12;ထိန်ချန်ထားခြင်း
"မေကြီး သမီးပြန်ရောက်ပြီ "
"သမီး ရေသောက်ဦး
တအား အေးတာမသောက်နဲ့နော်"
"ဟုတ်ကဲ့ပါ "
"ရေသောက်ပြီးရင် မီးဖိုခန်းထဲလာခဲ့ဦး"
"ဟုတ် မေကြီး လာပြီ"
သံစဥ် ကလေးတစ်ယောက်လ်ိုပဲ
မေမေခေါ်ရာပြေးသွားမိသည် ။
"၀ိုး "
စားပွဲပေါ်က မုန့်ဟင်းခါးဖတ်များကို
မြင်သည်နှင့် လက်ထဲက လွယ်အိတ်ကို ဘေးခုံမှာ ကပျာကယာ ချလိုက်ပြီး မြန်မြန်၀င်ထိုင်လိုက်သည် ။
"မုန့်ဟင်းခါးစားမှာမို့လား
မေကြီးဟင်းရည်နွှေးပေးမယ်"
"စားမှာပေါ့ ၀ိုး ဘူးသီးကြော်တွေရောပဲ"
ကပ်ကြေးနဲ့ ညှပ်ထားသောဘူးသီးကြော်
အတုံးတုံးလေးတွေ ထည့်ထားသည့်
ပန်းကန်ဆီကိုလက်အလှမ်း မေမေက လက်ကို ရိုက်ချသည် ။
"လက်အရင်ဆေးဦးလေ အခုမှ
အပြင်က ပြန်လာတာကို "
"မေကြီးကလည်း ဗိုက်ဆာနေပြီကို ... "
"လက်လေးဆေးတာကိုဘယ်လောက်ကြာမှာ
မို့လို့လဲ သွားဆေးချည် ။ ဟင်းရည်ကလည်း နွှေးနေတုန်းကို"
ဟွန့် ~
ဘေလ်စင်မှာတင်ထားသည့် ဆပ်ပြာကို ယူကာ လက်ကိုသေသေချာချာပွတ်တိုက်၍ ဆေးနေလိုက်သည် ။
မီးဖိုပေါ်က မုန့်ဟင်းခါးအိုးက
ပွက်လာသည်ထင့် အနံ့မွှေးမွှေးက
နှာခေါင်းဖျားထိ လာပြီးကလူကျီစားတော့ ဗိုက်ထဲက ပိုးမျိုးရှစ်ဆယ်က တဂွီဂွီမြည်၍ ဆန္ဒပြလာလေပြီ ။
"အား မရတော့ဘူး
ဗိုက်တွေအရမ်းဆာလာပြီ "
"အပူခံအပြားယူခဲ့ဦး
ဟင်းရည်အိုးတင်မလို့ "
"ဟုတ် "
လက်ဆေးပြီးတော့ ပန်းကန်စင်ပေါ်က အပူခံပြားကို လမ်းယူ၍ စားပွဲပေါ်ချလိုက်တော့ မေမေက ဟင်းရည်အိုးကို ယူလာသည် ။
YOU ARE READING
တိမ်လွှာဖြူ တိမ္လႊာျဖဴ
Romanceတိမ်လုံးလေးကိုမှ ထွေးပွေ့မြတ်နိုးချင်မိပါသတဲ့ ~ တိမ္လုံးေလးကိုမွ ေထြးေပြ႔ျမတ္နိုးခ်င္မိပါသတဲ့ ~ Fic cover - AL_LUKAR
