လျှို့ဝှက်ဆန်းပြားလောက〘Uni+Zaw〙

သည်းထိတ်ရင်ဖိုအထက်တန်း‌ေကျာင်း (၁)

Unicode

"ဟေး၊ ကြည့်! အဲ့ရုပ်ဆိုးမွန်းစတားက အရမ်းညစ်ပတ်တာပဲ!"

"ကျစ်၊ ကျစ်၊ ဘယ်လိုမျက်နှာနဲ့များ ကျောင်းကို လာနေသေးလဲမသိဘူး? သူ့နေရာမှာ ငါသာဆိုရင် အိမ်မှာပဲ ပုန်းနေမိလိမ့်မယ်!"

"အိမ်မှာပုန်းနေမယ်? သူ့ပြည့်တန်ဆာ အမေနဲ့လား?"
ကျယ်လောင်သည့် ရယ်မောသံတွေက ထွက်ပေါ်လာခဲ့သည်။

ကောင်လေးတွင် အနက်ရောင်ဘောင် မျက်မှန်နဲ့ ထူထဲသည့် ဆံပင်တွေက ကျဆင်းနေသည်။ သူ့ဆံပင်တွင် ကပ်ရပ်ပြီး မာတောင့်နေသည့် ကြက်ဥလိုမျိုး တစ်ခုခုက ကပ်နေပြီး သူ့ခေါင်းက ငုံ့နေခဲ့သည်။ သူ့ကိုယ်တွင် ဝတ်ဆင်ထားသည့် ကျောင်းယူနီဖောင်းက ကပ်နေကာ ရှုပ်ပွနေသည်။ ထို့ကြောင့် သူ့ခန္ဓာကိုယ်က အဝတ်တွေအားလုံးက စိုရွှဲနေပြီး ညစ်ပတ်နေသည်။

သူ့ဘေးက လူတိုင်းက သူ့အား တစ်ချက်ကြည့်ကာ အဝေးကို အလျင်အမြန် လျှောက်သွားကြပြီး ကောင်လေးရဲ့ ခန္ဓာကိုယ်မှ ထူးဆန်းသည့် အနံ့အသက်တွေကို မရစေဖို့ အသက်အောင့်ထားကြသည်။ သူတို့ရဲ့ နာကျင်ဖွယ်ကောင်းသည့် စကားလုံးတွေအား ကောင်လေးကို မကြားစေဖို့ ထိန်းချုပ်ထားတာမျိုး မရှိပေ။ သူတို့က မုန်းတီးမှုတွေနဲ့ ပြည့်နေပြီး သူ့အား ထိုနေရာတွင်သာ သေဆုံးစေဖို့ ရည်ရွယ်နေတာကို သူမြင်နိုင်သည်။

ဒီအသက်တွင် ကလေးတွေက အပြစ်အကင်းစင်ဆုံး ဖြစ်ပေမဲ့ ဒီလိုလူတွေရဲ့ စကားလုံးတွေက ဘာကြောင့်များ အရမ်းပြင်းထန်နေရတာလဲ?

ရှုရှန်း ရဲ့အကြည့်က အမြဲတမ်း အောက်စိုက်ထားပြီး သူ့ရှေ့ဆံပင်က သူ့မျက်လုံးကို ကာနေခဲ့သည်။ ထို့ကြောင့် ဒီလူရဲ့မျက်လုံးတွေက လှပကာ ရေကန်ထဲက ရေလိုမျိုး မီးခိုးရောင်ဖြင့် ဆွဲဆောင်နိုင်သည့် သူငယ်အိမ်တွေ ရှိတာကို သူ့ဘေးကလူတွေက လုံးဝမခန့်မှန်းနိုင်ခဲ့ပေ။

ရှုရှန်း ကသူ့လက်အား တင်းကြပ်စွာဆုပ်လိုက်သည်။

သူတို့အကုန်လုံး သေသွားတာက အကောင်းဆုံးပဲ!

ရှောင်ချန်း ကပြတင်းပေါက်ကို ကြည့်လိုက်ပြီး အောက်ထပ်မှ ဆယ်ကျော်သက် ကောင်လေးကို သတိပြုမိချိန်တွင် သူ့လှပသည့် မျက်နှာက သိသိသာသာကို မျက်မှောင်ကြုတ်သွားသည်။