အခန်း (၂၀၈) : သိမ်မွေ့အမဲလိုက်သုံးဖော်
နောက်ကျောတွင် မြိန်းလက်နက် ချိတ်ဆွဲထားသည့် အနီရောင်ဝတ်ရုံနှင့် ခြေတံရှည်အမျိုးသမီးတစ်ဦးက ရှေ့ထွက်လာကာ မိုဝူကျီကို ခြုံငုံ ကြည့်လိုက်ပြီး ပြောလိုက်သည် "မိတ်ဆွေက ဘယ်ကို ဦးတည်နေတာလဲ .. "
သူမ ဝတ်ရုံမှာ သွေးများ ပေစွန်းနေပြီး လည်ပင်းတွင်လည်း သွေးရာများ ကျန်ရှိနေသည်။ အကြည့်နှင့်တင် သူမက ခရီးတစ်လျှောက် တိုက်ပွဲများစွာကို ဆင်နွဲလာရမှန်း သိ၏။
မိုဝူကျီက ပြန်ဖြေလိုက်သည် "ကျုပ်က ဝူရှုးစီရင်စုကို ဦးတည်နေတာပါ .. လမ်းကို သိလား ... "
အမျိုးသမီး အရှေ့အရပ်ကို ညွန်ပြလိုက်ပြီး "ဒီအတိုင်း တည့်တည့်သာ သွား ... ချန်းတိုင်းပြည်နယ်ကို ရောက်သွားလိမ့်မယ်။ ချန်းတိုင်း ပြည့်နယ်ကနေ သွားချင်တဲ့ မြေပုံကို ရှာဝယ်လို့ ရတယ်။ ပြီးတော့ သားရဲပျံလဲ ဌားလို့ ရတယ် ... "
"အဲဆို အခုက ကျုပ်တို့ ဘယ်နေရာရောက်နေတာလဲ .." မိုဝူကျီက နောက်တစ်ခု ထပ်မေးလိုက်သည်။
အမျိုးသမီးက ရှေ့အရပ်ကို ထိုးပြလိုက်ကာ "ဟိုးဘက်မှာဆိုရင် ယွီကောင်းပြည်နယ်ပိုင်နက်ပဲ .. ဒါက ချန်းတိုင်းပြည်နယ်နဲ့ ယွီကောင်းပြည်နယ်ကြား အလယ်ခေါင် ငြီးငွေ့တောအုပ်လို့ ခေါ်တယ် .. "
အမျိုးသမီးက ပတ်ဝန်းကျင်အနေအထားကို ရှင်းရှင်းလင်းလင်း သိသည့်ပုံပေါ်ကာ သူမက ကြေးစားအုပ်စုအဖွဲ့ဝင်တစ်ယောက် ဖြစ်ရမည်။ မိုဝူကျီက မေးခွန်း မမေးခင် နှလုံးခုန် တစ်ချက် မြန်သွားလေသည် "ဝူရှူးစီရင်စုကိုရော ကြားဖူးလားဗျ ... "
"ကျွန်မကိုယ်တိုင် ရောက်ဖူးပါတယ် ..." အမျိုးသမီးက ရိုးရိုးရှင်းရှင်း ဖြေလိုက်သည်။
"ကျုပ်ကြားတာတော့ ဝူရှုးစီရင်စုမှာ အနက်ရောင်ပျားမြီး လို့ခေါ်တဲ့ မြင်းစီးဓားပြအုပ်စု ရှိတယ်တဲ့ ... အဲဒီအကြောင်းရော ကြားဖူးလား ..." မိုဝူကျီက ထပ်မေးလိုက်သည်။ အနက်ရောင်ပျားမြီးသည် ကျင်းလန်ပေးတို့ တစ်မိသားစုလုံးကို သတ်သွားသော အုပ်စုဖြစ်သည်။ သူတို့သည် ဝူရှူးစီရင်စုတွင် စတည်းချထားကြသည်။
YOU ARE READING
လူသားသစ္စာ MM Translation (201 - 300 ) (Z + U)
FantasyThis is second translation book for Immortal Mortal webnovel. Original author - Goosefive