အခန်း ၁၆ သူပုန်များကို ဝိုင်းရံခြင်းနှင့် နှိမ်နင်းခြင်း (အပိုင်း ၁)
"အဲ့ဒါ သူ(မ)လား?!"
မိုးသစ်တောထဲမှာ ထူးထူးခြားခြား ပေါ်လာတဲ့ လျှို့ဝှက်ဆန်းကြယ်တဲ့ အမျိုးသမီးလား?
သူမလည်း ရေစီးထဲမှာ မြောနေတယ်ဆိုတော့ သူမလည်း သူပုန်လို့ ပြောလို့ရနိုင်သည်။ ဒါမှမဟုတ် သူမက ဟန်ရှုပြောသလို သူပုန်ခေါင်းဆောင်လို့ ပြောရမလား? ကုယွင်၏ မျက်လုံးများက ထိုအမျိုးသမီးထံတွင်သာ ကျောက်ချနေပြီး သူမကလည်း သူမထံသို့ စူးစိုက်ရောက်ရှိနေသော အကြည့်များကို ခံစားမိနေပုံရသည်။ သူမက ကုယွင်ရှိရာနေရာဆီသို့ လှမ်းကြည့်လိုက်ပြီး နက်မှောင်သောအကြည့်နှင့် စူးရှသောအကြည့်တို့က လေထဲတွင် တွေ့ဆုံသွားသည်။
ထိုအမျိုးသမီး၏ လှပသောမျက်နှာက အေးစက်ခြင်းများဖြင့် ပြည့်နှက်နေသည်။ ထိတ်လန့်နေသည့် အရိပ်အယောင်များကို ပြသနေမည့်အစား တည်ငြိမ်ပြီး လေးနက်သော ရောင်ဝါကို ပေါ်လွင်စေသည်။ သူမက လှိုင်းလုံးများထဲတွင် သွက်သွက်လက်လက် သပ်သပ်ရပ်ရပ် ရွေ့လျားနေပြီး ပတ်ဝန်းကျင်မှ အရာအားလုံးက သူမ၏ ထိန်းချုပ်မှုအောက်တွင် ရှိနေပုံရသည်။ ထိုကဲ့သို့ ထူးခြားသော မိန်းမတစ်ယောက်အနေဖြင့် ကုယွင်က သူမက ရိုးရှင်းတဲသူ မဟုတ်ကြောင်း သူမ စိတ်ထဲကနေ ဆုံးဖြတ်လိုက်သည်။ ထို့ကြောင့် သူမကို ဒီလိုမျိုး လွတ်မြောက်ခွင့် မပေးနိုင်ဘူးလို့ ဆုံးဖြတ်လိုက်သည်။
သူမ ခေါင်းငုံ့ပြီး လက်ရှိ ရေအခြေအနေကို ကြည့်လိုက်ရာ မြစ်ရေက နည်းသွားပြီး ရေက နှစ်မီတာအောက်သာ နက်တော့တယ်။ ရေအရှိန်ကလည်း တဖြည်းဖြည်း နှေးကွေးလာသည်။
ငါ့ရဲ့ရေကူးကျွမ်းကျင်မှုက တော်တော်လေး ကောင်းမွန်တယ်၊ ပြီးတော့ တော်တော်လေး ရေကူးနိုင်တယ်လို့ ပြောလို့ရတယ်။ ရေစီးကြောင်းထဲ မိန်းမရဲ့ အရှိန်ကို ကြည့်ရတာ ငါ အဲ့မိန်းမကို တားနိုင်လောက်တယ်။
ကုယွင်က သူမ စိတ်ထဲတွင် အကဲဖြတ်ပြီးနောက် သူမအတွက် ဖြစ်နိုင်ချေရှိသည်ဟု ခံစားမိသည်။ သူမက ပင်းလျန့်ကို ခါးတွင် ဆွဲကာ ရေထဲသို့ ခုန်ချရန် အဆင်သင့်ဖြစ်နေပြီဖြစ်သည်။ သူမ၏ခြေထောက်များ ကမ်းပေါ်မှ မခွာနိုင်မီတွင် သူမ၏ပခုံးများကို ကျယ်ပြန့်ပြီး အားကြီးသောလက်ဖဝါးကြီးက ဖိလာပြီး စုလင်း၏ အသံက ကြားလိုက်ရသည်။ "မင်း ဘာလုပ်မလို့လဲ?"
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
