الساعه تسع الصبح طلع زايد من غرفته و لقى سلمى قدام ويهه ؛
زايد : صباح الخير
سلمى : تراضيتوا ؟
زايد : يمكن
سلمى : اذا ما تراضيتوا شو تسوي داخل ؟
زايد : والله اغير جو
سلمى ( تغمز له ) : تغير جو عيل
* * *
نزل زايد و دخل المطبخ و و طلب من الخدامه تودي ريوق شمسه فوق في الغرفه ، و هو تريق مع لميا في غرفة الطعام ، طلعت سلمى من عند امها و نزلت تحت تركض ؛
زايد ( يصارخ / ينادي ) : سلمى ، سلاامي
سلمى و هي توايق عليهم ؛ لبيييييهههه ؟
زايد : على وين ان شاء الله ؟
سلمى : امممم
زايد : سيرات كثرة صوب عيال عمج
( صمت )
زايد : شو بينج و بين نادر ؟
سلمى : ماشي
زايد : ماشي ؟
سلمى : ماشي
زايد : قولي انج تحبينه شو فيها
سلمى : يعني عادي ؟
زايد : اذا انتي هب قاعده تسوين شي غلط عادي ، الحب هب حرام
سلمى : و اذا الي اسوي غلط
زايد : نقدر نساعدج توقفينه
سلمى : انزين اقدر اروح الحين ؟
زايد : هيه تقدرين
سلمى : بليز باباه اذا يا فارس و سأل عني قولي بس لا تقول له اني عند نادر
زايد : و ليش ما اقول له ؟
سلمى : لانه بيعصب
زايد : اوك
* * *
بعد صلاة العصر ، ركبت سلمى مع نادر و راحوا للاسطبل ، ، عرفت سلمى هزاع على مدرب العايله و و شافت يدها سيف ( بو راشد ) من بعيد و راحت له تركض ؛
سيف ( بو راشد ) : شوي شوي يا بنت
سلمى : ابويه نادر بعد يبا يصير فارس ي الاسطبل
