباني اييني
قامت ام خليفه تسوي حركات : ها حشى عليهما هب كبيره في السن
ياسر : يدتيه لو تسوين ضغط عشر مرات لج الي تبينه
ام خليفه : بتخلص بيت العين ؟
ياسر : هيه بخلصه لج
( نزلت و ماقدرت تسوي إلا مره و دخلوا عيالها )
خليفه ( بو هزاع ) : امي الله يهديج شو تسوين ؟
ام خليفه : يسور تحداني اذا سويت ضغط عشر مرات بيخلص بيت العين
سيف ( بو راشد ) : انا بخلصه بس لا تسوين بعمرج شي
ام خليفه : ويييه انا غاسله يديه منكم انتوا بس كلام بنسوي و بنسوي
سيف ( بو راشد ) : انا حشى عليه يوم اقول بسوي من ثاني يوم ابدا واخلص
ام خليفه : معليه بشوف
( انتهى سعيد ( بو مطر ) من مكالمته )
سعيد ( بو مطر ) : اميه هب تسمعين كلامهم هذيل يقصون عليج
ام خليفه : يعني يبا يذبحني ؟
مطر : صدقيني هذي الخطه
سعيد ( بو مطر ) : شو هالدمان ؟ متضارب ؟
مطر : لا حسبي الله عليها ساحب اها فلوس و عيال عمها امسكوني و خذوهم مني انزين يا بقره انا ساحبهن حقج
سعيد ( بو مطر ) : بقره لقت اها صور تقص عليه
ام خليفه : لقته يومين و بيصير شي
سعيد ( بو مطر ) : كم كنت ساحب ؟
مطر : خمسميه
فطيم : إلا خمسميه زين والله
سعيد ( بو مطر ) : خمسمية ألف
مطر : هيه
* * *
فجأه يدخل حمدان و عيونه شرار و الكل عرف ان الموضوع يخص الشركه ، لان محد مكروف في الشغل و محافظ على الشركه كثر حمدان ، سرعان ما استوعبوا ان مطر مسروق و اصلاً مطر من وين له ؟ اذا هو ما يشتغل و معاشه ايينه من نصيبه الي في الشركه ؛
حمدان : مطر و سلح ان شاء الله
سعيد ( بو مطر ) : ساحب من فلوس الشركه ؟
مطر ( بكل برود ) : مسرع انكشفت
* * *
قام سعيد ( بو مطر ) و مسك مطر من كتفه و طلعوا برا يتفاهمون ، قعد حمدان عدال نوره و حاولت نوره تهديه ؛
ام خليفه : حمدان الشغل وايد عليك
حمدان : محد يبا يمسكه معاي
ام خليفه و هي تشوف كل الي في الميلس : أحمد خليفه بيمسكها معاك
أحمد : انا هب فاهم في الشغل
عبيد ( بو ساره ) : أحمد شو عرفه في الشغل
ام خليفه : بيتعلم على ايد حمدان و بسلمه حصتيه من الشركه
حمدان : زين والله بيشل حمل ثقيل عنيه
ام خليفه : خلاص احمد من باجر تداوم في الشركه
أحمد : يا يدتيه
ام خليفه : مابا اسمع اي عذر
شيخه بصوت واطي ما يسمعه غير أحمد : تعلم ما فيها شي ام
أحمد : بلاقي ابوج كل يوم قبلي في الشركه
شيخه : اثبت له انك تغيرت
أحمد : يعني بتم مراقب
شيخه : عادي فتره و بتعدي
* * *
سولفت عليهم فطيم و ضحكتهم شوي و لعبتهم الالعاب الي كانت تلعبهم اياها يوم كانوا يلتمون كل يوم ، قامت فطيم و راحت يابت السجن و ورقه و انقسموا لمجموعات الي يسولفون و الي يلعبون سجن و الي يلعبون كيباشه ، مرن احلى ثلاث ساعات و محد حسبهن حتى تلفوناتهم ما مسكوهن ، بختصار رجعوا سنييين ورا ؛
شيخه : يدتيه شمسه ربت
ام خليفه : شو يابت ؟
شيخه : بنيه
ام خليفه : بس هب توها بدري
روضه : هيه توها في نص السابع
شيخه : اكيد مضطرين
ام خليفه : رويشد ودني صوبها
راشد : يلا
* * *
طلعت شمسه من غرفة العمليات و وصى زايد الدكتوره تمنع الزيارات عشان شمسه ترتاح و صاروا يرفضون الزيارات ، وصلت ام خليفه و ردوها ، دقت على زايد حرقة تلفونه من الدق و ما رد عليها من بعد اول رنه حطه صامت و فره ، بعد ما صحصحت شمسه رواها زايد صورتها ؛
شمسه : شو تبا تسميها ؟
زايد : يسميها شمسه
شمسه : بس انا شمسه
زايد : و من غلاتج في قلبي ودي اسميها عليج
شمسه : و تاخذ غلا سميتها
زايد : تخسي انتي علاج محد ياخذه
شمسه : صدق تبا تسميها شمسه ؟
زايد : هي والله من غلاج يسميها عليج
شمسه : زايد انت صادق ؟
زايد : هي والله صادق
* * *
لأخر لحظه كانت شمسه هب مصدقه زايد و على بالها يمزح لكن كان صادق و سجلها شمسه ، و بعد ما اعلنوا عن اسمها الكل كان مستغرب و يبون يعرفون سبب التسميه و كان يقول للكل ان من غلاة زوجته سمى بنته عليها ؛
سلمى : باباه هب حلو اسمها شمسه و امها شمسه
زايد : عادي حلو ، اهم شي انا عاجبني
سلمى : اتخيل انا شمسه بنت شمسه
زايد : لا تتخيلين ، المهم يلا بنروح ناخذ حق امج هديه
سلمى : اكثر شي متحمسه له
زايد : طبعاً تموتين تخسرين ابوج
* * *
دخل مايد البيت و كان الهدوء عام المكان ، استغرب و راح يشوف اذا في حد في غرفة الالعاب ، فتح الباب و كان الظلام داكن ما يقدر يشوف شي ، فتح فلاش تلفون و شغل الليت ؛
الكل : surprise
مايد : اليوم هب عيد ميلادي
محمد : اندري هذي مفاجأه ثانيه
مايد : شو
خلف : شوف الكيكه
* * *
<< يتبع >>
شو توقعاتكم للبارت الياي ؟ ؟ شو بيسوي مطر بالمصيبه الي سواها ؟ و عبيد ( بو ساره ) متى بيترك أحمد و شيخه في حالهم ؟ و شو مناسبة المفاجأه الي سوتها عاشه و العيال حق مايد ؟ ؟ 🤔❤️🔥❤️🔥
