الساعه 9 الليل دخل راشد الغرفه و لقى روضه منسدحه على السرير عدال أمل ، دخل و حاول انه مايزعجهم دخل الحمام بدا ثيابه و طلع لقى روضه قايمه ؛
راشد : اسف
روضه : لا زين انج دخلت من الساعه خمس و انا راقده
راشد : شكلها ازعجج
روضه : هلكت و من التعب نمت ، تشلها عني ؟
راشد ( بتردد ) : اوك هاتيها
روضه : عندك شي ؟
راشد : لا ما عندي شي
* * *
بلسها راشد لبس ثقيل و شلها معاه ، و هو طالع شافته ام خليفه من عريشها و هو راكب الدراجه و شال امل ؛
ام خليفه : منى
منى ( ام راشد ) : هلا عمتيه ؟
ام خليفه : ما تشوفين ولدج شال بنته بالدراجه
منى ( ام راشد ) : شو اسوي به
ام خليفه : شو شو تسويبه و هو بعد موت يابها
منى ( ام راشد ) : يا عمتيه كم ارمسه يدخل من اذن و يطلع الكلام من الثانيه ، كلميه يمكن يسمع منج
* * *
دقت ام خليفه على راشد ، و لانه وصل عند الرياييل ما قدر يرد عليها دخل امل و شلوها ربعه من ايد لـ ايد ، وصالهم الف مره عليها عشان يطلع و يرد على اتصال يدته ؛
راشد : هلا يدتيه
ام خليفه : شال بنتك وين ؟ و مركبها الرازر ؟
راشد : هني في ميلس صقران ما رحت مكان
ام خليفه : زين ترا ما عندك غيرها ، امانه تراها
راشد : تراها بنتيه
ام خليفه : هيه و هب مستوعب انك بعد موت يبتها
راشد : مشغول مشغول
* * *
فجأة بدون اي تخطيط مسبق دخلوا حريم على عريش ام خليفه ، قالوا ان سمعوا صوتها و قالوا بيدخلون يسلمون ، رحبت فيهم ام خليفه و قربتهم على فنيال قهوه ، شوي و وحده من الامهات الكبار الي قاعده عدال ام خليفه فتحت فيديو ولدها مطرشنه لها في السناب ، فتحت و سمعت ام خليفه الولد يقول ( اميه شوفي البنت بخطبها حق حمود شو رايج فيها ،،،، انزين ضنج هاي بنت منو ؟ ) عادا الحرمه الفيديو اكثر من مره ابا تشبه لكن ما عرفتها ، و لفت التلفون على ام خليفه عشان تشوف البنت ؛
ام خليفه : هيي هاي امل بنت راشد ولد ولديه سيف
الحرمه : هيييهه مره ما عرفتها
ام خليفه : روضه مره نسخه منها
الحرمه : هب راصد و روضه الي صارلهم اكثر من عشر سنين ما يابوا عيال
ام خليفه : هيه ربي رزقهم و العام مربي
الحرمه : صبروا و ربي رزقهم ببنوته حلوه ما شاء الله
* * *
و طلع ام خليفه و ادق على راشد و تهزبه ماتبا حد يصور البنيه ، نزلت روضه و سلمت على الحريم و هزبتها ام خليفه لانها خلت راشد يشل امل ، و روضه مطنشه ام خليفه ما ابا تعكر مزاجها و كل ما قالت لها شي قالت ان شاء الله و سكتت ، هرن فارس طلعت له روضه و ركبت معاه في خاطرها تنزل مزيرعه تاكل شي :
فارس : اميه بسألج
روضه ( باستغراب ) : اسأل
فارس : اميه شيخه للحين ترضع
روضه : هيه ليش ؟
فارس : دقيقه كيف رضعتني ؟؟ و هي ما عندها حد قدي ؟
روضه : كان عندها ولد اسمه محمد و توفى
فارس : الله يرحمه ، انزين دامها ترضع خليها ترضع امولي عشان تكون اختيه
روضه : ما فكرت
فارس : و احس ان اميه شمسه بعد حامل مو تربي خليها ترضعها
روضه : ما شاء الله عليك شو دراك ؟
فارس : لان كل ما تحمل فيوزاتها تضرب
روضه : ما شاء الله شديد الملاحظه
فارس : والله تبا تزوجني
روضه : خلاص بنخطبها حق سعود
* * *
الساعه 9 الصبح طلعت سلمى تسوي لها ريوق في العريش و لقت يدها حمد قاعد و سوت له معاها و زياده ، دخل ياسر قعد عدالها و مد يده ياكل معاها ؛
سلمى : ما عزمتك
ياسر : عمج انا
سلمى : انزين و يعني
ياسر : احترميني ، اصلاً المفروض تقومين و تخليني اقعد
سلمى : احلف بس
( دخل نادر )
حمد ( بو مايد ) : سلمى صبي حق نادر كرك
سلمى : مابا
( عطاها نادر نظره )
حمد ( بو مايد ) زعلانه شو ؟
سلمى : لا
ياسر : الللههه بعد تحبين يا سلامي
سلمى : الله يسامحك يا يدي
ياسر : و نادر بعد ، لا والله لايقين على بعض
حمد ( بو مايد ) : ترا ما ارضى على زعلها
نادر : والله ما زعلتها
سلمى : إلا مزعلني
نادر : تباني اخطبها انزين انا من وين لي ؟ ع الاقل تصبر سنه ايمع فلوس
ياسر : لا صح توك متوظف شو تخطب ، و انتي باجر ابا و ابا خليه يبني نفسه
سلمى : ما اقتنعت
ياسر : تتحرا الخطبه هينه
حمد ( بو مايد ) : انزين انت يا نادر تباها ؟
نادر : هي نعم اياها
حمد ( بو مايد ) : و انتي يا سلمى ؟
سلمى : اعرف جوابي
حمد ( بو مايد ) : زين عيل اعتبروا عماركم حق بعض و خلاص عن الزعل
ياسر : الله عيشوا عيشوا حياتكم ، ويييي عاد انتي بنت المعقد
حمد ( بو مايد ) : لا والله الي ما طلعتوا شرات زايد
ياسر : شو فينا بعد ؟
حمد ( بو مايد ) : الفساد كله
( دخل زايد )
حمد ( بو مايد ) : زايد
زايد : هلا ابويه ؟
حمد ( بو مايد ) : انا حمد بن سالم و هذا حفيدي نادر
زايد : و نعم والله
حمد ( بو مايد ) : الحين انا بحسبة و اي امره و يخطب له بنتك سلمى
زايد : صدق تتكلمون ؟
حمد ( بو مايد ) : لا عيل تمثيليه ، اتكلم صدق
زايد : والله من يوم ما عرفت نادر ما شفت شي غلط منه و بالعكس اتشرف فيه و خير من اعطيه بنتيه
حمد ( بو مايد ) : دام الولد يباها و البنت تباه خلاص هم حق بعض
ياسر : مبروك مقدماً ، اسرع خطبه صارت في حياتي
زايد : الله يتمم لكم على خير
حمد ( بو مايد ) : الحين هذا الكلام بينا يعني بيت الاهل بس لا يطلع و العالم تدري. ما سويتوا حفلة خطوبه ولا ما سويتوا و ماسويتوا ، خلو البنت تكبر شوي و كل شي عليه مره من الالف للياء
نادر : ما تقصر ، رضيتي
سلمى ( بابتسامة و مستحى ) : خلاااصص
***
<< يتبع >>
شو توقعاتكم للبارتات اليايه ؟ 🤔❤️🔥❤️🔥
