52;ကံကောင်းမှု
"ငါတို့တူတူရေစိမ်နေလို့ရတာပဲ
ဒီအိမ်က ရေချိုးဇလုံက
အကြီးကြီးလေ ။"ဖြူ့စကားအဆုံးမှာခွန်းတုံ့ပြန်ဖို့
စကားလုံးရှာမရတဲ့ သံစဉ်က ပါးစပ်
အဟောင်းသားနဲ့ ငြိမ်နေခဲ့သည်။
သူကဘာလုပ်ရှားမှုမှမရှိပဲ အသက်ပဲ ရှုနေပြီးတော့ စက္ကန့်အတော်ကြာကို
ဆွံ့အနေခဲ့တာ ။သူမ ကြားလိုက်တဲ့စကားကို ပြန်စဉ်းစားသည်။ခွဲခြမ်းစိတ်ဖြာသည်။
အခြားဆိုလိုရင်း တစ်ခုကိုမှ ဘယ်လိုရှာရှာမတွေ့။ ဖြူ့စကားမှာ
အဓိပ္ပါယ်တစ်ခုပဲရှိတယ် ။ အဲ့တာက
သူမတို့က ဒီအိမ်မှာရှိတဲ့ အခန်းသုံးခန်းထဲက တစ်ခန်းဖြစ်တဲ့ရေချိုးခန်း ထဲမှာ ။အဲ့ထဲမှာမှ ရေချိုးဇလုံထဲမှာ
အတူတူရှိနေကြမှာ ။မဟုတ်သေးဘူး။သူမတို့က တစ်အိမ်ထဲမှာ အခန်းတစ်ခုထဲမှာ နှစ်တွေ
အများကြီးအတူတူရှိဖူးတာနဲ့။ ရေချိုးခန်းထဲက ရေချိုးကန်ထဲမှာ
အတူတူရှိနေမဲ့ကိစ္စကမတူဘူးမလား။ ဥပမာအနေနဲ့ဆို သူမတို့
ခန္ဓာကိုယ်တွေက ဘာအ၀တ်မှရှိ
မနေမှာမျိုးပေါ့ ။"ငါရေဖောက်ချထားလိုက်မယ်
လိုက်လာခဲ့လိုက်။ "ဖြူ သူမဘေး လှဲနေရာက ထသွားပြီး အတန်ကြာတဲ့အထိ ထိုခပ်တိုးတိုးလေသံနဲ့အပြုံးတစ်ပွင့်နဲ့ကို
ခပ်နှေးနှေးမြင်နေတုန်းဖြစ်သည်။ခဏအကြာမှ သူမက ထထိုင်သည်။
တပြင်ခွေထိုင်ပြီး နံရံကိုငေးနေသည်။ လက်ချောင်းတွေက ပေါင်ပေါ်မှာလှုပ်ခါကစားနေသည်။ သူမက စိတ်လှုပ်ရှားနေပါသည်။မတ်တပ်ရပ်လိုက်သည်။ဘယ်လောက်မှ မကျယ်တဲ့ဧည့်ခန်းထဲမှာ ဟိုဟိုဒီဒီလမ်းလျှောက်သည်။
နှုတ်ခမ်းတွေကို ကိုက်သည်။နှာခေါင်းတွေ နဖူးတွေကို လက်ချောင်းတွေနဲ့လိုက်ပွတ်နေသည် ။ ထို့နောက်လက်သည်းကိုက်သည်။ ဟိုဒီလျှောက်နေတဲ့ သူမရဲ့ခြေလှမ်းတွေက ရပ်မသွားသလို နှလုံးသွေးတွေလည်း တဒိတ်ဒိတ်စောင့်တိုးနေသည်။ရေအိမ်နဲ့ခွဲလိုက်ပြီး ရေချိုးခန်း
ကျယ်ကျယ်တစ်ခုထည့်မယ်ဆိုပြီး
ဆုံးဖြတ်လိုက်ကြတုန်းက၊ ကိုယ့်လက် ကိုယ့်ခြေအကုန်စိတ်ကြိုက် လုပ်မယ်ဆိုပြီး လိုအပ်တာတွေ သွားကြည့်တဲ့အချိန်မှာ ပုံမှန်ဘဲဥပုံ ရေချိုးဇလုံအစား အတော်တန်
ကြီးသည့် ဝိုင်းစက်လုနီးပါး တစ်ခုကို နှစ်ဦးသဘောတူရွေးလိုက်တုန်းက ရေတူတူစိမ်ဖို့အတွေးတချို့နဲ့ မျှော်လင့်ချက်တချို့ ထုတ်မပြောလည်းရှိခဲ့ဖူးသည်နဲ့တူပါသည်။
YOU ARE READING
တိမ်လွှာဖြူ တိမ္လႊာျဖဴ
Romanceတိမ်လုံးလေးကိုမှ ထွေးပွေ့မြတ်နိုးချင်မိပါသတဲ့ ~ တိမ္လုံးေလးကိုမွ ေထြးေပြ႔ျမတ္နိုးခ်င္မိပါသတဲ့ ~ Fic cover - AL_LUKAR