လျှို့ဝှက်ဆန်းပြားလောက〘Uni+Zaw〙

နတ်ဆိုးနဲ့လဲလှယ်ခြင်း(၉)

Unicode

ကောင်းကင်က တဖြည်းဖြည်း မဲမှောင်လာခဲ့သည်။ နွေရာသီတွင် ညအချိန်က မြန်မြန်ရောက်လာတက်ပြီး မကြာခင်မှာပဲ ကောင်းကင်တစ်ခုလုံးက မဲမှောင်သွားခဲ့ပြီး ညအချိန်တွင် တစ်ကမ္ဘာလုံးက အဆုံးအစမဲ့နေသည်။

လေကတိုက်ခတ်လာပြီး သစ်ကိုင်းတွင် ချိတ်ဆွဲထားသည့် သံစုံခေါင်းလောင်းလေးတွေက မြည်လာခဲ့ပြီး တိတ်ဆိတ်နေသည့် ညအချိန်အား ကျောချမ်းစရာကောင်းအောင် ဖြစ်စေသည်။

“သွားရအောင်” မိန်းကလေး တစ်ယောက်ရဲ့အသံက အဝေးမှ ထွက်လာခဲ့သည်။ သူမအသံက တိုးလျနေပြီး ကြောက်လန့်နေသလိုမျိုး တုန်နေခဲ့သည်။

ဒီလိုနေရာမျိုးမှာ ဒိတ်ကျသည့် ကောင်လေးတွေက ကြောက်စရာကောင်းတယ်လို့ သူမ တွေးလိုက်သည်။

“မင်းကြောက်နေတာလား? ကိုယ်ရှိတယ်” ကောင်လေးက ပြောလိုက်ပြီး အာရုံသိပ်မစိုက်ပေ။

“ဒါပေမဲ့ မကြာခင်တုန်းကမှ ကျောင်းထဲမှာ လူသတ်မှုနှစ်ခု ဖြစ်ခဲ့တာလေ။ နေ့ဘက်မှာတောင် စာကြည့်တိုက်ဘက်ကို လူအများကြီး မလာကြတော့ဘူး၊ ညဘက်မှာဆို တစ်ယောက်တောင် မရှိဘူးလေ” မိန်းကလေးက ကြောက်နေပြီး သူမအသံက ပိုပြီးတော့တောင် တိုးနေသည်။ သူမအသက်ရှူသံက ဖိအားတွေကြောင့် တိုးလျနေသည်။

ကောင်လေးက သိပ်ပြီးအာရုံမစိုက်ပဲ သိသိသာသာလို၊ မတော်တဆလိုမျိုးဖြင့် သူ့လက်တွေအား မိန်းကလေးရဲ့ ခန္ဓာကိုယ်ပေါ် လှုပ်ရှားလိုက်တာကြောင့် သူမက သူနဲ့အဝေးကို ရောက်သွားစေသည်။

“အဲ့လိုမလုပ်နဲ့” မိန်းကလေးရဲ့အသံက ပြောင်းလဲသွားပြီး ရှက်ရယ်သည့်အသံတောင် ထွက်လာခဲ့သည်။

သစ်ပင်တွင် ချိတ်ဆွဲထားသည့် အနီရောင်ဖဲကြိုးတွေက လေကြောင့် လှုပ်ရှားနေပြီး တရှဲရှဲအသံက ထွက်နေခဲ့သည်။

“ဘမ်း” ကြီးမားသည့် တစ်စုံတစ်ခုက မြေပြင်ပေါ်ကို အရှိန်ပြင်းစွာ ပြုတ်ကျလာခဲ့ပြီး မြေကြီးကိုတောင် တုန်သွားစေလောက်သည့် အသံကျယ်ကြီးက ထွက်လာခဲ့သည်။

“အားးးး!” မိန်းကလေးရဲ့ တစ်ကိုယ်လုံးက ရုတ်တရက် အဖြစ်အပျက်ကြောင့် တုန်လှုပ်သွားပြီး မြေပြင်ပေါ်ကို လဲကျသွားခဲ့သည်။