27;နားလည်ခြင်း
လှလိုက်တာ....။မနက်အိပ်ယာနိုးချိန် မျက်လုံးနှစ်ဖက်ဖွင့်ဖွင့်ချင်းသူမကိုမြင်ရချိန် ရင်ဘတ်တစ်ခုလုံးလှိုက်ခနဲ့ နွေးထွေးသွားသည် ။
မျက်နှာချင်းဆိုင်ဖြစ်နေသော ချစ်ရသူမျက်နှာ၏ အစိတ်ပိုင်းတစ်ခုချင်းဆီကို မြတ်မြတ်နိုးနိုးလိုက်ကြည့်မိသလို နှာဖျားမှာဟိုဟိုဒီဒီ ဖြတ်ပြေးနေသော သူမ၏ကိုယ်သင်းနံ့တို့ကိုလည်း သိမ်းကျူံးရှုရှိုက်ပစ်လိုက်သည် ။
သံစဥ်က နိုးနေပေမဲ့အိပ်ရာမထသေးဘဲမျက်နှာချင်းဆိုင်ပြီး အိပ်နေသည့်
ကောင်မလေးကိုငေးရင်း အတန်ကြာပြုံးနေခဲ့လေသည် ။စိတ်ထဲကတော့ ကံကောင်းလိုက်တာဟူ၍ တွေးနေလေရဲ့ ။ချစ်ရသူကို စက္ကန့်မလပ်တွေ့ချင် မြင်ချင်ကြသည်မှာ ချစ်မိသူတိုင်းရဲ့ခံစားချက်ဖြစ်ပြီးတကယ်တမ်းဘေးနားမှာအမြဲရှိခွင့်ရသူက လက်ချိုးရေလို့ရသည်မဟုတ်လား ။
တချို့အချစ်များသည် လမ်းခွဲခြင်းဖြင့် အဆုံးသတ်သည် ။တချို့အချစ်များက ရိုးအီခြင်းဖြင့်။ တစ်ချို့အချစ်များမူကား မစခင်ကပင် ကိုယ်တိုင်ချိုးနှိမ်လိုက်ရသည် ။
မြင်နေခွင့် စောင့်ရှောက်ခွင့်တို့ အခုထိရထားတဲ့ သူမက တော်တော်ကံကောင်းတယ်လို့ပြောလို့ရတယ်မဟုတ်လား ။
နင်ပြောသလိုပဲ ငါလည်းနင်နဲ့ဘယ်တော့မှ ရေစက်မကုန်ချင်ဘူး ။
ကံကောင်းခြင်းတွေကို ဠီကာဖွင့်နေတုန်းပင်ဖြူက မျက်ခွံတွေလှုပ်လာကာ နိုးလာမည့်ဟန်ပေါ်သည်မို့ သံစဥ်မျက်၀န်းတွေကို ပြန်မှိတ်ချပစ်လ်ိုက်သည် ။
ခဏအကြာတော့ ခုနနိုးလာတုန်းက
ဖယ်လိုက်သည့်စောင်က သံစဥ်ကိုယ်ပေါ်ကို ပြန်ရောက်လာသည် ။ ဖြူ က သူမ မသိလိုက်ပဲ စောင်ကိုကန်ထားသည်ထင်၍ ပြန်ခြုံပေးတာဖြစ်မည် ။ထိုကိစ္စသည် ဖြူ နဲ့တူတူအိပ်သည့်နေ့မှစ၍ နေ့တိုင်းလိုလိုဖြစ်နေသော်လည်း သူမကတော့ပြုံးမိဆဲ ။
YOU ARE READING
တိမ်လွှာဖြူ တိမ္လႊာျဖဴ
Romanceတိမ်လုံးလေးကိုမှ ထွေးပွေ့မြတ်နိုးချင်မိပါသတဲ့ ~ တိမ္လုံးေလးကိုမွ ေထြးေပြ႔ျမတ္နိုးခ်င္မိပါသတဲ့ ~ Fic cover - AL_LUKAR