Unicode
ထိုပြောစကားကို ကြားလိုက်ပြီး ရှောင်ချန်း ငိုချင်သွားခဲ့သည်။ လူတစ်ယောက်ရဲ့ မျက်နှာက သူ့စိတ်ထဲ တိုက်ရိုက်ပေါ်လာခဲ့သည်။
အနက်ရှိုင်းဆုံး သူ့နှလုံးသားထဲတွင် အေးစက်သွားခဲ့ပြီး တစ်ချက်ခုန်လှုပ်သွားခဲ့သည်။
သူမျက်နှာသစ်နေစဉ် တွေ့လိုက်ရသည့် ကျောင်းသားတွေ မဖြစ်နိုင်ပေ။
ရှောင်ချန်း ရဲ့စိတ်ထဲတွင် အော်ဟစ်နေရုံနဲ့ ဒါက သူမဖြစ်နိုင်ဘူးလို့ သူ့ဘာသာ ပြောနေခဲ့ပြီး ကျောင်းသား တစ်ယောက်က သူတို့ကြားတွင် စကားထ,ပြောလိုက်သည်။
“ငါ့မှာ အဲ့ကျောင်းသားပုံရှိတယ်၊ ကြည့်ချင်လား?!”
ရှောင်ချန်း ရဲ့မျက်လုံးတွေက လှုပ်ရှားသွားပြီး သူ့နှလုံးခုန်နှုန်းက ချက်ချင်းပင် မြန်လာခဲ့သည်။
ရှောင်ချန်း နဲ့စကားပြောနေသည့် ထိုကျောင်းသားက ခေါင်းညိတ်ကာ ပြောလိုက်သည်။ “လာ၊ လာ၊ လာ၊ ငါ ကြည့်ချင်တယ်”
ရှောင်ချန်း ကတွန့်ဆုတ်နေပြီးနောက် သူ့ခေါင်းကို ဆန့်လိုက်သည်။ စခရင်ပေါ်မှ မျက်နှာကို ရှင်းရှင်းလင်းလင်း မြင်လိုက်ချိန်တွင် လေ့ကျင့်ခန်း လုပ်ထားမှုကြောင့် နွေးနေသည့် သူ့လက်နဲ့ ခြေထောက်တွေက ချက်ချင်း အေးစက်လာခဲ့သည်။
ဟုတ်တယ်၊ သူပဲ။
ရှောင်ချန်း ရဲ့ရှုပ်ထွေးမှုက လုံးဝကို ဗလာဖြစ်သွားခဲ့သည်။
ဓားတစ်ချောင်းက သူ့ရင်ဘတ်ထဲ စိုက်ဝင်သွားသလိုမျိုး သူ့ခံစားချက် တစ်ခုလုံးက နစ်မြှုတ်သွားခဲ့သည်။
သူက လုံးဝတုန်လှုပ်နေပြီး သူ့အကြားအာရုံတောင် ပျောက်ဆံဒးသွားကာ သူ့နားအတွင်း တဝီဝီအသံကိုသာ ကြားနေရသည်။ သူ့ဘေးက လူက ဘာပြောနေလဲဆိုတာ သူ မကြားတော့ပေ။
သူ့မျက်လုံးထဲက ကြောက်ရွံ့မှုတွေက ဖုံးကွယ်မရပေ။
ဘယ်လိုဖြစ်နိုင်မှာလဲ? ဘာကြောင့် ဒီလိုဖြစ်ရတာလဲ?
နှစ်ရက်ကို တစ်ကြိမ်!
သေခြင်းကနေ သူ နှစ်ကြိမ်တောင် လွတ်သွားခဲ့တယ်!!
YOU ARE READING
လျှို့ဝှက်ဆန်းပြားလောက〘Uni+Zaw〙
Horror[တစ်ကမ္ဘာလုံးက မင်းကို အနိုင်ကျင့်ကြတယ်၊ မုန်းတီးကြတယ်၊ နောက်ပြီး မင်းကို ခွဲခြားဆက်ဆံကြတယ်၊ ဒါပေမဲ့ မင်းရဲ့ကမ္ဘာကြီးက သူ့ကြောင့်ပဲ တောက်ပလာခဲ့တယ်။ ငါ ဒီကမ္ဘာကြီးကို မုန်းတီးတယ်! ဒါပေမဲ့ ငါ မင်းကို ချစ်တယ်!] ရှောင်ချန်း ကသာမာန်လူ တစ်ယောက်ဖြစ်ပေမဲ့ သ...