လူသားသစ္စာ MM Translation (201 - 300 ) (Z + U)

အခန်း (၂၂၀)

အခန်း (၂၂၀) : အင်အားဌားရမ်းခြင်း

ဤသို့သော အခြေအနေမျိုးတွင် လူများစွာကို စုစည်းနိုင်သည်က တာ့ရှီရှုန်း စွမ်းရည်သာ ဖြစ်၏။ ကျောက်တံခါးသည် အပြင်ဘက်မှ တိုက်ခိုက်မှုများကြောင့် ပြိုကျသွားမည့်ကိစ္စနှင့် ပတ်သတ်၍ အတွင်းဘက်မှ ကျင့်ကြံသူများ၏ တုံ့ပြန်မှုမှာလည်း မြန်ဆန်လှသည်။ မိုဝူကျီ စကားဆုံးသည်နှင့် အားလုံးက ကိုယ်ပိုင်မှော်ရတနာများ ဆွဲကိုင်ပြီး တံခါးကို တိုက်ခိုက်ကြတော့သည်။

ကျောက်ခန်းမက ဘာမျှ မဖြစ်လျှင်ပင် ကျောက်တံခါးမှာ အားလုံး၏ ပူးပေါင်းတိုက်ခိုက်မှုကို ခံနိုင်ရည်ရှိမည် မဟုတ်ပေ။ သို့သော် ကျောက်ခန်းမကား ကျောက်တံခါးနှင့်အတူ တုန်ခါလာလေသည်။ ထို့ကြောင့် ကျင့်ကြံသူအုပ်စု၏ ပူးပေါင်းတိုက်ခိုက်မှု တစ်ကွက်တည်းဖြင့် တံခါးတွင် အက်ကြောင်းပေါ်လာလေသည်။ အားလုံးက တံခါးကို ဖြတ်၍ အပြေးအလွှား ထွက်သွားကြတော့သည်။ ကံကောင်းလှစွာ ကျောက်လှေကားက ကျန်ရှိနေသေး၏။ တစ်ယောက်ချင်းစီ အပြေးအလွှားတက်သွားကြပြီး မြေကြီးထဲမှ ထွက်လာကြတော့သည်။

အပေါ်တွင် တိုက်ပွဲဖြစ်နေသည့် ကျင့်ကြံသူ နှစ်ယောက်က မြေကြီးထဲမှ လူနှစ်ဆယ်လောက် ရုတ်တရက် ထွက်ပေါ်လာမှုကြောင့် တိုက်ခိုက်မှုကို ရပ်လိုက်ကြသည်။ မိုဝူကျီ မြင်သည့် ပထမဆုံးပုဂ္ဂိုလ်မှာ ခိုးကိုးရာမဲ့ ဖြစ်နေသည့် ဖွားဖွားလင်းလောင် ဖြစ်လေသည်။ သူမခန္ဓာကိုယ်တွင် သွေးခြောက်များ ပေပွနေကာ အသက်ဝအောင်ရှုရှိုက်ရင်း ကျောက်တုံးကြီးကို မှီထားလေသည်။

သူမ ရန်သူမှာ အနက်ဝတ်အမျိုးသား ဖြစ်ကာ မောပန်းနေရင်း ဒဏ်ရာရထားသည်မှာ အတူတူ ဖြစ်လေသည်။ သူ့အခြေအနေမှာလည်း ဖွားဖွားလင်းလောင်ထက် မကောင်းနိုင်ချေ။

ဖွားဖွားလင်းလောင်က မိုဝူကျီကို တွေ့သည်နှင့် သူမက သက်ပြင်းချလိုက်တော့သည်။ သူမက အနီးအနားတွင် ကောင်းကင်ဖွေရှာနန်းတော်မှ တစ်ယောက်ယောက်ရှိနေမှန်း သိ၍ သူမက ဝမ်းသာသွားလေသည်။ သူမအတွက် ရန်သူလက်ထဲမှ လွတ်မြောက်ဖို့ဆိုသည်မှာ မဖြစ်နိုင်ချေ။ ထို့အပြင် ပင်လယ်က လေးဘက်လေးတန် ဝန်းရံထားသေး၍ သူမအတွက် တည်နေရာကိုပင် သေချာမပြောပြနိုင်ပေ။ ဤနေရာတွင် တိုက်ခိုက်ရန် ရပ်လိုက်ခြင်းက အလွန်အန္တရာယ်များလှသည်။ သူတို့တိုက်ခိုက်သည်နှင့် သူမက လွတ်မြောက်ဖို့ရန် အခွင့်အရေး ရတော့မည် မဟုတ်ပေ။