လျှို့ဝှက်ဆန်းပြားလောက〘Uni+Zaw〙

တစ္ဆေမျက်လုံး (၁၁)

Unicode

“ရှင် သူ့ကို ကြိုက်တယ်” ချန်းလုလု ကအပြစ်ကင်းသည့် မျက်လုံးတွေကို ပြူးထားရင်း အဖြူရောင် အင်္ကျီလေးကို ဝတ်ထားကာ ကြမ်းပြင်တွင် ဒူးထောက်ပြီး တစ်ယောက်နဲ့ တစ်ယောက် ဖက်ထားသည့် လူနှစ်ယောက်ကို ကြည့်နေခဲ့သည်။

လီချောင်းရီ ကသူ့နောက်တွင် မာရန်ယု ကိုထားထားရင်း သူ့မျက်လုံးတွေက သေချာသတိထားနေကာ မိန်းမငယ်လေးရဲ့ စကားလုံးတွေကို ကြားလိုက်ချိန်တွင် သူ့နှုတ်ခမ်းက စေ့သွားခဲ့ပြီး သူ့နောက်မှ အလင်းရောင်ကွယ်ကာ ရပ်နေပြီး တုန်ရီနေသည့် ကောင်လေးကို ကြည့်လိုက်ကာ သူ့နှလုံးသားက နာကျင်လာခဲ့သည်။

မာရန်ယု ကသူ့ခေါင်းကို မော့လိုက်ချိန် လီချောင်းရီ ရဲ့အကြည့်နဲ့ စုံသွားခဲ့သည်။

“အင်း” လီချောင်းရီ ကခေါင်းညိတ်လိုက်သည်။

အခုတော့ သရဲမက တွေးတွေးဆဆနဲ့ ခေါင်းညိတ်လိုက်ရုံသာမက သူ့နောက်တွင်ပုန်းနေသည့် မာရန်ယု တောင်မှ ထိတ်လန့်စွာဖြင့် ပါးစပ်အဟောင်းသား ဖြစ်သွားခဲ့သည်။

သူက လီချောင်းရီ ရဲ့ကျောဘက်ရှိ အင်္ကျီဖြင့် သူ့မျက်နှာကို ကွယ်ထားကာ လီချောင်းရီ ရဲ့ခန္ဓာကိုယ် အနွေးဓာတ်ကို ခံစားမိနေခဲ့သည်။

သူ့ခေါင်းကို အနည်းငယ်‌ မော့လိုက်ပြီး လီချောင်းရီ ရဲ့သူ့အား တင်းတင်းကြပ်ကြပ် ကာကွယ်နေသည့် ပုံရိပ်ကို မြင်လိုက်ရသည်။

အရိုးသားဆုံး ပြောရရင် ထိုအချိန်တွင် သူ့နှလုံးသားက မလှုပ်ရှားသွားဘူးဆိုရင် ဟန်ဆောင်နေခြင်းသာ ဖြစ်လိမ့်မည်။

သရဲမက ခေါင်းခါလိုက်ကာ လေထုကလဲ ထူးဆန်းစွာဖြင့် တိတ်ဆိတ်နေခဲ့သည်။

လီချောင်းရီ ကအံကြိတ်လိုက်ကာ ပူနေချိန် သံကိုထုရိုက်သလိုမျိုး စကားကို ဆက်ပြောလိုက်သည်။ “ငါ တစ်ကိုယ်ကောင်းဆန်မှန်း သိတယ်၊ သူအမှားလုပ်ခဲ့တာသိရဲ့နဲ့ တစ်ကိုယ်ကောင်းဆန်မိလို့ သူက မင်းကို ခွင့်လွှတ်ဖို့ တောင်းပန်နေခဲ့တယ်။ ဒါပေမဲ့ ငါကတော့ မင်း သူ့ကို လွှတ်ပေးဖို့ တောင်းဆိုချင်တယ်”