လျှို့ဝှက်ဆန်းပြားလောက〘Uni+Zaw〙

အန္တရာယ်ကြားမှ ထွက်ပြေးခြင်း (၉)

Unicode

ညဉ့်ဦးပိုင်းတွင်

တိတ်ဆိတ်နေခဲ့သည်။ ပြတင်းပေါက် အပြင်ဘက်မှ လရောင်က အခန်းထဲကို ဝင်ရောက်နေတာကြောင့် အလင်းရောင် ဖျော့တော့စွာ ထွက်ပေါ်နေပြီး ပတ်ဝန်းကျင်အား အနည်းငယ် ဝိုးတိုးဝါးတား မြင်နိုင်နေသည်။

ဆေးရုံတွင်

ဒါ့ထက် ပိုတိတ်ဆိတ်နေပြီး နောက်တစ်စက္ကန့်အတွင်း လူသေအလောင်းတစ်ခုက တစ်စုံတစ်ယောက်ရဲ့ ဘဝကို ယူဆောင်ဖို့အတွက် ရင်ခွဲရုံထဲမှ ထွက်လာခဲ့သည်။

အရိပ်က သူ့ဘာသာ ရှောင်ချန်း ရဲ့ခန္ဓာကိုယ်ဆီ တဖြည်းဖြည်း တိုးကပ်လာပြီး ရှေ့တိုးလာခဲ့သည်။ သူ့ခန္ဓာကိုယ်မှ ယင်စွမ်းအင်တွေက အတော်လေးကို များပြားနေသည်။ သူက ဂရုတစိုက်နဲ့ ရှောင်ချန်း ရဲ့မျက်နှာကို ထိတွေ့နေခဲ့သည်။

မွှေးရနံ့

ခိခိ

ရှောင်ချန်း ကဆေးရုံအိပ်ရာပေါ်တွင် လှဲလျောင်းနေခဲ့ပြီး မျက်ခုံးတွေက တွန့်ချိုးနေကာ သူ့အိပ်စက်နေမှုက မတည်ငြိမ်နေပေ။ သူ့ခန္ဓာကိုယ်က တောင့်တင်းနေပြီး သူ့တွင် အိမ်မက်ဆိုးတွေ ရှိနေပုံရသည်။

ဖျော့တော့သည့် အလင်းရောင်က ဝင်ရောက်နေပြီး ရှောင်ချန်း ရဲ့မျက်နှာပေါ်တွင် တောက်ပနေကာ သူ့ပုံစံက အတော်လေး ဖြူဖျော့နေပြီး ဖောက်ထွင်းမြင်ရလုနီးပါး ဖြစ်နေသည်။

ဒါက နတ်သမီးပုံပြင်တွေထဲက နိုးထ,လာဖို့ အနမ်းပေးမည့် မင်းသားလေးအား စောင့်မျှော်နေသည့် အိပ်ပျော်နေသည့် အလှလေးနဲ့ တူနေသည်။

အရိပ်က တိတ်တဆိတ် ရယ်မောလိုက်ပြီး ရှောင်ချန်း ရဲ့မျက်ခုံးကို ထိတွေ့လိုက်ကာ တွန်းချိုးနေသည့် မျက်ခုံးတွေအား ပြေလျော့သွားအောင် လုပ်လိုက်ပြီးနောက် ရှောင်ချန်း ရဲ့နှုတ်ခမ်းပါးကို ညင်သာစွာ ထိတွေ့လိုက်သည်။

ရှောင်ချန်း ကသူ့ပါးစပ်ကို အသက်ရှူနိုင်ဖို့ အနည်းငယ် ဟလိုက်သည်။

နောက်စက္ကန့်တွင် အရိပ်က ပုံမှန်လို အနက်ရောင် အငွေ့တွေက ခန္ဓာကိုယ်အဖြစ် ပြောင်းလဲလာခဲ့သည်။ ရှောင်ချန်း အားမဖိမိစေဖို့အတွက် သူက သူ့ကိုယ်သူ အိပ်ရာဘေးတွင် ဝင်လှဲလိုက်သည်။