လျှို့ဝှက်ဆန်းပြားလောက〘Uni+Zaw〙

တစ္ဆေမျက်လုံး(၉)

Unicode

“ရှင်ဘာလို့ ကျွန်မကို ကူညီပေးချင်ရတာလဲ?” မျက်နှာပေါ်တွင် သွေးအလိမ်းလိမ်းနဲ့ အဖြူရောင်ကို ဝတ်ထားသည့် သရဲမှ သွေးတွေက ပိုများပြားလာခဲ့သည်။ သူမမျက်နှာတွင်သာမက တစ်ကိုယ်လုံးကလဲ ပြတ်ကျလုနီးပါး ဖြစ်နေကာ သူမခန္ဓာကိုယ်တွင် ဓားဒဏ်ရာတွေနဲ့ ဖုံးလွှမ်းနေပြီး သူမခန္ဓာကိုယ်မှ သွေးအနံ့က ပိုပြင်းထန်လာခဲ့သည်။

ဒါက လောဘကြီးသည့် တစ္ဆေတွေ လက်စားချေပြီးနောက် ဆက်ဖြစ်လာမည့် အကျိုးဆက်ပဲဖြစ်သည်။ သိပ်မကြာခင်မှာပဲ သူမခန္ဓာကိုယ်က သွေးအိုင်အဖြစ်သို့ ပြောင်းလဲသွားပြီးနောက် ကမ္ဘာကြီးကနေ ပျောက်ကွယ်သွားလိမ့်မည်။

သူမက ပထမဆုံး ခြေလှမ်းကို စလှမ်းလိုက်တည်းက ဖြစ်လာမည့် အကျိုးဆက်တွေကို သိထားခဲ့သည်။

ဂျင်းဟေးကျီ ကသူမကိုတောင် မကြည့်ပဲ ရှေ့တည့်တည့်သာ အာရုံစိုက်ထားပြီး ဂရုမစိုက်စွာဖြင့် ပြောလိုက်သည်။ “မင်းလုပ်ချင်တာသာ လုပ်လိုက်”

ဒါက သူမ မေးချင်တာ မမေးဖို့ ရည်ရွယ်နေတာဖြစ်သည်။

သရဲမက မငြင်းဆန်ရဲပဲ သူမရှေ့မှ ဂျင်းဟေးကျီ ဆီမှ အားကောင်းလှသည့် ဖိအားတွေကို ခံစားနေရပြီး နာခံစေသည့် အရှိန်အဝါတွေပါ ရနေခဲ့သည်။

နောက်စက္ကန့်တွင် ထိုလူက သူလာခဲ့သည့်အတိုင်း လေလို ပျောက်ကွယ်သွားပြီး သရဲမကို ချန်ထားရစ်ခဲ့သည်။

လုလု ကထိုနေရာတွင်သာ ရပ်နေခဲ့ပြီး သူမရှေ့မှ တစ်ကိုယ်လုံးပေါ် မှန်ကိုစိုက်ကြည့်နေကာ သူမမျက်ခုံးတွေနဲ့ မျက်လုံးတွေထဲတွင် မနှစ်မြို့မှုတွေက ဖုံးကွယ်မထားနိုင်ပေ။

သူမ တစ်ချိန်က ကျက်သရေရှိသည့် ခန္ဓာကိုယ်နဲ့ လှသည့်မျက်နှာထားကို ပိုင်ဆိုင်ခဲ့ဖူးသည့် မိန်းမငယ်လေး ဖြစ်သည်။

မမျှော်လင့်စွာပင် ထိုအရာပြီးနောက် သူမမျက်နှာက မနှစ်မြို့စရာမှ တဖြည်းဖြည်းနဲ့ မြင်နိုင်သည့်နှုန်းဖြင့် သာမန်အသွင်အပြင် ဖြစ်လာပြီး ကြမ်းပြင်ထိ လျော့ကျလုနီးပါး ဖြစ်နေခဲ့သည့် အရည်ပြားကလဲ သာမန်လူလို ပြန်ဖြစ်လာခဲ့သည်။