လျှို့ဝှက်ဆန်းပြားလောက〘Uni+Zaw〙

တစ္ဆေမျက်လုံး (၅)

Unicode

တစ္ဆေမျက်လုံး (၅)

ရှောင်ချန်း ကတစ္ဆေမရဲ့ ယင်စွမ်းအင်တွေဖြင့် အေးခဲနေသည့် လီ‌ချောင်းရီ ကိုကြည့်လိုက်သည်။ ယင်စွမ်းအင်တွေက တခြားသူရဲ့ခြေလက်တွေတွင် ရစ်ပတ်နေခဲ့သည်။

ရှောင်ချန်း ကမတ်တပ်ရပ်လိုက်ပြီး စားပွဲပေါ်က စာအုပ်ကို ကောက်ယူလိုက်ကာ အမူအရာမဲ့စွာဖြင့် နေရာမှ ထွက်သွားခဲ့သည်။

လီချောင်းရီ ကထူးဆန်းစွာ ပြောင်းလဲသွားသည့် ရာသီဥတုမှ အလျင်အမြန် ပုံမှန်ပြန်ဖြစ်သွားခဲ့သည်။ ထူးဆန်းသည့် ကောင်လေးက ထွက်သွားဖို့လုပ်နေတာကို မြင်လိုက်ပြီး ချက်ချင်း ထ,ရပ်လိုက်ကာ အနောက်မှ လိုက်လိုက်သည်။ အခုနောက်ပိုင်း သူ့တွင် ဆက်တိုက်ဖြစ်ပျက်နေသည့် ထူးဆန်းသည့် အရာတွေကို တွေးမိလိုက်ချိန်တွင် ရူးသွားတော့မလို ဖြစ်နေသည့် မာယန်ယု ကတခြားလူက တစ်ခုခုတော့ သိနေလောက်တယ်လို့ ခံစားမိလိုက်သည်။ စိုးထိတ်နေသည့် အမူအရာဖြင့် တစ်ဖက်လူရဲ့ ခြေလှမ်းအတိုင်း အမှီလိုက်လိုက်ကာ ပြောလိုက်သည်။ “မင်း တစ်ခုခု သိနေတယ်မလား? ငါ့ကို ပြောပြပေးနိုင်မလား?”

ရှောင်ချန်း ကရပ်လိုက်ပြီး ပြန်လှည့်လိုက်ကာ လီချောင်းရီ အားကြည့်လိုက်သည်။ တစ်ဖက်က ခြေလှမ်းနှစ်လှမ်းအကွာတွင် တင်းမာစွာ ရပ်နေခဲ့သည်။ ရှောင်ချန်း ရဲ့အမူအရာက မပြောင်းလဲပေ။ “မင်း သိချင်ရင် သူမက မင်းကို ပြောပြလိမ့်မယ်”

“သူမ” လီချောင်းရီ ကသံသယဖြစ်စွာြဖင့် မျက်လုံးကို ကျဉ်းမြောင်းလိုက်သည်။ တစ်ဖက်လူရဲ့ ပြောစကားကို နားမလည်တာကြောင့် မျက်မှောင်ကြုတ်လိုက်သည်။ “သူမက ဘယ်သူ့ကို ပြောတာလဲ?”

ရှောင်ချန်း ကပြုံးလိုက်ပြီး သူ့ဖီးနစ်မျက်လုံးတွေက သူ့ခန္ဓာကိုယ်အား ကျော်ကာ ဘာစကားမှမပြောပဲ ကြည့်လိုက်သည်။

လီချောင်းရီ ကနှုတ်ခမ်းကို စေ့ထားပြီး သူ့တစ်ကိုယ်လုံးက တောင့်တင်းသွားခဲ့သည်။ တစ်ဖက်လူရဲ့ မျက်လုံးက လူသားမဟုတ်ပဲ ပုံရိပ်ယောင်ကို မြင်လိုက်သလိုမျိုး အဖြူရောင်ရောင်ပြန်မှုက ရှိနေခဲ့သည်။