လျှို့ဝှက်ဆန်းပြားလောက〘Uni+Zaw〙

လူသတ်ဂိမ်း (၅)

Unicode

လမ်းတစ်လျှောက် တစ်ဖွဲ့လုံးရဲ့ အခြေအနေက အရမ်းကိုလျှို့ဝှက်နေပြီး ဘယ်သူမှ အသံမထွက်ကြပေ။ လူတွေက တစ်ယောက်နဲ့ တစ်ယောက် စင်တီမီတာ ၃၀ မှ ၄၀ ထိလောက်သာ ခြားနေကြပြီး လူတိုင်းရဲ့ အမူအရာတွေက အရမ်းကို မငြိမ်မသက်ဖြစ်နေကြသည်။ သူတို့က ပတ်ဝန်းကျင်ကို စူးစမ်းနေကြပြီး သူတို့မျက်လုံးထဲတွင်လဲ စိုးရိမ်နေမှုက ဖုံးကွယ်နေသည်။

ဆန့်ကျင်ဘက်အနေဖြင့် တစ်စုံတစ်ယောက်ကို သတ်ခဲ့သည့် စုဂျင်းရှ ကတော့ ထူးဆန်းပြီး တဖြည်းဖြည်း သွားနေကာ ပိုပျင်းရိနေပုံ‌ပေါ်နေသည်။

ဒီအကြောင်းကို တွေးကြည့်ရင် ဒီအုပ်စုက တစ်ဦးနဲ့တစ်ဦး တစ်ရက်ပြည့်အောင်တောင် မသိကြပေ၊ ထို့အပြင် သူတို့တွင် ကိုယ်ပိုင်အတွေးတွေ ရှိကြပြီး သူတို့က လူကောင်းတွေလဲ မဟုတ်ကြပေ။

ရှောင်ချန်း ကတော့ မိုက်မဲသည့် ကလေးလေးနဲ့ တူနေပြီး သူတို့နောက်မှ သူငိုင်နေသည့် အမူအရာဖြင့် လိုက်နေခဲ့သည်။

သူ မကျေနပ်သည့် အရာကတော့ သူ့လက်ကို ကိုင်ထားသည့် လူက နှစ်မိနစ်လောက်အကြာတွင် နမ်းတာမျိုး၊ ဖက်တာမျိုးနဲ့ ပွတ်သပ်နေတာမျိုး လုပ်နေတာပဲဖြစ်သည်။ သူက ရှောင်ချန်း ရဲ့ခန္ဓာကိုယ်ထဲတွင် နှစ်မြှုပ်နေတာနဲ့ ပိုတူနေသည်။

ထို့ကြောင့် ရှောင်ချန်း ကပတ်ဝန်းကျင် လေထုက အရမ်းကို ထူးဆန်းနေတာကို အာရုံမစိုက်နိုင်ပဲ စခရင်က ကွန့်မန့်တွေကိုတောင် ဂရုမစိုက်နိုင်တော့ပေ။

ရှုချိုင်တောင် ကအစကတည်းက ရှေ့ကလျှောက်နေပြီး သူရပ်လိုက်ချိန်တွင် တခြားလူတွေလဲ ရပ်သွားခဲ့ကြသည်။

ရှောင်ချန်း ကရပ်ကာ မော့ကြည့်လိုက်သည်။

သူတို့ရှေ့တွင် သစ်သားတံခါး ရှိနေပြီး အမြင့်က ဘယ်လောက်ဆိုတာ မြင်တောင်မမြင်နိုင်ပေ။ သူတို့က မျက်နှာကြက်ကို မမြင်နိုင်သလို သစ်သားတံခါးက အမြင့်ကလဲ ဘယ်လောက်ရှိလဲဆိုတာ မခန့်မှန်းနိုင်ပဲ အမှောင်ထုက ကြောက်လန့်စေသည့် ခံစားချက်တွေကို ပေးနေသည်။