လျှို့ဝှက်ဆန်းပြားလောက〘Uni+Zaw〙

အန္တရာယ်ကြားမှ ထွက်ပြေးခြင်း (၁)

Unicode

လေအေးတွေက ရှောင်ချန်း ရဲ့ခြေထောက်တွေအား အေးသွားစေသည်။

လခြမ်းကွေးက ကောင်းကင်ထက်တွင် တည်ရှိနေပြီး ဘာကြယ်မှရှိမနေပဲ စွန့်ပစ်ခံရပုံပေါ်နေသည်။

လမ်းကြားက အရမ်းကို ရှည်လျားပြီး ဘာလမ်းမီးရောင်မှ ရှိမနေပေ။ ဒီလိုအေးစက်သည့် ညအချိန်တွင် ပိုကြောက်စရာကောင်းနေတာက လမ်းအဆုံးကို မမြင်ရသလို လေက ဘယ်ကနေ တိုက်ခတ်နေမှန်း မသိတာကြောင့် ကြက်သီးမွှေးညှင်းများ ထ,စေသည်။

ရှောင်ချန်း ကသိပ်မဝေးလှသည့်နေရာမှ ခွေးဟောင်သံကိုတောင် ကြားလိုက်ရသည်။

ဒါက စိတ်ထင်တာလားဆိုတာ သူမသေချာပေမဲ့ တစ်စုံတစ်ခုက သူ့နောက်တွင် လိုက်နေသလိုမျိုး အမြဲတမ်း ခံစားနေရသည်။

ရှောင်ချန်း ကအကြိမ်ကြိမ် ရပ်ရပ်လိုက်ကာ အနောက်ဘက်ကို လှည့်ကြည့်ပြီး သူ့လက်ထဲမှ မီးဖွင့်ထားသည့် ဖုန်းအား တင်းကြပ်စွာ ကိုင်ထားရင်း တံတွေးမြိုချလိုက်ကာ ချွေးအေးတွေက သူ့နားထင်မှတဆင့် စီးကျလာခဲ့သည်။

ငါ အတွေးလွန်နေတာပဲ ဖြစ်ရမယ်။

သူ့ကိုယ်သူ နှစ်သိမ့်လိုက်သည်။

“ခရပ်” အသံတစ်ခု။

ရှောင်ချန်း ရဲ့ခန္ဓာကိုယ်က တုန်ရီသွားခဲ့ပြီး ထိတ်လန့်သွားခဲ့သည်။ သူ့ဖုန်းကို ကိုင်ထားပြီး အသံလာရာဘက်သို့ မီးရောင်ကို လှည့်လိုက်ကာ သန်မာဟန်ဆောင်ရင်း အော်လိုက်သည်။ “ဘယ်သူလဲ? အဲ့မှာဘယ်သူလဲ?”

ဘယ်သူမှ ပြန်မဖြေပေ။

ရှောင်ချန်း ကသူ့စိတ်ထဲမှ ဒီမဲမှောင်နေသည့် လမ်းက အရမ်းတိုတောင်းတာကြောင့် မထိတ်လန့်သင့်ကြောင်း ကျိန်ဆဲလိုက်သည်။

အသက်ပြင်းပြင်း ရှူသွင်းလိုက်ပြီး သူ့အေးချမ်းမှုအား အရှိန်မြှင့်လိုက်ကာ ပြန်လှည့်မကြည့်မိစေဖို့ ကျိန်ဆိုလိုက်ရင်း အရှေ့ကို ဆက်လျှောက်လိုက်သည်။

သို့သော်လည်း သူခြေနှစ်လှမ်း လှမ်းပြီးသည်နှင့် သူ့နောက်မှ သူ့ခြေသံနဲ့ ထပ်တူကျလုနီးပါး ခြေသံတစ်ခုက ထွက်လာတာကို သူကြားလိုက်ရသည်။