လျှို့ဝှက်ဆန်းပြားလောက〘Uni+Zaw〙

တစ္ဆေမျက်လုံး (၇)

Unicode

တစ္ဆေမျက်လုံး (၇)

လူအိုကြီးက အချိန်အနည်းငယ်လောက် တိတ်ဆိတ်နေခဲ့ပြီး လည်ချောင်းရှင်းလိုက်ကာ “သူသာ တကယ် တစ္ဆေဘုရင်ဆိုရင် သူ ပြန်လာပြီး ဆူညံပွတ်လောရိုက်အောင် လုပ်ချင်တယ်ဆိုရင် ဒီကမ္ဘာမှာ သူ့ကို အနိုင်ရမဲ့သူ ရှိမှာမဟုတ်ဘူး”

လုရီမင် ကထိုစကားတွေအား ကြားလိုက်ချိန်တွင် ရယ်လိုက်ပြီး လှောင်ပြောင်မှု အနည်းငယ်ဖြင့် သူ့နှုတ်ခမ်းထောင့်က မြင့်တက်သွားခဲ့သည်။ “သူဖြစ်မယ်လို့ အဘိုးက ဘယ်လိုလုပ်ပြီး သိတာလဲ?”

သူ့အသံထဲမှ မကျေနပ်ချက်များကို လူအိုကြီးက ကြားလိုက်ပြီး ထူးဆန်းသလို ခံစားလိုက်ရပေမဲ့ သူအများကြီး လိုက်တွေးနေမိတယ်လို့ ခံစားမိလိုက်တာကြောင့် သူ့အတွေးတွေကို ဖယ်ထုတ်ပစ်လိုက်ဖို့သာ ဖိအားပေးလိုက်သည်။ သူက ရှင်းပြလိုက်သည်။ “ဂျင်းဟေး ကတိုင်းပြည်ရဲ့ ဘုရင်ပဲ။ သူ့ခေတ်မှာ မငြိမ်မသက်မှုတွေက မြင့်တက်ခဲ့တယ်။ တိုင်းပြည် ကျရှုံးသွားတဲ့နေ့မှာ သူက ဓားနဲ့ထိုးခံရပြီး သေပြီး တစ္ဆေအဖြစ် ပြောင်းသွားခဲ့တယ်။ ရုတ်ချည်းပဲ ကောင်းကင်ကလဲ ပြောင်းလဲသွားပြီး နေနဲ့လက ပျောက်ကွယ်သွားပြီး သုံးရက် သုံးည သွေးမိုးတွေရွာခဲ့တယ်။ မြို့တော်တစ်ခုလုံး အပြစ်ကင်းတဲ့ သူတွေကော ပုန်ကန်တဲ့သူတွေကော အကုန်သေသွားကြတယ်။ နှစ်ထောင်ပေါင်းများစွာ ကမ္ဘာမှာ အချိန်အကြာကြီး လျှောက်သွားပြီး မပျောက်သွားတဲ့သူပဲ”

လုရီမင် ကလူအိုကြီးအား တည်ငြိမ်စွာဖြင့် စိုက်ကြည့်လိုက်ပြီး “သူက နှစ်ထောင်ပေါင်းများစွာတည်းက ကမ္ဘာပေါ်မှာ ရှိနေခဲ့တာ။ သူသာ မငြိမ်မသက်ဖြစ်စေချင်ရင် ကမ္ဘာကြီးက အန္တရာယ်ရှိနေမှာပဲ။ ဘာကြောင့် သူက ဒီနေ့အထိ စောင့်နေမှာလဲ?”

သူပြန်ငြင်းဆန်ဖို့ မရည်ရွယ်ပဲ ဖြစ်နိုင်သည့် အချက်အလက်တွေကိုသာ ပြောပြလိုက်တာဖြစ်သည်။

လူအိုကြီးက တိတ်ဆိတ်နေခဲ့သည်။

လုရီမင် ကလူအိုကြီးဆီမှ အကြည့်လွှဲလိုက်ပြီး “လူသားနဲ့ တစ္ဆေတွေကြားမှာ အကျိုးနဲ့ အကြောင်းဆိုတာရှိတယ်။ သူတို့က တူညီတဲ့မြေပြင်နဲ့ ကောင်းကင်အောက်မှ အသက်ရှင်နေတာတောင် တစ်ဦးနဲ့တစ်ဦး အနှောက်အယှက် မပေးခဲ့ကြဘူး”