Impius Academy 2: The Truism (Completed)

Chapter ♥ 38

Blaire POV

Namamalengke ako ngayon para maghanda sa pang agahan. Ilang araw narin ang lumipas mula nong tinangay ako ni Four paalis ng akademya. Simula non ay naging tahimik ang aming buhay at masaya kami sa isa't isa. Lumapit ako sa tindahan ng mga prutas at iniisa isa ko itong tiningnan. Pumili ako ng mansanas, mangga, dalandan at iba pa. Agad ko naman itong binayaran at nilagay ko lahat iyun sa dala kong supot. Di nakasama si Four sa pamamalengke na ito dahil abala siya ngayon sa pagsibak ng kahoy.

Habang abala ako sa pagtingin ng mga paninda, may narinig akong kaguluhan at nagmula iyun sa dinadaan ko kanina. Hindi ko lang iyun pinansin dahil ayaw kong madisturbo sa aking ginagawa.

"Tabi!"

"Habulin niyo!"

"Wag niyong hayaan makalayo!"

"Tumabi kayo!"

Parang bumagal ang takbo ng mundo nang may humablot sa aking braso kasabay ng pagbitaw ko sa aking mga nabili at lahat iyun nagsibagsakan nalang sa lupa. Natangay ako sa taong humatak sa akin patakbo at gusto ko na sana itong sipain dahil sa inis ngunit hindi iyun natuloy. Kitang kita ko sa kanyang mukha ang pagkabahala kaya nangunot nalang ang noo ko.

"Four bakit tayo tumatakbo?" takang tanong ko sa kanya habang wala parin kaming tigil sa pagtakbo.

"Just keep running" saad niya at lumingon sa likod ngunit agad ding ibinalik ang tingin sa unahan. Lumingon ako sa likod at napaawang ang aking bibig dahil sa dami ng mga kawal na humahabol sa amin. Nasa treinta silang lahat. Bakit nila kami hinahabol? Mas binilisan ko ang pagtakbo at ganun din si Four.

"Four magteleport nalang tayo" hinihingal kong suhestiyon at nilingon naman niya ako. Tumango siya bago nagteleport kasama ako.

Para naman kaming itinulak habang nakayuko pagkatapos ng teleportation. Nangunot ang noo ka dahil may mga pare-parehong bota ang nakikita ko. Dahan-dahan akong nagtaas ng tingin at napalunok ako dahil sa mga kasuutan nito. Nanlaki ang aking mga mata dahil ang nasa harapan namin ay ang treinta ka kawal. Agad akong napalingon kay Four.

"Four ano_" naputol ang sasabihin ko nang agad nagteleport si Four dala ako. Tumambad naman amin ang maraming paninda. Agad kaming napalingon sa likod at nakita namin sa unahan ang mga kawal.

"Run!" agarang usal niya at nagsimula na naman kaming tumakbo. Bakit kasi ganun ang nangyari sa pagteleport namin, dahil ba hindi lubos pamilyar ni Four ang lugar nato? Imposible. Pero ang laking katanungan ko ay kung bakit kami hinahabol ng mga kawal?

Mahaba haba narin ang aming natatakbuhan kaya nakaramdam narin ako ng pagod.

"Four bakit nila tayo hinahabol?" pagod kong tanong sa kanya. Nilingon naman niya ako habang nakahawak parin ang kamay niya sa pulsuhan ko at walang tigil sa pagtakbo.

"Threes I'll tell you later but now, we must find a place where we can hide" determinado niyang saad kaya tumango nalang ako.

Pumasok kami sa kagubatan at malayo layo narin kami sa nayon. Takbo lang kami ng takbo habang nakalikot ang mga mata sa paligid. Tanging mga huni ng mga ibon lang ang nagbibigay ingay sa gubat na ito. Alam kong nakasunod parin ang mga kawal sa amin ngunit may kalayuan sila. Ilang ulit narin kaming lumiko at may nadadaanan nadin kaming sapa. Pagod na ang mga tuhod ko, na parang gusto ng bumigay.

"Four pagod na ako" nahihirapan kong sabi. Tumigil siya sa pagtakbo kaya napatigil narin ako. Agad akong napahawak sa tuhod dahil sa pagod.

Binalingan ko siya ng tingin na ngayon ay naglibot siya ng tingin sa paligid. Napadako naman ang tingin niya sa isang malaking puno na may malalaking gamot. Hinatak niya ako papunta doon kaya napabuga nalang ako ng mabibigat na hininga. Huminto kami sa tapat ng puno at nakita kong may maliit na yungib ito sa ilalim ngunit madilim.