လျှို့ဝှက်ဆန်းပြားလောက〘Uni+Zaw〙

နတ်ဆိုးနဲ့လဲလှယ်ခြင်း(၁၄)

Unicode

“အရာရှိကျိုး” ထိုလူက သူ့နောက်ကျောကို ဖြောင့်ထားပြီး တည်ငြိမ်စွာဖြင့် ပေါ်လာခဲ့သည်။ သူက ရဲအရာရှိပုံစံနဲ့ တူမနေပဲ ရှိုးပွဲက မော်ဒယ်လ်နဲ့သာ ပိုတူနေသည်။ သူ့အသွင်အပြင်နဲ့ စိတ်သဘောထားက အရမ်းကြီးကို ကောင်းလွန်းနေသည်။

ကျိုးယင်မေ့ ကမျက်မှောင်ကြုတ်လိုက်ပြီး သူမရှေ့မှလူအား အပေါ်အောက် ကြည့်လိုက်သည်။

အမျိုးသမီးတွေမှာ အန္တရာယ်ရှိတဲ့အရာအတွက် အာရုံခံနိုင်သည့် မှော်ဆန်သည့် ဆဌမအာရုံရှိသည်။

စုရန် ကသူ့အိတ်ထဲမှ ပစ္စည်းအချို့ကို ထုတ်လိုက်ပြီး စားပွဲပေါ်တွင် တင်လိုက်ကာ သူ့နှုတ်ခမ်းထောင့်က အနည်းငယ် ကွေးတက်သွားခဲ့သည်။

“ကျွန်တော်က ဒီအမှုအတွက်ကြောင့်သာ တရားဝင်ပြောင်းလာခဲ့တာပါ” ထိုလူက သူ့အကြည့်ကို မော့လိုက်ပြီး သူ့အညိုရောင် မျက်လုံးတွေက မတွေးနိုင်လောက်အောင် နက်နဲလွန်းနေသည်။ သူ့အသံက ပေါ့ပါးနေပေမဲ့ မယုံနိုင်လောက်အောင် စည်းရုံးသိမ်းသွင်းနိုင်သည့် အသံမျိုးဖြစ်နေသည်။ “ဒါပေမဲ့ ကျွန်တော်က အရာရှိကျိုး နဲ့တစ်ချိန်တည်းလောက်မှ ဒီမတော်တဆမှုကို စစ်ဆေးခဲ့မိတယ်”

ထိုစကားကို ကြားလိုက်ချိန်တွင် ကျိုးယင်မေ့ ရဲ့မျက်ခုံးတွေက ပိုကြုတ်သွားခဲ့သည်။

စုရန် ကပြုံးနေခဲ့ပေမဲ့ အပြုံးက သူ့မျက်လုံးထိ ရောက်မနေပေ။ “အရာရှိကျိုး၊ ကျွန်တော်ပြင်လာတဲ့ အချက်အလက်တွေကို တစ်ချက်လောက် ကြည့်သင့်တယ်”

ထိုလူရဲ့ မျက်လုံးတွေက လူတွေအား ညှို့ငင်နေသလိုမျိုး ပိုနက်ရှိုင်းနေသည်။ “ကျွန်တော်ယုံတယ်”

သူ့နှုတ်ခမ်းကို စေ့လိုက်ပြီး “ဒီအရာတွေက စစ်ဆေးတဲ့နေရာမှာ အရမ်းကိုအသုံးဝင်လိမ့်မယ်"

ကျိုးယင်မေ့ ကစကားတစ်လုံးမှ မပြောခဲ့ပေ။ သူမက မိန်းမတစ်ယောက် ဖြစ်သော်လည်း အဖွဲ့ခေါင်းဆောင် ဖြစ်လာနိုင်ခဲ့သည်။ ယောင်္ကျားတွေကြားတွင် ရပ်တည်နိုင်တဲ့ အမျိုးသမီးတစ်ယောက် ဖြစ်လာခဲ့သည်။ သူမက သူအသိဉာဏ် ဦးနှောက်နဲ့ ရုပ်ပိုင်းဆိုင်ရာ စွမ်းရည်တွေပေါ်တွင် မှီခိုပြီး ပိုအရေးအကြီးဆုံး အချက်ကတော့ - အရှိန်အဝါပင်။